Алматы облысында 1000-нан астам адам президент сайлауын бақылайды
Талдықорғанда «Social center» әлеуметтік орталығында «Аманат» сайлауға мониторинг жүргізу азаматтық платформасы атқарған жұмыстарын қорытындылады, деп хабарлайды TINFO желілік агенттігі.
Алматы облысы бойынша сайлау үрдісін бақылайтын 25 мобильді капитан мен 1040 тәуелсіз бақылаушы бекітілген.
«Біз бұл сайлаудың заңды әрі өте әділетті өтуін қадағалаймыз. 9 маусым күні «Аманат» азаматтық платформасы Алматы облысы бойынша барлық аудандар мен қалаларда, сайлау учаскелерінде тәуелсіз бақылаушылармен қамтылады»,-деді «Аманат» азаматтық платформасы штабының жетекшісі Қайрат Темірғалиұлы.
«Аманат» азаматтық платформасы өңір аумағында 32 іс-шара ұйымдастырған. Оның ішінде оқыту тренингтері мен белсенді жастармен кездесулер бар.
Фото: Өңірлік коммуникациялар орталығы.