Жаңалықтар

Войти через

  • 18:37:16
  • 28°C

Вторник, 15 июня

 

Жаңалықтар

Алмас Абдинов Азия чемпионатының жеңімпаздарын қабылдады

Бүгін Алакөл ауданының әкімі Алмас Абдинов ҚР Тәуелсіздігінің 30 жылдығына орай кадеттер арасында Ташкент қаласында өткізілген Азия чемпионатының алтын медаль иегері Анель Қайратқызы мен қола жүлдегері Ақнұр Бейсенбекқызын және бапкер Бағлан Айтахынұлын жеке қабылдады, деп хабарлайды Tinfo.kz. «Құрлықтағы бірталай мемлекеттердің басын қосқан дүбірлі додада аудан спортшылары еліміздің байрағын биікте желбіретіп, үздіктер қатарынан көріне білді. Бұл тек Алакөлдің ғана емес, күллі республиканың жетістігі», - деді құттықтауында аудан әкімі. Сонымен бірге спортшыларға сый-сияпат табыс етілді. (adsbygoogle = window.adsbygoogle || []).push({}); Бұл жеңіс боз кілем шебері атанған балуан қыздарымыздың алғашқы жүлдесі емес. Жыл басынан бері Анель Қайратқызы Қызылорда, Қостанай, Семей, Түркістан, Ақтөбе, Ташкент қалаларында өткізілген Самбодан Қазақстан Республикасының Чемпионатында жүлделі орындарды иеленіп жүрсе, Ақнұр Бейсенбекқызы Ақтөбе, Орал, және т.б. қалаларда өткізілген додалардың қола жүлдегері атанған.

Ескелді ауданында салық бойынша семинар ұйымдастырылды

Алматы облысы Кәсіпкерлер палатасының Ескелді аудандық филиалының ұйымдастыруымен "үй жанындағы дүкен" иелері үшін салық мәселелері бойынша семинар өтті. Кездесуге аудандағы ауылдық округтердегі кәсіпкерлер ZOOM арқылы онлайн қосылды, деп хабарлайды Tinfo.kz. Ақпараттық-түсіндіру семинарының спикерлері ретінде Алматы облысы Кәсіпкерлер Палатасының ҰКП мүшелерімен жұмыс жөніндегі маман Санат Түсіпов, Ескелді аудандық Кәсіпкерлер палатасы филиалының директоры Әділет Сұлтанбек, Алматы облысы бойынша Мемлекеттік кірістер департаментінің бас маманы Жансерік Құрманғалиев, Ескелді ауданы бойынша Мемлекеттік кірістер департаментінің бас маманы Наталья Каргина, салық мәселелері бойынша сарапшы Гүлнар Есжанова сөз сөйледі. (adsbygoogle = window.adsbygoogle || []).push({}); Сауда дүкендерінің иелеріне электрондық шот-фактураларды шығару, "Виртуалды қойма" порталының жұмысы, ілеспе-жүкқұжат тауарларын (ТІЖ) шығару, сондай-ақ жұмыс барысында туындайтын басқа да мәселелер түсіндірілді. Кәсіпкерлерге ҚР Қаржы министрінің 2021 жылғы 4 маусымдағы бұйрығымен тауарларға ілеспе жүкқұжаттар бойынша пилоттық жобаның мерзімдері ұзартылғанын еске салды. Мәселен, акцизделетін өнімдер, ҚР аумағына тауарларды әкелу, ҚР аумағынан тауарларды әкету бойынша пилоттың мерзімі 2021 жылғы 1 қазанға дейін, виртуалды қойманың тауарлары бойынша 2022 жылғы 1 қаңтарға дейін ұзартылды. ДСҰ–ны алу тізбесінен қалған тауарлар және таңбаланатын тауарлар бойынша пилоттың басталу мерзімі 2021 жылғы 1 ақпаннан бастап 2021 жылғы 1 қазанға, аяқталу мерзімі - 2022 жылғы 1 ақпаннан бастап 2022 жылғы 1 тамызға көшіріледі. Бұл ретте пилотты жүргізу кезеңінде айыппұл санкциялары қолданылмайды. «Үй жанындағы дүкен» иелерінің ТІЖ безендіру бойынша міндеттері жоқ. Сонымен бірге, акцизделетін тауарларды (алкоголь және темекі) сату кезінде, бұрынғыдай, олардың ақпараттық жүйеде алынғанын растау қажет. "Ауылдық округтерді аралау кезінде және кәсіпкерлермен кездесу барысында жиі қойылатын сұрақтардың бірі салық салу саласындағы сұрақтар болды. Кәсіпкерлер ақпараттық жүйеге тіркелу және онымен жұмыс істеу кезінде де, сондай-ақ Интернет желісіне қол жеткізу кезінде де қиындықтарға тап болады. Кәсіпкерлерге түсіндіру мақсатында МКБ және Кәсіпкерлер палатасы алаңында оқытулар мен семинарлар ұйымдастырылады", - деді Ескелді аудандық Кәсіпкерлер палатасы филиалының директоры Әділет Сұлтанбек. Сондай-ақ, кездесуге қатысушыларға ТІЖ мәселелері бойынша оқыту әр айдың басындағы және соңындағы бейсенбі күні Алматы облысының қалалары мен аудандарындағы Мемлекеттік кірістер басқармасының ғимаратында ұйымдастырылатынын атап өтті.

Алматы облысындағы жиһаз цехы ай сайын 3 мың орындық шығарады

Алматы облысында кәсіпкер орындықтар өндірісін жолға қойды. Мемлекеттік қолдаудың арқасында ашылған жиһаз цехы ай сайын үш мыңға дейін орындық шығарады, деп хабарлайды Tinfo.kz. Іле ауданының тұрғыны Тілек Әділхат «Еңбек» мемлекеттік бағдарламасы аясында жүзеге асырылып жатқан «Бастау Бизнес» кәсіпкерлік негіздері жобасының арқасында кәсіпкер атанды. Ол ұзақ уақыттан бері жиһаз жасап, оны базарда сатып жүрді. (adsbygoogle = window.adsbygoogle || []).push({}); 2018 жылы ол Алматы облысының Кәсіпкерлер палатасы арқылы «Бастау Бизнес» жобасы бойынша оқуға жазылды. Курс аяқталған соң «Жас кәсіпкер» бағдарламасы бойынша 505 мың теңге көлемінде грантқа алды. Ал өткен жылы жиһаз өндіретін цехты дамыту үшін Ауыл шаруашылығын қаржылай қолдау қоры арқылы 6 млн теңге көлемінде несиеге қол жеткізді. «Бизнесті бастаған кезде үш апта бойы қызметкерлерді оқытып, тегін шеберлік сабақтарын өткіздім. Қазір өз командамды жасақтадым. Біз күн сайын үйге арналған 100 орындық жасаймыз. Отандық өнімнің басты артықшылығы сапасы мен бағасында. Шетелдің орындықтарына қарағанда құны төмен. Осының арқасында көтерме тапсырыс берушілеріміз бар», - дейді кәсіпкер. Жиһаз цехы Іле ауданының Жетіген ауылында орналасқан. Өнімдер аудан ішінде және Алматы қаласының базарларында сатылады. Бүгінде кәсіпкер жиһаз түрін ұлғайтып, жаңа станоктар сатып алу арқылы цехты кеңейтуді жоспарлап отыр. Алматы облысы Кәсіпкерлер палатасының директоры Әсет Шаяхметовтың айтуынша, жыл басынан бері «Бастау Бизнес» жобасының 600-ге жуық түлегі өз жобаларын қаржыландыра алды. Жалпы, өткен жылы Алматы облысында «Бастау Бизнес» аясында 3022 қатысушы кәсіпкерлік негіздеріне оқытылды, 2 мыңнан астам жоба жалпы сомасы 1,8 млрд теңгеге қаржыландырылды.

Алматы облысында «Nur Otan» партиясы Саяси кеңесінің Бюро отырысы өтті

Бүгін облыстық партия филиалы төрағасының бірінші орынбасары Г.Тойлыбаеваның төрағалығымен «Nur Otan» партиясы Алматы облыстық филиалының Саяси Кеңес Бюро отырысы өтті. Бюро отырысының күн тәртібінде «Жастар-Отанға!» 2025 жылға дейінгі бағдарламасын жүзеге асыруға бағытталған жол картасын бекіту мәселесі қаралды. Бюро мүшелеріне облыстық «Jas Otan» ЖҚ төрағасы Е.Ақболатов аталған бағдарламаны іске асыруы жайында баяндап өтті, деп хабарлайды Tinfo.kz. Қазіргі таңда, «Жастар-Отанға» 2025 жылға дейінгі бағдарламасын жүзеге асыруға бағытталған Алматы облысы бойынша 21 жол карталарының (1 облыстық, 3 қала, 17 аудандық) жобасы әзірленіп, қала және аудандық жол карталары толықтай «Nur Otan» партиясының Саяси кеңес Бюросында бекітілді. «Жастар-Отанға» 2025 жылға дейінгі бағдарламасында көзделген барлық 5 бағыт бойынша жол карталарында жалпы саны 16 индикатордан тұратын 40 облыстық, 59 қалалық және 345 аудандық деңгейдегі іс-шаралар қамтылған. (adsbygoogle = window.adsbygoogle || []).push({}); Жол карталарының уақытылы, әрі сапалы орындалуын және жауапты тұлғаларды бекіту мақсатында, облыстық басқармалар, аудан, қалалық жергілікті мемлекеттік органдар, жастар ұйымдарымен келіссөздер жүргізіліп, әр мекеме басшысының қолы және мекеме мөрі қойылған келісім парақтары әзірленді. Партияның 2025 жылға дейінгі «Өзгерістер жолы: Әр азаматқа лайықты өмір!» Сайлауалды бағдарламасы, сондай-ақ, жастарды қолдауға бағытталған «Жастар – Отанға!» бағдарламасын тиімді іске асыру мақсатында, облыс бойынша әр деңгейдегі маслихат депутаттарынан құралған Жас депутаттар корпусы және партия жанындағы Жастарды қолдау жөніндегі қоғамдық кеңес құрылып, облыс жастарының жан-жақты дамуы мен өзін-өзі қалыптастыруы үшін жағдай жасау бағытында жұмыстарды атқаратын болады.

Текелі қаласы әкімінің баспасөз хатшысы Үздік студенттер академиясының Сенат төрағасы атанды

4 маусым Қазақстан Республикасының Мемлекеттік рәміздері күніне орай «Үздік студенттер академиясы» ұйымының Алматы облыстық филиалың және  «Jas Otan» жастар қанатының ұйымдастыруымен «Тәуелсіздігім туыммен тұғырлы, Елтаңбаммен еңселі» тақырыбында конференция өтті, деп хабарлайды Tinfo.kz. Салтанатты жиынға "BILIM-ÒRKENIETI" ұлттық инновациялық ғылыми-зерттеу орталығы директорының орынбасары Саят Набиев Талдықорған қаласының жастарымен жүздесті. (adsbygoogle = window.adsbygoogle || []).push({}); Сонымен қатар Текелі қаласы әкімінің баспасөз хатшысы Ботбаева Ұлжан Ұлдаханқызын Үздік студенттер академиясының Алматы облысы бойынша Сенат төрағасы лауазымына тағайындап,  Қазақстан Республикасы Мемлекеттік Елтаңбасының авторы Жандарбек Мәлібекұлының арнайы құттықтау лебізін жеткізді. Атап өтсек Текелі қаласының баспасөз хатшысы Ұлжан Ботбаева осыған дейін бірнеше Республикалық сайыстарда топ жарып, 2020 жылы "Қазақстан Республикасы жастарының Алтын кітабына" және "ТМД елдерінің Үздік студенті" атты кітап жинаққа еніп, ғылым саласындағы жетістіктері үшін төсбелгілермен марапатталған. "Үздік студенттер академиясы" 2018 жылы құрылған.  Ұйымның басты мақсаты - жастарға патриоттық тәрбие беру арқылы, олардың бойындағы шығармашылық, көшбасшылық қасиеттерін дамыту болып табылады. Бүгінде аталған академия құрамына еліміздің 1000 жуық студент жастары қосылған. Сонымен қатар республикамыздың әр өңірінен сенат төрағалары бекітілген.

Алакөл ауданыңда рәміздер күніне орай автошеру ұйымдастырылды

Алакөл ауданыңда ҚР Мемлекеттік рәміздер күніне орай «Мен елімнің символымен мақтанамын» атты автошеру өтті, деп хабарлайды Tinfo.kz. Акцияның басты мақсаты – жастарға патриоттық тәрбиені қалыптастыру, мемлекеттік рәміздерге құрметтерін арттыру болып табылады. (adsbygoogle = window.adsbygoogle || []).push({}); Автошерудің негізгі  атрибуты ҚР мемлекеттік Туы болды. Аталған шара аудан орталығы, «Даңқ» аллеясында орналасқан 33 метрлік Ту тұғырынан бастау алып, көк байрақпен безендірілген 10-ға жуық автокөлік пен ауданның еркіті жастары қаланың басты көшелері Дулепов, Төле би, Абылайхан, Үшарал – Достық, Д.Қонаев және Жеңіс көшелерінің  бойымен жүрді. Акция Үшарал қаласының әкімдігінен аяқталды. Биыл Қазақстан Республикасы Тәуелсіздігінің 30 жылдығы, Желтоқсан оқиғасы мен Чернобыль апатының 35 жылдығы, Семей полигонының жабылғанына 30 жыл және жыр алыбы Ж.Жабаевтың 175 жылдығын аудан көлемінде аталуда.

Атамекен» мен Антикор 40 млрд теңге шығынның алдын алды

«Атамекен» ҰКП және ҚР Сыбайлас жемқорлыққа қарсы іс-қимыл агенттігінің жұмысы арқылы бір жарым жыл ішінде 40 млрд теңге көлемінде бюджеттік қаражат үнемделді, - деп хабарлайды Tinfo.kz. Цифрландыруды ілгерілету, кәсіпкерлердің жұмыс істеу шарттарын оңайлату және жемқорлық тәуекелдерін төмендету бағытында атқарылған жұмыс  Сыбайлас жемқорлыққа қарсы іс-қимыл мәселелері бойынша V Республикалық кәсіпкерлер форумында талқыланған негізгі тақырыптар болды. (adsbygoogle = window.adsbygoogle || []).push({}); Бизнеске қысымды азайту үшін Ұлттық палата бірнеше шешімді ұсынды, атап айтқанда, шағын бизнеске минималды әрі қарапайым салықтарды енгізу, бизнестің еңбекақы төлеу қорына жүктемесін 20%-ға дейін төмендету, кәсіпкерлерге салынған 10 мыңнан астам талапқа тексеру жүргізу және бірыңғай өзекті тізілім құру.     Бизнеске қарастырылған салық олардың ауқымына сәйкес келуі тиіс, деп атап өтті Тимур Құлыбаев. Негізгі салық төлеушілер – 2,4 мың ірі және 6 мың орта кәсіпорын. Өз кезегінде саны 1 млн бірлікке жуықтаған  микро- және шағын бизнес субъектісі салық төлеуден жалтарады, өйткені олар күрделі әкімшіліктендіруді түсінбейді және қорқады:  «Сондықтан микро және шағын бизнеске ең төменгі әрі қарапайым салық қажет. Салық төлеу күнделікті өмірде мобильдік байланыс немесе коммуналдық қызметке төлегендей жасалуы қажет», – деді Тимур Құлыбаев. ҰКП өкілдерінің айтуынша, бірінші кезекте бұл еңбекақы төлеу қорына қатысты. Қазір әрбір жалдамалы жұмыскер үшін бизнес салық агенті ретінде 5 төлем (ЖТС, әлеуметтік салық, БЖЗҚ, МӘСҚ, ӘМСҚ жарналары) төлейді, ал жалпы жүктеме 34%-ды құрайды. Бұл ЭЫДҰ бойынша орташа деңгейде (2020 жылы 34,6%) болады. Біздің бағалауымыз бойынша 8,8 млн жұмыспен қамтылған халықтың 4 миллион адамға дейін өз табысынан тұрақты салықтар мен төлемдерді төлемейтін бейресми жұмыспен қамтылғандарға жатқызылуы мүмкін: «Көпшілігі қайта несие алған, коллекторлар мен сот орындаушыларының кесірінен ресми жұмыс істегісі келмейді. Олар үшін біз бірыңғай төлем енгізуді және жүктемені 20%-ға дейін төмендетуді ұсынамыз. Бұл оларды көлеңкеден шығуға ынталандырады, олар есепке тұрады және мемлекеттің барлық әлеуметтік қызметін пайдалануға кепілдік береді», – деді  Тимур Құлыбаев. Тимур Құлыбаев мемлекеттік жоспарлаудың жаңа жүйесі аясында Үкімет кәсіпкерлікті дамытудың 2025 жылға дейінгі жаңа Тұжырымдамасын әзірлеп жатқанын еске салды. ҰКП-ның жаңа нормативтік саясатты, салықтарды, кәсіпкерлікті қолдаумен байланысты барлық ұсыныстары жаңа Тұжырымдамада жүйеленетін болады. Бұл мәселеде Палата Агенттіктің қолдауына сенім артады. Сыбайлас жемқорлыққа қарсы іс-қимыл агенттігі мемлекеттік жоспарлау мен мемлекеттік сатып алу порталдарын біріктіруді, бюджеттік өтінімдерді көпшілікке орналастыруды қамтамасыз етуді ұсынды. Ұқсас тауарларға бірыңғай сипаттамалар мен бағаларды белгілеу қажет. Ірі нысандарды салған кезде қаражаттың бюджеттік кезеңнің соңында игеруді емес, біз ЭЫДҰ елдерінің тәжірибесі бойынша жобалық қаржыландыруға көшуді ұсынды: «Сондай-ақ, қаражатты бөлу кезеңінен игеруге дейін сүйемелдеуді енгізу орынды. Бірақ бұл бір қақпаға баратын ойын болмауы керек. Бизнес те  әділ ойын ережелерін қабылдауы тиіс – мемлекет және бюджет ақшасымен жұмыс істегің келсе, ашық саясатқа дайын бол. Міне – адалдық деген осы. Біз ҰКП-мен кезекті картаны әзірледік және тәсілді өзгертіп жатырмыз. Біз кәсіпкерлер үшін маңызды салаларды таңдадық және интеграцияланған талдауды қолдана отырып, әр салада егжей-тегжей жұмыс істейтін боламыз. Ол үшін құқыққорғау органдары мен ҰКП қызметкерлерін, қоғам өкілдерін тарта отырып, арнайы ведомствоаралық топ құрылатын болады. Нәтижесінде тәуекелдер жойылып, нақты заңнамалық түзетулер қажет болуы мүмкін», – деді ҚР Сыбайлас жемқорлыққа қарсы іс-қимыл агенттігінің төрағасы Марат Ахметжанов. Ұлттық палата мамандары жемқорлық мәселелерін шешу үшін цифрлық жүйе қажет деп есептейді. Ол барлық процеске – өтінім бергеннен бастап құжат алғанға дейін қатысты болу керек. Адами фактор толық жойылу керек немесе айтарлықтай шектелу керек. Ол үшін Цифрлық даму, инновациялар және аэроғарыш өнеркәсібі министрлігінің қатысуымен Цифрлық трансформация орталығы құрылды. Ол: мемлекет және мемлекет, мемлекет және бизнес, мемлекет және тұрғындар деген үш бағыт бойынша жұмыс істейді. «Мемлекеттің бизнеспен қарым-қатынасы бағыты бойынша біздің негізгі серіктестеріміз – «Атамекен» Ұлттық кәсіпкерлер палатасы. ол мемлекеттік процестерге бизнес-көзқарасты қалыптастырады. Ал Сыбайлас жемқорлыққа қарсы іс-қимыл агенттігі сыбайлас жемқорлық факторларын көрсетеді. Біз бизнес-процестерді қайта қарағаннан кейін бәрін цифрландыруға тиіспіз», – деп атап өтті министр Бағдат Мусин. ҰКП мәліметінше, бүгінде мемлекеттік қызметтердің 90%-ы цифрландырылған, алайда көптеген ақпараттық жүйе мен портал арасындағы интеграцияны реттеудің маңызы зор. «Атамекен» өкілдері бірыңғай стандарттар мен бизнеске ашық АРІ арқылы мәселені шешуге болатынын алға тартады.

Алматы облысындағы «Балық мектебі» саладағы тапшы мамандарды дайындайды

Алматы облысында балық шаруашылығының мамандарын дайындайтын «Балық мектебі» жұмыс істейді. Өткен жылдың маусым айында ашылған білім беру мекемесі 70 маманды оқытып шықты, деп хабарлайды Tinfo.kz. Мектептің негізін қалаушы - «Есік» форель шаруашылығының жетекшісі, ихтиолог Марлен Тұрсынәлі. Әл-Фараби атындағы Қазақ Ұлттық университетінің балық шаруашылығы және өнеркәсіптік балық аулау мамандығының түлегі Испанияда біліктілікті арттыру курсынан өтіп, Қазақ балық шаруашылығы ғылыми-зерттеу институтында зертханашы болып жұмыс істеген. Осы салада ол тәжірибе жинап, 2015 жылы жеке шаруашылығын ашты. Қазіргі таңда «Есік» форель шаруашылығында 10-ға тарта балықтың түрі өсіріледі. Жылына 300 тоннадан астам өнім өндіріледі. (adsbygoogle = window.adsbygoogle || []).push({}); Кәсіпкердің сөзінше, балық кәсібінде ең өзекті мәселелердің бірі - мамандардың тапшылығы. Сол себепті бір жыл бұрын «Балық мектебін» ашқан. «Негізгі мақсатым – балық шаруашылығындағы кәсіби мамандар санын арттыру мен еліміздегі осы саламен айналысатын шаруа қожалықтарының санын 100-ге жеткізу. Бір жыл ішінде біз 70 маман әзірледік, оның ішінде оннан астам қатысушы жеке кәсіптерін ашты. Сабақтарымызда балық туралы түсініктен бастап, оны тамақтандыру, өсіру, емдеу, көбейту жолдарын жіті түсіндіріп, теориялық  біліммен бірге тәжірибелік сабақтарды өткіземіз», - дейді Марлен Тұрсынәлі. Орталықтағы оқу мерзімі - 10 күн. Осыншама уақыт ішінде қатысушыларға балық өсіруші, ихтиопотология, балық шаруашылығының экономикасы, балық шаруашығын жобалау, балық шаруашылығының гидротехникасы сияқты мамандықтар бойынша білім беріледі. Курсты сәтті аяқтаған соң, сертификат табысталады. Алматы облысы Кәсіпкерлер палатасының Еңбекшіқазақ аудандық филиалы оқу орталығына жан-жақты қолдау көрсетуде. «Оқу орталығымен ақпараттық-түсіндірме жүргізу бағытында тығыз байланыстамыз. Қатысушыларға кәсіп ашу, кәсіпкерлікті мемлекеттік қолдау шаралары бойынша кеңес беріп, алдағы жобаларын сүйемелдеуге дайынмыз», - деді Кәсіпкерлер палатасының Еңбекшіқазақ аудандық филиалының директоры Бақытгүл Дүйсебекова.

Алакөлге миллион турист келеді деп күтілуде

Биыл Алакөл жағалауына бір миллион турист келеді деп жоспарлануда, деп хабарлайды Tinfo.kz. Аудандық әкімдіктің баспасөз қызметінің ақпаратынша, өңірде атқарылған жұмыстардың нәтижесінде туристік нысандар саны  2015 жылмен салыстырғанда 2,5 есеге өскен.  Өткен жылы 15 туристік нысан қолданысқа беріліп, құны 2 млрд 646 млн теңгені құраған. (adsbygoogle = window.adsbygoogle || []).push({}); Биыл Алакөлге 1 миллионға жуық турист келеді деп күтілуде. Мамандар оларға 5 млрд 269 млн теңгенің қызметі көрсетіледі деп болжауда. «Жалпы, Ақши туристік аймағында 264 демалыс аймақтары бар. Былтырғы жылы көл жағалауына 798 мың 462 адам келген. Оларға 4 млрд 790 млн теңгенің қызметі көрсетілген. Ал, биылғы жылы Алакөл көліне жазғы шомылу маусымында 878 мың 325 демалушыларға, 5 млдр 269 млн теңгенің қызметі көрсетіледі деп жоспарлануда. Сондай-ақ, 2020 жылы көл жағалауы тазалығын қамтамасыз ету үшін Ақши ауылында ШЖҚ «Алакөл Тазалық» МКК бөлімшесі құрылып, 7 дана техникалар мен 145 дана қоқыс жинайтын контейнерлер сатып алынған», - деп атап өтті әкімдік өкілдері. Бұдан бөлек,  2019 жылы көл жағалауын дамыту бойынша Ақши ауылы Алакөл көлінің сол жақ жағалауында 4  га жерге демалыс саябағының құрылысы басталған болатын. Ал, оң жақ жағалауында 2,7 га жерде аллея құрылысы аяқталды. Көл жағалауында 10 жерге қоғамдық дәретхана мен қоқыс алаңдарын дайындап орнату жұмыстары жүзеге асырылды. Сондай-ақ, Ақши ауылында облыстық бюджет қаражатынан 168,747 мың теңгеге дәрігерлік амбулатория салынды. Дәрігерлік амбулаторияда 17 кабинет, күнделікті 25 адамды қабылдай алады. Бұған қоса, 2017 жылдан бастап Ақши ауылында учаскелік полиция пункті жұмыс істейді. Полиция пункті 2 жұмыс бөлмесінен және тұрғын үйге арналған 4 бөлмеден тұрады. Жалпы ауданы 91,3 шаршы метрді құрайды. Сонымен қатар, Ақши ауылында демалушылардың шомылу қауіпсіздігін қадағалау мақсатында Алматы облысы ТЖД өңірлік құтқару қызметінің жасағы құрылған. Онда 13 адам жұмыс істейді. Туризм саласын жетілдіру бағытындағы өзекті мәселелердің бірі ол сапалы жолдың болуы. Осы бағытта турист қауымының көлікпен немесе автобус сынды транспорттармен келетін ескеріп, Талдықорған-Өскемен бағыты бойынша ұзындығы 763 шақырым және Үшарал-Достық жобасы бойынша 184 км жолда жөндеу жұмыстары жүргізіліп, аяқталуға шақ қалды. Бүгінде «Үшарал» жаңа әуежайында: Нұр-Сұлтан – Үшарал – Нұр-Сұлтан (аптасына төрт рет, «Qazaq Air» әуе компаниясы), Алматы – Үшарал – Алматы (күн сайын, «SCAT» әуе компаниясы), «Талдықорған – Үшарал – Талдықорған» (күн сайын, «Жетісу» әуе компаниясы)  әуе рейстері жұмыс істеуде. Ал, авиабағыт бойынша рейс саны мен билет құны бір жолаушыға: «Нұр-Сұлтан – Үшарал – Нұр-Сұлтан» - 16 мың теңге (әуежай қосатын 1700 теңге пайызымен – 17 700 теңгені), «Алматы – Үшарал – Алматы» - 15 мың теңгені, «Талдықорған – Үшарал – Талдықорған» - 8 мың теңгені құрайды. Аталған рейстерді субсидиялауға республикалық және жергілікті бюджеттен 431,2 млн. теңге бөлінген. Әуе бағытынан бөлек, темір жол бағыттары да іске қосылған. «Алматы – Жетіген – Достық» аптасына үш рет, «Нұр-Сұлтан – Нұрлы Жол – Достық» аптасына  екі рет, «Нұр-Сұлтан –1 – Достық» аптасына төрт рет .«Алматы – 1 – Достық» аптасына төрт рет қатынаса, автобус бағыты бойынша:  «Алматы – Үшарал-Ақши-Көктұма» - күніне 15 автобус қатынайды.

Көпсалалы облыстық балалар ауруханасы ұжымының балалары мерекені ата-аналарымен бірге өткізді

Көпсалалы облыстық балалар ауруханасының кәсіподақ комитеті 1 маусым – Балаларды қорғау күніне орай аурухана ұжымының бүлдіршіндері үшін мереке ұйымдастырды. Арнайы дайындалған бағдарлама бойынша аниматорлар көрініс көрсетіп, балаларға сыйлық таратты, деп хабарлайды Tinfo.kz. Аурухананың медицина қызметкерлері  балаларына мерекелік күй сыйлаған аурухана басшылығына алғысын білдірді. Көпсалалы облыстық балалар ауруханасының директоры Арман Тойбеков өз кезегінде балаларды меркесімен құттықтады. (adsbygoogle = window.adsbygoogle || []).push({}); «Пандемия кезінде медицина қызметкерлері  күні-түні қызмет атқарып жүргені өздеріңізге белгілі. Сол себепті дәрігерлер отбасына, балаларына  ата-ана ретінде қажетті деңгейде көңіл бөле алмауда. Осы мәселені ескере отырып, әріптестеріміздің атқарып жүрген еңбегіне алғыс ретінде балаларына мерекелік көңіл-күй сыйлауды ұйғардық. Бала - ұлтымыздың болашағы. Бүлдіршіндер аман болып, жүздерінен күлкі кетпесін! Мереке құтты болсын», - деді аурухана директоры. Сонымен қатар Forte bank қызметкерлері де балалар мерекесіне орай ауруханада ем қабылдап жатқан балаларға сыйлық таратты.

Ерекше күтімді қажет ететін балаларға сыйлықтар табысталды

Алакөл ауданыңда «Халықаралық балаларды қорғау» күніне орай 68 ерекше күтімді қажет ететін балаларға арнайы сыйлықтар табыс етілді, деп хабарлайды Tinfo.kz. Жомарт жүректі жандар сый-сыйапатты алуға демеушілік танытты. Аудан әкімінің орынбасары М.Төлеужанов  ерекше күтімді қажет ететін Гүлнұр Несіпбек пен Ләтай Ерсұлтанның үйіне арнайы барып, ақжарма тілегін айтып, аудан әкімінің арнайы әзірлеген сый-сыйапатын табыстап, халықаралық балаларды қорғау күнімен құттықтап қайтты. (adsbygoogle = window.adsbygoogle || []).push({}); Айта кету керек, бұдан бөлек «9807» әскери бөлім, «Искорка», «Сарыарқа» сауда орталықтары, сондай-ақ, «Манна», «КМФ» ЖШС өкілдері және т.б. ат салысып, өз үлестерін қосты. Сонымен қатар, Үшарал имамдары және аудандық мешіт жанынан құрылған әйел-қыздар секторы бірігіп 100 балаға тәтті мақта мен сусындар таратты.

Алакөл ауданында ең мықты мемлекеттік қызметшілерді анықтады

Алакөл ауданында «Әкем, шешем және мен – біз шынығамыз спортпен» атты мемлекеттік қызметшілер арасында отбасылық эстафеталық жарыс өткізілді, деп хабарлайды Tinfo.kz. Аудандық персоналды басқару мен аудандық денешынықтыру және спорт бөлімінің ұйымдастырумен өткізілген спорттық сайыстың негізгі мақсаты – халық арасында салауатты өмір салтын насихаттау, ата – аналар балаларымен бірге спортпен айналысып, белсенді уақыт өткізу. (adsbygoogle = window.adsbygoogle || []).push({}); «Отбасылардың бірге орындайтын спорттық өнерлерін көрсетуде жылдам, епті, ұйымшыл және көңілді екендіктерін көру қуаныш. Бүгінгі біздің сайысымызға 3 отбасы қатысады. Әр отбасы жеке топты құрайды. Әр топ жеңіс мәресіне жету үшін бірнеше кезеңнен тұратын кедергілерге төтеп беруі тиіс. Меніңше бұл әрбір ата-аналарымыздың қолынан келеді. Сайысқа қатысушы әр топ отбасыларына  сәттілік тілеймін», - деді аудандық денешынықтыру және спорт бөлімінің басшысы А.Садиев. Үздіктердің үздігін іріктейтін сайыста эстафеталық ойындар, жеңіл атлетика және т.б. спорттық ойын түрлері қамтылды. Жекелей және отбасылық сайыстардан тұратын жарыс қорытындысы бойынша ІІІ орынды «Қоңыровтар» әулеті, ІІ орынды «Сағымбековтар» отбасы, І орынды «Көпшікбаевтар» жанұясы иеленді. Жарысты қорытындылай  келе І орын иегері Лепсі ауылдық округінің әкімі С.Көпшікбаевтың отбасынан құралған «Көпшікбаевтар» командасы  спорттық өнерлерінің, жылдамдықтарының, ұйымшылдықтары мен ептіліктерінің арқасында  үш  команданы да жеңіп, облыс орталығына жолдама алды. Әділқазылар алқасы  жеңімпаздарды алғыс хаттарымен марапаттап, арнайы сыйлықтарын табыстады.

Алакөлде саяси қуғын–сүргін және ашаршылық құрбандарының ескерткіштеріне гүл шоқтары қойылды

Саяси қуғын – сүргін мыңдаған жазықсыз адамдардың қаны мен көз жасына суарылған тарихымыздың шерлі беттерінің бірі. Естеліктері ешқашан ескірмейтін бұл күнді Алакөлдік жұртшылық ескерусіз қалдырған жоқ. Аудан орталығында орналасқан Даңқ аллеясындағы саяси қуғын – сүргін құрбандарына арнайы орнатылған ескерткішке гүл шоқтары қойылып, құрбандарды еске алу рәсімі өткізілді6 деп хабарлайды Tinfo.kz. Еске алу рәсіміне аудан әкімнің орынбасары М.Төлеужанов және өңірдің зиялы қауым өкілдері, бөлім – мекеме басшылары мен бірқатар қызметкерлер қатысты. (adsbygoogle = window.adsbygoogle || []).push({}); Сөз алған аудан әкімнің орынбасары М.Төлеужанов: -  ХХ ғасырдың 20-50 жылдарындағы саяси қуғын – сүргін зобалаңы – халқымыздың тарихындағы қасіретті кезең. Ауызға салар ас пен киер киімнен, жан жылулығынан айырылған, торға қамалған тотыдай бір уақыт қанат қағуға мұрша таппай жапа шеккен азаматтарымыздың есімдері мәңгілік жүректе қалары сөзсіз. Міне, биыл ел тәуелсіздігіне 30 жыл толып отыр. Тәуелсіз Қазақстанның әрбір азаматы жазықсыз құрбан болған азаматтардың есімдерін мәңгі ұмытпай, оларды әрқашан есте сақтап, өткенге салауат етіп, ақтандақтар ақиқатына тереңірек мән беріп, ұғыну – бүгінгі ұрпақтың абыройлы міндеті мен парызы болмақ. Жалпы, деректерге сүйенер болсақ 1929 – 1933 жылдар Кеңес Одағында 40 миллионнан астам адам саяси қуғын – сүргіннің құрбаны болған. Ал, Қазақстанға келер болсақ 1921 – 1954 – ші жылдары жалған саяси айыппен 100 мыңнан астам адам сотталып, 30 мыңдайы ату жазасына кесілген. Тек қана, 1931 – 1933 жылдары қолдан ұйымдастырылған ашаршылық салдарынан 2 миллионға жуық қазақ азаматтары қаза тапса, қиындыққа қарсы төтеп бере алмаған  бір миллионнан астам азаматтар шетел асып кетуіне мәжбүр болды. Бұл сол кездегі барлық қазақтың  тең жарымынан астамы еді. Қазақ тарихындағы бұл қасіретке бей – жай қарау, санамыздан өшіру елдігімізге сын келтіретіндігі белгілі. Ащы тарихымызды білмеу – тәуелсіздік қадірін түсінбеумен пара – пар. Ұрпақ санасына өткен дәуір тарихын жаңғырту, халық зиялыларын жадымыздан бір сәт те шығармау баршамыздың ұлт алдындағы азаматтық борышымыз деп білейік.

Алматы облысында мәслихат депутаттары өңірдің салық-бюджет саясатына баға берді

26 мамыр күні  Алматы облыстық мәслихатының кезекті V сессиясы өтіп, халық қалаулылары бірқатар мәселелерді қарап, шешім шығарды, деп хабарлайды Tinfo.kz Алматы облыстық мәслихатының баспасөз қызметіне сілтеме жасап. Облыстық мәслихат депутаты Гүлнәр Тойлыбаеваның төрағалығымен «Атамекен» кәсіпкерлік палатасының мәжіліс залында өткен сессия отырысында облыстық мәслихат депутаттары төмендегі мәселелерді қарады, олар: (adsbygoogle = window.adsbygoogle || []).push({}); - Алматы облысының 2020 жылға арналған бюджетінің орындалуы және тиісті кезеңге арналған әлеуметтік-экономикалық даму болжамында қабылданған өңірдің салық-бюджет саясатының негізгі бағыттарының іске асырылуы туралы. - Алматы облысында жергілікті мемлекеттік-жекешелік әріптестік жобаларының іске асырылу барысы және облыстық мәслихаттың  2019 жылғы 16 шілдедегі «Іске асырылуы жоспарланатын жергілікті мемлекеттік-жекешелік әріптестік жобаларының тізбесін бекіту туралы» №49-253 шешіміне өзгеріс енгізу туралы.                                          -  Алматы облысында қоршаған ортаны қорғау мен табиғат пайдаланудың жай-күйi туралы.                                                                                   - Форвардтық сатып алуға қатысатын өнім берушілердің тізімін қарау және бекіту жөніндегі үйлестіру кеңесінің дербес құрамын бекіту туралы.                                                                                         - Алматы облысы бойынша сыбайлас жемқорлыққа қарсы іс-қимыл мәселелері жөніндегі өңірлік ведомствоаралық комиссиясының дербес құрамын бекіту туралы.                                                                              - Кезекті сессияның төрағасын сайлау туралы. Сессия отырысында облыстық мәслихат хатшысы Жанболат Жөргенбаев, облыс әкімінің бірінші орынбасары Лаззат Тұрлашов, облыстық мәслихат депутаттары, басқарма басшылары, қоғамдық кеңес өкілдері қатысты. Күн тәртібіндегі негізгі сұрақтардың бірінде облыстық экономика және бюджеттік жоспарлау басқармасының басшысы Жомарт Әмірханов 2020 жылдың қорытындысы бойынша аумақты дамыту бағдарламасының мақсаттарына қол жеткізу тиімділігін бағалау бойынша баяндамасы  «Әкімдіктің қызметі 2020 жылдың қорытындысы бойынша аумақты дамыту бағдарламасының мақсаттарына қол жеткізу бойынша 72,59 балға бағаланды, оның ішінде аумақты дамыту бағдарламасының мақсаттарына қол жеткізгені үшін – мүмкін болатын 50 балдың 48,7 балын иеленді. Стратегиялық компонент бойынша аумақты дамыту бағдарламасының мақсаттарына 50% қол жеткізілгені анықталды (есепке алынған 10 мақсаттың 5). Бұл ретте толық көлемде орындалған нысаналы индикаторлардың үлесі 79,4% құрады» - деп атап өтті. Сонымен қатар, Жомарт Әмірханов депутаттар қарауына жоспарланған мемлекеттік-жекешелік әріптестік жобаларының іске асыру тізбесі ұсынып соның ішінде әлеуметтік-экономикалық және экологиялық жағдайды жақсартуға мүмкіндік беретін Блокты-модульді қазандықтарды салу сияқты жобалар бар екенгдігін, сондай-ақ, Ақсу ауданының Қызылағаш суару алқабын салу жобасын іске асыру жоспарлануда, бұл ауыл шаруашылығы дақылдарының жоғары және тұрақты өнімін алу үшін Қызылағаш өзені бассейнінің тау бөктеріндегі аймағында қолданыстағы суармалы жерлердің сумен қамтамасыз етілуін арттыруға мүмкіндік беретіндігін жеткізді. Қосымша, Ұйғыр ауданында жоғары қысымды кентаралық газ құбырын және кентішілік желілерді салу және сервистік қызмет көрсету жөніндегі жобаларды іске асыру көзделіп отырғандығын ақпараттандырып өтті. Күн тәртібіндегі сұрақтар бойынша халық қалаулылары өз сұрақтарын қойып, ұсыныстарын білдірді. Қойылған сауалдардың бәріне тиісті жауап беріп, ұсыныстар бойынша назарларына алды. Сессияда күн тәртібіндегі қаралған барлық сұрақтарға депутаттардың дауыс беруімен шешім қабылданды.  

Талдықорғанда алғашқы бау-бақша мен ландшафт орталығы ашылды

Талдықорғанда кәсіпкерлер Олеся Ильченко мен Яна Беленко облыс орталығындағы тұңғыш бау-бақша мен ландшафт орталығын ашты, деп хабарлайды Tinfo.kz. Осыған дейін кәсіпкерлер табиғи өнімдер сатылатын «Сельпо» дүкенін ашқан болатын. Бақша-ландшафт орталығы осы жобаның жалғасы болды. Екі жобаны да жүзеге асыруда Алматы облысының Кәсіпкерлер палатасы белсенді қолдау көрсетті. (adsbygoogle = window.adsbygoogle || []).push({}); Олеся Ильченконың айтуынша, орталық осы жылдың наурыз айында ашылған. Нысанды іске қосуға жеке қаражат жұмсалды. Бақша-ландшафт орталығында 100-ден астам тауарлар бар. Оның ішінде көшеттер, тұқымдар, гүлдер, бау-бақша құралдары мен жабдықтары, өсімдіктерді қорғау құралдары сатылады. Біздің дүкенде  бау-бақшасы бар әр бағбан қажеттінің бәрін таба алады, дейді кәсіпкер. «Біз сатып алушыға кепілдік беру үшін және оның сенімінен шығу үшін жоғары сапалы тауарларды ұсынуға дайынбыз. Сондықтан біз жеке тұлғалармен жұмыс істемейміз, тек тәлімбақтармен ғана серіктестік жүргіземіз. Мысалы, көшеттердің сапасы жақсы деңгейде болып, бейімделуден өтуі керек. Орталықта сатып алушыларға кеңес беріп, тауарға қатысты барлық ілеспе құжаттарды ұсынамыз. Осының арқасында өсімдіктер біздің ауа райына жақсы бейімделген. Бұл біздің жұмысымыз үшін аса маңызды», - дейді Олеся Ильченко. Жақын арада орталықтың жанында өсімдіктер өсіруге болатын шағын тәлімбақ салу жоспарда бар. Онда ересектер мен балаларға экскурсиялар мен «жанды сабақтар» ұйымдастыруға болады. «Бізде тұрғын үйлердің биік ғимараттарында тұрып, өмірінде ешқашан бау-бақша көрмеген ұрпақ өсіп келеді. Көрсе де, тек теледидардан немесе Интернеттен бақылап-көрген. Сондықтан осындай питомникке келіп, танысып, қолымен ұстап бәрін тірідей көрсін деген тілегіміз бар», - дейді Яна Беленко. Облыстық кәсіпкерлер палатасының жобаларды сүйемелдеу бөлімінің басшысы Дана Жамболатова атап өткендей, бау-бақша мен ландшафтық орталықты дамыту бойынша серіктестерді іздеуде қолдау бойынша, ақпараттық-консалтингтік көмек көрсетілді. Қазіргі уақытта мемлекеттік бағдарламалар шеңберінде қаржыландыру көздерін анықтау мәселесі пысықталуда.

Қаратал ауданында 11 кәсіпкердің құқығы қорғалды

Қаратал ауданында «Атамекен» мен прокуратура өкілдері 11 кәсіпкердің құқығын қорғады, деп хабарлайды Tinfo.kz. Ағымдағы жылдың бірінші тоқсанында Қаратал ауданының Кәсіпкерлер палатасы мен аудандық прокуратура өкілдерінің бірлескен жұмысының нәтижесінде 11 кәсіпкердің құқығы қорғалды. Бұл туралы Алматы облысы Кәсіпкерлер палатасының Қаратал аудандық филиалының директоры Фархат Құсайынов хабарлады. (adsbygoogle = window.adsbygoogle || []).push({}); Айтуынша, ауданда кәсіпкерлердің құқығын қорғау мен заңбұзушылықтарға жол бермеу мақсатында мобильді топ құрылған. Жыл басынан бері прокуратура органдарымен бірлесе «Атамекен» өкілдері 11 кәсіпкерлік субъектісінің құқығын қорғады. «Соның бірі наурыз айында кәсіпкерлік нысандарын мемлекеттік қызметкерлер тарапынан мониторингтік топтың құрамынсыз тексеру жүргізу оқиғалары болғандығы жөнінде кәсіпкерлерден арыз келіп түсті. Нәтижесінде Алматы облысы Полиция департаментінің ЖПҚ қызметкерлерінің кәсіпкерлердің санитарлық нормаларды сақтауына жүргізген тексеру кезінде қолданыстағы заңнама нормаларын бұзған анықталды. Анықталған бұзушылықтар бойынша аудан прокуроры департамент  басшысының атына заңбұзушылықтарды жою туралы ұсыныс енгізілді», - деп атап өтті Фархат Құсайынов. Айта кетейік, 2021 жылдың басында облыстық кәсіпкерлер палатасы мен өңірлік прокуратура арасында бірлескен ынтымақтастық туралы Жол картасына қол қойылды. Жол картасы аясында кәсіпкерлердің құқықтарын қорғау мен құқықтарын бұзу фактілерінің жолын кесу бойынша бірлескен іс-шаралар көзделген. Бизнес өкілі Кәсіпкерлер палатасына немесе прокуратура органдарына жүгінген жағдайда, өтінішті қарау қорытындысы бойынша «Атамекен» ӨКП сараптамалық қорытынды дайындайды, сондай-ақ зерделеу нәтижесі бойынша прокуратура прокурорлық қадағалау және ден қою актілерін енгізеді.

Шығыс Қазақстан облысындағы пробация қызметінің инспекторы сотталушыға несие алуға көмектесті

Шығыс Қазақстан облысының пробация қызметінің инспекторы бас бостандығынан айыру орындарынан босатылған және пробация қызметінде есепте тұрған азаматтарға  әлеуметтік оңалтудың кешенді стратегиясын іске асыру жөніндегі іс-шаралар жоспарына сәйкес "Атамекен" Ұлттық Кәсіпкерлер палатасынан мал өсіру үшін несие алуға көмектесті, деп хабарлайды Tinfo.kz.Облыстық пробация қызметінде есепте тұрған Арман К есімді азамат алған несиеге ұсақ мал сатып алып, оны өсірумен айналысады.   "Арман несиені осы жылдың сәуір айында алды. Бұл азамат бұрын фермада жұмыс істеген. Сондықтан болар мал өсіруді қолға алғысы келетінін бізге жеткізді. Біз  мал шаруашылығымен айналысу үшін Ұлттық Кәсіпкерлер палатасынан несие алуға болатынын айтып, кеңес бердік. Сонымен қатар несие алуға қажетті құжаттарды жинап, көмек көрсеттік, – дейді ШҚО Тарбағатай ауданының №2 пробация қызметінің бастығы Қанатбек Зейнелғабиденов. (adsbygoogle = window.adsbygoogle || []).push({}); Полицейдің айтуынша, Арман пробация қызметінің есебінде екі жылдан бері тұр. Ол ҚР Қылмыстық кодексінің 191 бабы 2 бөлігімен 3 жыл 6 айға бас бостандығын шектеу жазасына сотталып, пробациялық бақылау белгіленген.

Жол құрылысының сапасы бақылануда

Жол құрылысының өзіне тән қыры мен сыры да мол-ақ. Ол жағын бірі білсе, екіншіміздің түсіне бермейтініміз де анық. Нақтылай түссек, жол құрылысы жұмыстары үшке бөлінеді. Олар –  орташа, күрделі және қайта жаңғырту деп аталады. Мысалы, орташа жөндеуде жолдың үстіңгі қабаты қырылып алынады да оның үстіне жаңадан екі қабат асфальт төселінеді. Оның сапалы болуы төмінгі қабатта жатқан ұсақ тастардың беріктігіне қатысты. Ал, күрделі жөндеуде жолдың астыңғы қабаты толығымен қайта салынады. Яғни құрылыстың талапқа сай технологиясы сақталса, оның сапасы 10-15 жылға жетуі тиіс. Қазіргі уақытта жол сапасына бақылау жүргізетін «Жол активтері ұлттық сапа орталығы» РМК Алматы облыстық филиалының жұмыстары өте қауырт. Мекеме мамандары ай ішінде ауа-райына қолайсыздығына қарамастан жол құрылысы жүріп жатқан обьектілерге 170-тен астам бақылау-тексеру жұмыстарын жүргізіп, зертханада сараптап үлгерген. (adsbygoogle = window.adsbygoogle || []).push({}); Атап айтқанда олардың ішіндегі ең көп тексерілген жолдар: «Алматы – Шелек – Хорғос», «Алматы – Өскемен», «Үшарал –Достық», «Талдықорған – Қалбатау – Өскемен, «Алматы – Ұшқоңыр – Ұзынағаш», «Ақсай – Шонжа – Қалжат» сынды құрылыс алаңдары. Мамандар бұл жерлерде  асфальт жабындысы мен қолданылған материалдарға сынақтама жүргізді және жолдардың енін өлшеп, қалыңдығын анықтады. Орын алған кемшіліктер бойынша тиісті орындарға хат жолданды.

Алматы облысында алғашқы инклюзивті сұлулық салоны ашылды

Алматы облысының орталығы Талдықорған қаласында алғаш рет инклюзивті сұлулық салоны ашылды. Онда ерекше қажеттіліктері бар адамдарға қызмет көрсетіледі, деп хабарлайды Tinfo.kz. Жобаның бастамашысы жас кәсіпкер, «Бастау Бизнес» жобасының түлегі Кама Далдабаева мен «Мейірім» мүгедектер қоғамдық бірлестігінің төрайымы Гүлвира Таубалдинова. Олардың айтуынша, жоба туралы идея бірнеше жыл бұрын пайда болып, бүгінде мемлекеттік қолдау мен қоғам өкілдерінің жәрдемі арқасында жүзеге асырылды. (adsbygoogle = window.adsbygoogle || []).push({}); 2019 жылы Кама Далдабаева «Еңбек» мемлекеттік бағдарламасы бойынша «Бастау Бизнес» оқыту жобасынан өтіп, кәсіпкерлік дағдыларды меңгерді. Өткен жылы оның «Мүмкіндігі шектеулі жандарға арналған білім беру орталығы бар сұлулық салоны» жобасы «Бизнестің жол картасы – 2025» мемлекеттік бағдарламасы аясында екі миллион көлеміндегі грантқа ие болды. Бұл қаражатқа кәсіпкер ең қажетті жабдықтарды сатып алды. Салонға кіре берісте пандус орнатылған және мүгедек адамдарға қызмет көрсету үшін жағдай жасалған. Кәсіпкердің айтуынша, салонда 14 жұмыс орны ашылады, оның жартысына мүгедектігі бар азаматтар қамтылады. «Бала кезімнен маған шаш қию және түрлі шаш үлгілерін жасау ұнайды. Ұзақ уақыт бойы салонда шаштараз маманы болып жұмыс істедім, сонымен бірге оқу курстарын жүргіздім. Екі жыл бұрын жеке кәсібімді ашып, мүгедектігі бар адамдарға қызмет көрсететін сұлулық салонын ашуды ұйғардым. Кеңес алу үшін «Атамекен» кәсіпкерлер палатасына жүгініп, «Бастау Бизнес» жобасына жазылдым. Оқу барысында жобамды әзрлеп, грант бұйырды», - дейді кәсіпкер. Сұлулық салонына келуге мүмкіндігі жоқ азаматтарға көшпелі қызмет көрсету ұйымдастырылатын болады. Сонымен қатар, жақын арада мұнда сұлулық индустриясы мамандықтарын оқыту жоспарланып отыр. Гүлвира Таубалдинованың айтуынша, мүгедектігі бар адамдар арасында жаңа кәсіпті меңгеріп, еңбек етуге дайын дарынды жастар өте көп. Жобаға Алматы облысының Іскер әйелдер кеңесі мен «Nur Otan» партиясының – «Кедергісіз келешек» партиялық жобасы қолдау білдірді. «Қаламыздағы көптеген сұлулық салондарында пандустар ескерілмеген соң, олар мүгедек адамдар үшін қолжетімді емес. Сондықтан кедергісіз болашақ сапалы әлеуметтік қызмет көрсетуге байланысты. Бұл бағытта мемлекет пен жұмыс берушілер азаматтарға тең жағдай жасауы керек. Нысан барша азаматтар үшін үлгі болып, әлеуметтік қызметтер алудағы кедергілердің азаюына ықпал етеді деп ойлаймын», - дейді Алматы облысы Іскер әйелдер кеңесінің төрайымы, облыстық мәслихаттың депутаты Римма Салықова. Алдағы уақытта кәсіпкер қосымша жабдық сатып алып, оқу орталығының жұмысын бастауды жоспарлап отыр.

Жол құрылысы саласында маман тапшы

Болашақ мамандықты дұрыс таңдау – жауапты іс. Бір жылдан астам уақыт қашықтықтан білім алушылар үшін де, білім берушілер үшін де сыналар шақ болды. Әсіресе, үлкен өмірге енді қадам басатын жас түлектер үшін, яғни, мектеп бітіруші жастардың мамандық таңдау сәтіндегі толғанысы –  әрбір ата-анаға да, ұстаз бен шәкіртке де ой салады.  «Айшылық алыс жерлерден, жылдам хабар алғызды» деп Ыбырай Алтынсарин атамыз қалай көрегендікпен жырлаған десеңші. Бүгінгі ақпараттар ағыны сәт сайын ойыңды онға, санаңды санға бөледі. Жаңа ғасырдың талабы мен мақсаты бұрынғы жылдарға қарағанда мүлдем өзгеше. Қазіргі кезде жоғары табыс пен жақсы қызмет қай салада екенін жастар жақсы біледі. Тек жолын таба алмай жүретіндері бар.  Осы орайда, қандай мамандықты таңдасам екен, қандай оқуға барсам екен деп жүрген жастарға  кәсіби бағдар беруді "Жол активтері ұлттық сапа орталығы" былтырғы жылдан бастап жүйелі жүргізіп отыр. Өйткені, бүгінгі таңда автомибиль жолдары құрылысы саласында білікті маман тапшы. Жол құрылысы саласының қазіргі тыныс-тіршілігіне сер салып қарайтын болсақ, маман тапшылығының салдарынын біраз қиындықтар туындап отырғаны аңғаруға болады. Мысалы, жол салу үшін шет елден мамандар шақыртып, еліміздің қаржысын сыртқа шашып отырғанымыз рас. Жол салу құрылысында маңдайының терін төгіп, еңбек етіп  жүрген  өз еліміздің азаматтарының басым бөлігі кәсіби мамандар емес. Жаңадан салынып жатқан жолдардың сапасы нашар болуының бір себебі сол шығар мүмкін...  (adsbygoogle = window.adsbygoogle || []).push({}); Білімді де, білікті мамандардың оқып-жетілуіне жол ашып, бағдар беруде «Жол активтерінің ұлттық сапа орталығы» РМК Алматы облыстық филиалының мамандары да жоспарлы жұмыс жүргізіп отыр. Өткен жылы мектептерді аралап, оқушыларға түсіндіру жұмыстарын жүргізсе, карантиндік режим басталғалы онлайн кездесулер өткізіп, жол құрылысы саласының жұмысымен таныстыруда. Кездесу барысында жолды жөндеу, сақтау және пайдалану жұмыстары  маңызды  мәселеге айналып отырғаны  жастарға кеңінен айтылып жүр. Жол саласында істеу үшін қай оқу орнына, қандай мамандыққа  тапсыруға болатынын да спикерлер түсіндіріп айтуда. «Жол құрылысы - ел экономикасының ең өзекті саласына айналды. Жол салу үшін оқыған білімді маман керек екенін жастарға тағы да айтып, жол құрылысы саласының маманы болуға шақырамыз» - деп «Жол активтерінің ұлттық сапа орталығы» РМК Алматы облыстық филиалының мамандары барлық кездесулерде жастардың назарына салып отыр. Қымбатты, жас түлек, автомобиль жолдары саласының маманы бол, еліңе қызмет ет! Ақбөпе ЖИЕНҚҰЛОВА,Журналист