Жаңалықтар

Войти через

  • 17:52:54
  • 19°C

Понедельник, 19 апреля

 

Жаңалықтар

Талдықорғанда бизнес өкілдері үшін "Ashyq" қосымшасы іске қосылды

Талдықорғанда эпидемиологиялық ахуалды және коронавирустық инфекцияны бақылауға арналған қосымша енгізілді. Бұл туралы "JETISÝ MEDIA"ақпараттық алаңында өткен баспасөз -мәслихаты барысында белгілі болды. Қосымшаны пайдалану бизнес нысандарына шектеу шараларына қарамастан, тіпті локдаун жағдайында да жұмыс істеуге мүмкіндік береді6 деп хабарлайды Tinfo.kz. "Жоба QR-код және ПТР ортақ базасымен интеграция есебінен келушінің мәртебесін: ол вирустың тасымалдаушысы болып табыла ма, жоқ па, соны анықтауға мүмкіндік береді. Кіре берісте адамның мәртебесін анықтау үшін QR-код сканерленеді және қондырғы көрсеткен  түсіне қарай,  келуші мәртебесі белгіленеді – оны іске қосады немесе мекемеге жібермейді", - деп атап өтті Талдықорған қаласы әкімінің орынбасары Сәуле Арзанбекова. (adsbygoogle = window.adsbygoogle || []).push({}); Айта кету керек, бүгін Талдықорғандағы мекемелердің бірі "Ashyq" жобасына қосылып, QR-код алды. "Бүгін тестілік кездесу жүйені бизнес объектісі үшін де, мекеме келушілері үшін де қолдану өте оңай екенін көрсетті. Қазіргі уақытта қала бойынша "Ashyq"жобасына қатысу үшін бизнес субъектілерінен 17 өтінім келіп түсті. Барлық жаңа қатысушылар үшін қатысуға өтінімдер infokazakhstan.kz сайты арқылы беріледі.  Салалық қауымдастық арқылы өтініш беретін кинотеатрлардан, қоғамдық тамақтану объектілерінен, қосымша білім беру ұйымдарынан басқалары сайтты қолдана алады", - деді Алматы облысы Кәсіпкерлер Палатасы директорының экономикалық мәселелер жөніндегі орынбасары Дәурен Оңалбаев. QR-код тек бизнес субъектілеріне беріледі. Жобаның (ЭҚЖЖ) талаптарына сәйкестігін тексергеннен кейін Жеке кабинетте бір апта бойы оқуға және тестілік режимде жұмыс істеуге мүмкіндік беретін код пайда болады. Келушілерге App Store және Play Market-тен "Ashyq" мобильді қосымшасын жүктеу, телефон нөмірі бойынша тіркелу, ЖСН енгізу және өзінің баруын тіркеу үшін мекеменің QR-кодын сканерлеу қажет. Сондай-ақ, шығу кезінде шығуды бекіту үшін QR кодын сканерлеу керек. Келушіде смартфон болмаған немесе осы мобильді қосымшаны жүктеу кезінде қиындықтар туындаған жағдайда жауапты тұлғаға-мекеме қызметкеріне қосымша мүмкіндік  беріледі, оның көмегімен ол келушінің ЖСН енгізу арқылы кіруін тіркей алады. Сонымен қатар, бизнес иесі  өз келушісініңёц мәртебесін ғана көреді: жасыл, көк, сары немесе қызыл. Ол адам туралы басқа деректерді көрмейді. "Қызыл мәртебе қозғалысты шектеуді, амбулаторлық бақылаудағы адамдар үшін үй жағдайында оқшаулаудың қатаң режимін сақтауды білдіреді. Сары-қозғалысты ішінара шектеу-пайдаланушы ПТР дерекқорында байланыс ретінде көрсетілген: пациент үйден оқшаулау режимін сақтайтын жерден 500 метрден аспайтын азық-түлік және аппараттық дүкендерге, дәріханаларға баруға рұқсат етіледі. Көк-Бұл мәртебе үшін ПТР міндетті болатын жерлерден басқа қозғалыс шектеулері жоқ. Жасыл мәртебе қозғалыста ешқандай шектеулер жоқ екенін білдіреді және бұл Пайдаланушы деректер базасында COVID-19-ға теріс нәтижемен ПТР - тестілеуден өткен адам ретінде белгіленген",-деп бөлісті Талдықорған қалалық санитарлық-эпидемиологиялық бақылау басқармасы басшысының орынбасары Сәкен Мелдебаев. Қазіргі уақытта Алматы облысының Кәсіпкерлер палатасында бизнес-қоғамдастықпен жұмыс жүргізілуде және жобаға қатысуға ниет білдірушілердің тізімі қалыптастырылуда. "Ashyq" қосымшасына қатысты барлық сұрақтар бойынша 87051900000 және 87015872159 телефондары бойынша "Атамекен" ӨКП жүгінуге болады.

Алматы облысында партияның сайлауалды бағдарламасын іске асыру үшін қоғамдық кеңестер құрылды

Бүгін облыс әкімі, «Nur Otan» партиясы Алматы облыстық филиалының төрағасы А.Баталовтың төрағалығымен облыстық Саяси кеңес Бюросының отырысы өтті, деп хабарлайды Tinfo.kz. Күн тәртібіндегі партиялықтар бірқатар сұрақтар бойынша Бюро мүшелерінің дауыс беруімен құжаттар, кестелер бекітілді. (adsbygoogle = window.adsbygoogle || []).push({}); Атап айтсақ, «Nur Otan» партиясы Алматы облыстық филиалының XХVIII есеп беру-сайлау Конференциясын шақыру, күн тәртібін және делегаттарды сайлау жөніндегі квота, сонымен қатар, біздің облыстық Сайлауалды бағдарламасының бағыттары бойынша аймақтық қоғамдық кеңестердің төрағаларын, құрамдарын және ережелерін бекітіп, алдағы мақсаттары анықталды. Назарларыңызға сала кетсек, партияның Саяси кеңес Бюросының шешімімен таратылған партиялық кураторлар институтының орнына «Nur Otan»-ның сайлауалды бағдарламасының нақты бағыттарының іске асырылуын бақылау бойынша 14 республикалық қоғамдық кеңес құрылды. Ал өңірімізде 12 қоғамдық кеңестер құрылды. Облыстық партия филиалы төрағасының бірінші орынбасары Гүлнәр Тойлыбаева өз сөзінде: «Кеңестің міндеттері мен мақсаты партияның Сайлауалды бағдарламасын сапалы іске асыру және әр бағытты уақытылы бақылау. Коғамдық кеңестердің Ережелеріне сәйкес отырыс тоқсанына бір рет өткізіледі. Кеңестердің сапалық құрамдарында әйелдердің 30 % және 35 жасқа дейінгі жастардың 20 %  құрамдары ескерілді. Кеңес құрамдарына басқа ұлт өкілдері және партия жақтастары енгізілді. Жалпы Кеңестердің құрамдарына мәслихат депутаттары, кадрлық резерте тұрған кандидаттар, үкіметтік емес ұйымдар, қоғамдық бірлестіктерінің өкілдері енгізілді» деп атап өтті. Атап айтсақ, қоғамдық кеңес төрағаларына келесі азаматтар бекітілді: өңірлік даму бойынша – Руслан Қожасбаев, аграрлық сектор бойынша – Елдос Үшкемпіров, экономиканы дамыту және кәсіперлікті қолдау бойынша – Гүлмира Ахметова, отбасы, әйелдер және балалардың құқықтарын қорғау мәселелері бойынша – Серік Мұқанов, білім мен ғылымды дамыту бойынша Гүлжан Ерубаева, ұлт денсаулығы мәселелері бойынша Гүлнәр Құраметова, мәдениет пен өнерді дамыту «Мирас» қоғамдық кеңесіне – Нүсіпбай Абдрахим, экология мәселелері бойынша – Мұрат Аубакиров, жұмыспен қамтуды және халықтың әлеуметтік осал топтарын қолдау бойынша – Әсет Қыдырманов, жастарды қолдау бойынша Әсел Төлепбергенова, партияның бақылау комиссиясы бойынша – Қуат Баймырзаев, сыбайлас жемқорлыққа қарсы іс-қимыл қоғамдық кеңесіне – Римма Салыкова жетекшілік етеді. Соңғы қаралған сұрақ, ол облыстық және аудан-қалалық партия филиалдарының Саяси кеңес Бюро отырыстарының және бастауыш партия ұйымдарының есеп беру-сайлау жиналыстарының, есеп беру- сайлау Конференцияларының өткізу кестесі бекітілді.

Алматы облысында үй шаруасындағы әйел тігін цехын ашты

Ұйғыр ауданының Шонжы ауылының тұрғыны Юлдуз Тұраева мемлекеттік қолдаудың арқасында жеке тігін цехын ашты, деп хабарлайды Tinfo.kz. 2019 жылы Юлдуз Тұраев кәсіп бастау ниетімен Алматы облысының Кәсіпкерлер палатасына жүгініп, кәсіпкерлік негіздері бойынша «Бастау Бизнес» оқыту жобасына жазылды. Оқыту барысында Юлдуз тоқыма бұйымдарын шығару жобасын әзірледі. Нәтижесінде жоба «Жас кәсіпкер» бағдарламасы аясында 500 000 теңге көлемінде грантқа ие болды. (adsbygoogle = window.adsbygoogle || []).push({}); «Жастайымнан тігін ісімен айналысуды армандайтынмын. Басында хобби ретінде қарадым. Үй іші мен туыстарыма жиынтықтар жасап жүрдім. Осыдан кейін мен бұл хоббиді жеке кәсіпке айналдыруды шештім. «Атамекеннің» аудандық филиалы тарапынан маған бизнесті ашу және дамыту үшін жан-жақты қолдау көрсетілді. Қазір біз тоқыма өнімдерінің 20-дан астам түрін шығарамыз. Өнімдер тек біздің ауданда ғана емес, көршілес аудан мен қалаларда да үлкен сұранысқа ие», - дейді жас кәсіпкер. Гранттық қаржыландыруға Юлдуз Тураева заманауи тігін жабдықтарын сатып алды. Оның айтуынша, өнімдер «Baby comfort» брендімен «Шонжыда жасалған» маркасымен шығарылады. Тігін цехында жеті адам жұмыс істейді. Олар барлық түрдегі тоқыманың 25 түрін жасайды, оның ішінде қалыңдықтың жасауы, перзентханадан шығару жиынтықтары, әр түрлі жастағы балаларға арналған жиынтықтар, ас үйге арналған жиынтықтар, төсек-орын жиынтықтары, қонақ бөлмеге арналған жиынтықтар, жүк көліктеріне арналған перделер, қыздар мен жаңа туған нәрестелерге арналған киімдер және басқалар. Осы жылы кәсіпкер өндіріс көлемін арттыру мақсатында қосымша жабдықтар сатып алып, жобаны кеңейтуді жоспарлап отыр.

Кореялық ЕBS теларнасының журналистері Текелі шаһарында

Осы аптада қала әкімі Батыр Молдахметов халқымыздың ұлттық салт-дәстүрлері жайында арнайы теле бағдарлама түсіруге келген Оңтүстік Корея ЕBS арнайы білім беру жүйесі (Educational Broadcast System) телеарнасының журналистерін қабылдап, туризмді өркендету бойынша атқарылып жатқан жұмыстармен, болашақта қолға алынатын жобалармен таныс-тырды. Шағын шаһарымыздың туристік әлеуетін өз телеарналары арқылы корей еліне таныстыруға ниетті журналистерге ризашылығын жеткізді. Олар көркем табиғатымызды, әсем де көрнекті жерлерімізді аралап, сұлу тау табиғатымен жарасым тапқан қаланың келісті келбетін айшықтайтын бейнебаян түсіреді. (adsbygoogle = window.adsbygoogle || []).push({}); Тіршілігімізбен біте қайнасып жатқан ұлттық ерекшеліктерімізге, салт-дәстүрлерімізге, ұлттық өнер мен спортқа, әсіресе, халқымыздың ата-бабаларымыздан жалғасып келе жатқан шаруашылығына, саятшылық өнеріне, атқа міну мәдениетіне, сонымен бірге, бала тәрбиесіне ерекше қызығушылық танытып, бесікке салу, тұсаукесер секілді жоралғыларға, көкпар, аударыспақ, теңге ілу сынды ұлттық ойындарға ерекше назар аудармақ. Журналист Сон Жун Хванның айтуынша олардың Текеліге арнайы атбасын бұруына қаламыздың тұрғыны, белгілі саятшы Файзолла Бүркітбайдың әлеуметтік желілерге салған құс баптау, ат баптау, саятшылық өнері жайындағы суреттері мен ақпараттары себеп болған. Текелі қаласы әкімінің баспасөз хатшысы Ұлжан Ұлдаханқызы

Қолөнер сырлы өнер

Қазір біздің елімізде бизнестің дамудың бұрын – соңды болмаған қолайлы ахуалы туып отыр. Бұған аталмыш салаға айрықша көңіл бөліп отыруы сол арқылы республикадағы банктердің оны қаржыландыруды жақсы жолға қоюы тікелей мұрындық болуда. Жаңадан кәсіп ашқысы келген адам үшін қажетті бизнес-идеяны таңдау, бизнес-жоспар әзірлеу, салықтарды түсіну, сатуды жолға қою – мұның бәрі оңай шаруа емес. Кәсіппен айналысу үлкен тәуекелділікті талап етеді. Кез келген кәсіпті игеру екінің бірінің қолынан келе бермейді. Сондай-ақ, қай істі болмасын бастау үшін де адамның ынта-ықыласы жеткіліксіз, оның алған біліміне қоса қарым-қабілеті мен тәжірибесінің болуы маңызды. Шыны керек, біреу істегенді екінші біреу істей алады деу де жаңсақ пікір. Өйткені әр адамның өресі әр түрлі. Алайда, мемлекет кәсіп бастаймын дегендерге мол мүмкіндік беріп отыр. Тек қалаулы істі тауып, соны ұршықша иіру қажет. Мәселен кәсіпкерлерді қолдауға бағытталған мемлекеттік бағдарламаға қатысып, жоба арқылы өзінің кәсібін ашқан кәсіпкерлердің бірі - текелілік Леонид Пак. Казіргі таңда қолөнер шебері өз ісін ашып, кәсібін дамытып жатыр. Кәсібін ашпас бұрын қалалық Атамекен кәсіпкерлер палатасында «Бизнес кеңесші» бағдарламасы арқылы білім алып, тігін саласы бойынша дәріс алған. 2020 жылы желтоқсан айында өз жобасын қорғап, мемлекет тарапынан 2 млн теңге көлемінде грант иеленген. Бүгінде цехқа қажетті құрал-жабдықтарды сатып алып, табиғи тері өнімдерінен күнделікті өмірде қолданысқа жарайтын заттарды сатылымға шығарып отыр. Шебердің қолынан шығатын бұйымдардың бір ерекшелігі -табиғи және Москва, Түркия сынды елдерден әкелінетін сапалы тері өнімдерін қолдануы. Сатылымға шығаратын заттары да қол жетімді. Әр тұтынушы өз талғамына сай дизайн түрін таңдап тапсырыс бере алады. Айта кетсек қазіргі таңда Леонид Пак текелілік 2 тұрғынды тұрақты жұмыспен қамтып отыр. Сонымен қатар осы өнер түріне қызығушылық танытқан жастарды да оқытып, өз істерін бастауға жол көрсетуде. Қазіргі таңда цехта 30- ға тарта түрлі түсті бұйымдар шығарылып, интернет ресурстары арқылы жақын маңдағы қалаларға жөнелтіледі. «Қатардағы маманнан қолөнер шеберіне айналу мен үшін көп ізденісті талап етті. Бұл салаға келмес бұрын Алматы қаласында тері өнімдерін өңдеу бойынша оқытылатын әр түрлі қурстарға қатысып, алған білімімді тәжірибе жүзінде шыңдадым. Баршаларыңызды өз істеріңізді ашып, жеке кәсіп бастауға шақырамын. Себебі қазір орта және шағын бизнеске мемлекет тарапынан көрсетілетін қолдау көп. Менің қазіргі айналысып отырған кәсібімді әлі де дамытып, атадан балаға мұра етіп қалдыру басты мақсатым» дейді қолөнер шебері. Енді кәсіпкер ғимарат аумағын да кеңейтіп, өнімдерін еліміздің басқа да қалаларына тасымалдауды жоспарлар отыр. Сондай-ақ қаламызда да осы кәсіпті дамытып, тері өндірісін қолға алу ойында бар. Осындай аздан бастап, көп іс тындырған жандардың өмірі бізге қашанда үлгі. Қай істе болмасын адалдық деген кіршіксіз дүниеге кір түсірмеу азаматтық парыз екені бесенеден белгілі. Ал мұндай кәсіп иелері кәсібін жаңа ашқандарға ісімен тәлім берері сөзсіз.Текелі қаласы әкімінің баспасөз хатшысы Ұлжан Ұлдаханқызы

Вакцина оразаны бұза ма?

Талдықорғандағы Қазақстан мұсылмандары діни басқармасының бас имамы Ардақ Оразбай вакцина салдырудың оразаға әсері туралы жауап берді, деп хабарлайды Tinfo.kz. Имамның айтуынша, екпе салдыру оразаны бұзатын амалдарға жатпайды. (adsbygoogle = window.adsbygoogle || []).push({}); «Шариғат бойынша оразаны ағзаға табиғи жолдар – ауыз, мұрын, ішек арқылы енетін заттар   бұзады. Ал денеге коронавирусқа қарсы екпені салдыру оразаны бұзбайды», - дейді Талдықорғандағы Қазақстан мұсылмандары діни басқармасының бас имамы Ардақ Оразбай. Сондай-ақ, ол емдеуге қолданылатын инъекцияларға рұқсат етілгенін айтты. Айта кетейік, биылғы жылы садақа мөлшері 420 теңгені құрап отыр. «Садақаның мөлшері екі кг ұнның орташа құны негізінде есептелді. Ұн бағасы ҚМДБ-ның қалалық және аймақтық өкілдіктері ұсынған ақпарат негізінде анықталды. 2020 жылы пітір-садақаның мөлшері 370 теңгені құрады. Пітірді Рамазан айы бойы беруге болады», - деп атап өтті Талдықорған қаласы «Нұр» мешітінің имамы Алмас Данағұлов. Естеріңізге сала кетейік, 2021 жылы қасиетті Рамазан айы 13 сәуірде басталып, 12 мамырда аяқталады. 13 мамырда мұсылмандар Ораза Айт мерекесін, ал қасиетті түн-Қадыр түнді 8-9 мамыр аралығында қарсы алады.

Алматы облысында «Қарапайым заттар экономикасы» бағдарламасы бойынша 192 жоба мақұлданды

2020 жылдан бастап Алматы облысында «Қарапайым заттар экономикасы» салаларын дамыту шеңберінде басым жобаларды жеңілдікті несиелеу бағдарламасы бойынша жалпы сомасы 57,1 млрд теңгеге 192 жоба мақұлданды. Агроөнеркәсіптік кешен, тамақ өнеркәсібі, туризм және қызмет көрсету, жеңіл өнеркәсіп және ағаш өңдеу, өнеркәсіп, электр энергетикасы және басқа салалардағы жобалар жеңілдікті несие алды, деп хабарлайды Tinfo.kz. Жобаларды іске асыруға мониторинг жүргізу және сүйемелдеу мақсатында «Атамекен» кәсіпкерлер палатасының жанынан Жобалық кеңсе құрылып, оның жұмысына Алматы облысының Кәсіпкерлік және индустриялық-инновациялық даму басқармасының, «Даму» КДҚ филиалының, «Аграрлық несие корпорациясы» АҚ филиалының және екінші деңгейдегі банктердің өкілдері тартылды. (adsbygoogle = window.adsbygoogle || []).push({}); «Жалпы бағдарлама бойынша біз құны 86,2 млрд теңге болатын 265 жобадан тұратын жобалар тізілімін әзірледік. Бағдарламаның операторлары екінші деңгейлі банктер мен Аграрлық несие корпорациясы болып табылады. Бүгінгі таңда банктер мен Аграрлық несие корпорациясы тарапынан жалпы сомасы 57,1 млрд теңгеге 192 жоба мақұлданды. Кәсіпкерлік субъектілері қаражатты өндіріс орнын кеңейтуге, мал мен техниканы сатып алуға, көктемгі егіс жұмыстарына алды. Қазіргі таңда тағы 21 жоба қарастырылу үстінде. 38 жоба бойынша құжаттар жиналып, бизнес-жоспарлар жасалуда», - деп атап өтті Алматы облысы Кәсіпкерлер палатасының директоры Әсет Шаяхметов. Мысалы, бағдарлама бойынша Талдықорған қаласындағы «Жұмағали» шаруа қожалығы дәнді (күріштен басқа), бұршақ және майлы дақылдарды өсіруге 75 млн теңге алды. Талғар ауданында кеңселік және студиялық жиһаз өндіретін «P. T. Z.» ЖШС зауыты 500 млн теңгеге қаржыландырылып, бүгінде өндірісін кеңейту мен өнім жинағын үлкейтуде. Бағдарламаның арқасында Еңбекшіқазақ ауданындағы «Альтаир» өндірістік кооперативіне құрастырмалы темірбетон және бетон конструкциялар мен бұйымдар өндірісін іске қосу үшін 135 млн теңге көлемінде жеңілдетілген несие берілді. Кеген ауданында «Тасбұлақ» ЖШС 8,8 млн теңгеге жылқы сатып алып, мал фермасын ашты. Естеріңізге сала кетейік, «Қарапайым заттар экономикасы» салаларын дамыту аясында басым жобаларға жеңілдікті несие беру бағдарламасы елімізде 2019 жылы іске қосылды.

Алматы облысында жас кәсіпкер топырақты пайдаланбай жемшөп өсіруде

Алматы облысының 26 жасар тұрғыны Нұрас Тәлім гидропоника көмегімен жасыл жемшөп өсіре бастады. Гидропоника топырақты пайдаланбай, құрама жемге балама бола алатын экологиялық таза өсімдікті өсіру тәсілі, деп хабарлайды Tinfo.kz. Нұрас кәсібін мемлекеттік бағдарламаға қатысудың арқасында бастап отыр. «Атамекен» кәсіпкерлер палатасының мамандары жас кәсіпкерге идеясын іске асыру үшін «Бастау Бизнес» кәсіпкерлік негіздері жобасы бойынша оқытудан өтіп, кейін мемлекеттік грант байқауына және жеңілдетілген несиелендіру бағдарламасына қатысу мүмкіндігін ұсынды. (adsbygoogle = window.adsbygoogle || []).push({}); Кәсіпкер Талғар ауданының Қарабұлақ ауылында тұрады. Негізгі мамандығы - инженер-техник және автоэлектрик. Алайда, мамандығы бойынша ұзақ жұмыс істемеді. Себебі кәсібін ашып, өзіне жұмыс істеуге және қаржылай тәуелсіз болуға ұмтылды. «Кәсіпкер болу мақсатым болды. Қоғамға бір пайдамды тигізіп, алға қойған армандарды орындағым келеді. «Бастау Бизнес» жобасына келіп, өзімнің арманыма бір қадам жасадым деп есептеймін. Міне, сондықтан да қиындығы мен қуанышы қатар кәсіпкерлік жолды тандадым. Ұзақ уақыт бойы айналысатын бизнестің түрін зерттеп, гидропоника сияқты инновациялық бағытты таңдадым. Бұл сала біздің елімізде енді ғана дами бастады, әлеуеті жоғары», - дейді кәсіпкер. Өткен жылы Нұрас «Бизнестің жол картасы – 2025» бағдарламасы бойынша гранттар байқауына қатысты. Оның өсіп келе жатқан дәнді пайдаланып, гидропоникалық жасыл жемшөп өсіруді ұйымдастыру және оны түйіршіктеу жобасы инновациялық деп танылып, 2,5 млн теңге көлемінде грант бөлінді.Кәсіпкердің айтуынша, қаражатқа шағын жылыжай салып, гидропоникалық қондырғы, жабдықтар, дәндер сатып алынды. Қазір жылыжайда арпа, бидай және жүгерінің бірнеше түрі өсіріледі, сонымен қатар бидай өскіндерінен дәрумендер шырыны алынады. Шағын жылыжайдың айына бір тоннаға дейін жемшөп өсіруге қауқары бар. Шөп топырақсыз өсірілетіндіктен, қосымша салымды қажет етпейді. Тек жылыжайда әрқашан ерекше микроклимат сақталуы керек. «Инновациялық жобамызға бірнеше ай ғана болды. 2020 жылдың соңынан бастап жұмыс істей бастадық. Қазір серіктестермен әріптестікті жолға қойып жатырмыз, бірқатар мүдделі сатып алушыларымыз бар. Жалпы, жасыл жемшөп малдың негізгі тамақтануына арналған жем қоспасы. Гидропоникада өсірілген жасыл жемде малға қажетті барлық қажетті қоректік заттар бар екендігі дәлелденген. Сондықтан пайдалы, әрі сіңімді ас болады. Ең бастысы, құрама жемге балама бола алатын экологиялық таза өнім», - деп атап өтті жас кәсіпкер. Енді кәсіпкер өңірдегі ірі мал шаруашылығы кешендерімен ынтымақтастықты дамытпақшы. Сондай-ақ келесі жылы малға арналған түйіршіктелген жасыл жемшөп өндірісін ашуды жоспарлап отыр.

Алматы облысында мемлекеттік қызметтерді көрсету сапасына халықтың қанағаттану деңгейі артуда

Бүгін «ZOOM» қосымшасы арқылы онлайн режимде аудан/қала әкімі аппараты басшылары мен ішкі бақылау қызметтерінің қатысуымен Алматы облыстық Қоғамдық кеңесінің кезекті отырысы өтті, деп хабарлайды Tinfo.kz. Кеңесте 2020 жылы мемлекеттік қызметтер көрсету сапасына «TALAP» қолданбалы зерттеулер орталығымен жүргізілген республикалық және «Tabiya-consult» ЖШС-мен жүргізілген аумақтық қоғамдық мониторингтің қорытындылары қаралды. (adsbygoogle = window.adsbygoogle || []).push({}); Қоғамдық мониторингтің мақсаты қызметті алушылардың мемлекеттік қызметтер көрсету сапасына, қолжетімділігіне және тәртібіне қанағаттану деңгейін айқындау және проблемалық мәселелерді анықтау болып табылады. Қоғамдық мониторинг нәтижелеріне сәйкес соңғы 4 жылда Алматы облысында мемлекеттік қызметтерді көрсету сапасына халықтың қанағаттану деңгейі тұрақты өсу серпінін көрсетуде (2017 жылы – 36,6%, 2018 жылы 56,5%, 2019 жылы – 69,3 %, 2020 – жылы 76,6 %). 2020 жылдың қорытындысы бойынша Алматы облысының жергілікті атқарушы органдары 76,6 % көрсеткішке жетіп отыр, ал республика бойынша мемлекеттік қызметтерді көрсету сапасына халықтың қанағаттануының орташа деңгейі 75,1 % құрайды. Жиын соңында жергілікті атқарушы органдарға мемлекеттік көрсетілетін қызметтердің сапасын арттыру бойынша нақты ұсыныстар берілді.

Алматы облысында кәсіпкер заманауи күртешелер мен пәлте шығарады

Алматы облысында тігінші Кәмилә Байматова мемлекеттік бағдарлама бойынша ұлттық және заманауи стильде сыртқы киім мен интерьер бұйымдарын тігетін жеке тігін цехын ашты. 58 жастағы Кәмилә Байматова Жамбыл ауданының Ұзынағаш ауылында тұрады. Кәсіпкерлікті үш жыл бұрын бастаған. Мамандығы бойынша байланысшы, алайда тігін ісінде он бір жылдық тәжірибесі бар. Ательде тігінші болып қызмет атқарған. Сол орында жұмыс істеп жүріп, ұлттық нақышта киім мен үй бұйымдарын тігетін жеке ісін ашуды мақсат етті. (adsbygoogle = window.adsbygoogle || []).push({}); «Мен тігін цехында сегіз жылға жуық жұмыс істедім. Мол тәжірибе мен білім жинадым. Тұрақты клиенттерім болды. Сатып алушылар менің жасаған дүниелерімді әрдайым жоғары бағалайтын. Дәл осы қолдау мені бизнесті бастауға итермеледі. Барлық кемшіліктер мен артықшылықтарды есептеп, өз ісімді ашамын деп шештім. Осылайша, мемлекеттік қолдаудың арқасында ойлағанымды жүзеге асырдым, қажетті жабдықтарды сатып алып, бірнеше адамды жұмысқа қабылдадым», - дейді кәсіпкер. 2018 жылы Кәмилә «Еңбек» бағдарламасы аясында «Бастау Бизнес» жобасы бойынша оқудан өтті. Кәсіпкерлер палатасы арқылы бір ай бойы ол кәсіпкерліктің қыр-сырын біліп, қаржы есебін жүргізуді, өз бизнесін дамытып, ілгерілетуді үйренді. 2019 жылы сәуір айында аталмыш бағдарлама бойынша 250 000 теңге сомасында грант, ал бір жылдан кейін 3 млн теңге мөлшерінде 6% жеңілдікпен несиеге қол жеткізді. Кәсіпкердің айтуынша, бұл қаражатқа тігудің кіріктірілген бағдарламалары бар автоматтандырылған машиналар сатып алынған. Көп функциялы тігін машиналары материалдарға әртүрлі бекітпелерді орындауға, тігу бағытының мәндерін, тігілетін бөліктің орналасуы мен жиектерін және басқа да жұмыстарды бағдарламалауға мүмкіндік береді. «Біз жеке тапсырыс бойынша ұлттық және заманауи стильде пәлте, пиджак, жилет, күртеше, көйлек, сондай-ақ көрпе, жастық, қоржын, қыз жасауы және басқа да бұйымдар тігеміз. Біздің цех ай сайын 90 дана өнім мен жиынтық бұйым шығарады», - деп атап өтті кәсіпкер Кәмилә Байматова. Айтпақшы, кәсіпкер тігетін күртешелер, пәлте мен көйлектер танымал киім брендтерінен кем түспейді, ал интерьер бұйымдары үйге сән кіргізіп, тамаша сыйлық бола алады. Бүгінде Кәмиләдан басқа тігін цехында тағы төрт тігінші жұмыс істейді. Тапсырыс жеткілікті, халық арасында сұраныс жоғары, дейді қызметкерлері. Сонымен бірге, биыл кәсіпкер киім мен бұйымдарды тігу бойынша оқыту курсын ашуды жоспарлап отыр.

Талдықорғандық кәсіпкерлер өрт қауіпсіздігі бойынша оқыту қызметтерін ұсынушыларға наразы

Талдықорған қаласының кәсіпкерлері өрт қауіпсіздігін қамтамасыз ету саласындағы қызмет көрсетуші жеке құрылымдарға наразы. Бұл туралы кәсіпкерлер ТЖД өкілдері мен кәсіпкерлердің қатысуымен Алматы облысы Кәсіпкерлер палатасында өткен мемлекеттік өрт бақылау мәселелері бойынша дөңгелек үстел барысында айтты, деп хабарлайды Tinfo.kz. Кездесуге Алматы облысы Кәсіпкерлер палатасы жанындағы Кәсіпкерлердің құқықтарын қорғау және сыбайлас жемқорлыққа қарсы іс-қимыл кеңесінің төрағасы Баниямин Файзулин, Алматы облысы ТЖД МӨҚБ бастығының орынбасары міндетін уақытша атқарушы Манат Тұрымов, Талдықорған қаласы бойынша ТЖБ өкілдері және Қазақстан үздіксіз білім беру қауымдастығының (ҚҮББҚ) облыстық филиалының мүшелері қатысты. (adsbygoogle = window.adsbygoogle || []).push({}); Алматы облысы Кәсіпкерлер палатасы Өңірлік кеңесінің мүшесі, ҚҮББҚ облыстық филиалының өкілі Роза Егінбаева мәлімдегендей, өрт қауіпсіздігін оқыту саласында қызмет көрсететін кейбір жеке құрылымдар жүргізілетін тексерулерді сылтау етіп, өз қызметтерін пайдалануға күштеп мәжбүрлеуде. Еске салсақ, тұрғындарды өрт қауіпсіздігі шараларына оқыту ережелеріне сәйкес ұйымдар мен мекемелердің жауапты тұлғалары өрт-техникалық минимум мәселелері бойынша оқытудан өтуі тиіс. Өрт қауіпсіздігі нормаларын оқыту бәсекелес ортаға берілді. «Өзге аймақтардағы кейбір ұйымдар бізге өз қызметтерін қолдануды күштеп мәжбүрлеген жағдайлар болды. Олар талап етіп қана қоймай, кейде озбыр түрде бізге өздерінің қызметтерін сатып алу керек екенін айтады. Олай болмаған жағдайда мемлекеттік орган тарапынан тексеру болатынын айтады. Аталмыш коммерциялық компанияларда біздің барлық деректеріміз бар. Тіпті ұйымда қанша қызметкер бары екенін де хабардар», - дейді кәсіпкер. ТЖД өкілдері азаматтық қорғау қызметкерлері коммерциялық қызмет көрсетпейтінін, тек нысандарды өрт қауіпсіздігі туралы бақылау функциялары қарастырылғанын атап өтті. Әрбір кәсіпкер немесе мемлекеттік мекемелердің басшылары қызмет көрсету бойынша келген компанияны таңдауға құқылы. Өз кезегінде қауымдастық өкілдері қызмет көрсету сапасын бақылау мақсатында білім беру қызметтерін көрсететін тексерілген ұйымдардың тізілімін әзірлеуді жоспарлап отыр. Алматы облысы ТЖД МӨҚБ бастығы орынбасарының міндетін уақытша атқарушы Марат Тұрымов Президенттің Жарлығына сәйкес шағын кәсіпкерлік субъектілеріне қатысты тексеріс жүргізуге мораторий енгізілгенін хабарлады. «Президенттің Жарлығына сәйкес 2021 жылы тексеру кестесіне 1 568 шағын бизнес субъектісі енгізілмеген. Шағын бизнесті тексеру тек ТЖ Министрінің тапсырмасы негізінде, келіп түскен шағымдарға сәйкес жүргізіледі. Бұдан басқа, Қазақстан Республикасының «Азаматтық қорғау туралы» Заңына және Қазақстан Республикасының "Рұқсаттар және хабарламалар туралы" Заңына сәйкес қызметтің белгілі бір түрін жүзеге асыру үшін азаматтық қорғау органдарының қорытындысы немесе рұқсаты талап етілмейді», - деп хабарлады ол. 2021 жылдың басынан бері кәсіпкерлік субъектілеріне 3 тексеру жүргізілген. Ағымдағы жылы заңбұзушылық жіберген 2 жеке және заңды тұлға әкімшілік жауапкершілікке тартылды. Жыл басынан бері нысандарда 19 өрт тіркелген, бұл 2020 жылмен салыстырғанда 26%-ға жоғары. Нысандардағы өрттердің негізгі себебі электр сымдарының қысқа тұйықталуы болып отыр. Қазақстан Республикасының 2015 жылғы 29 қазандағы № 375-V ҚРЗ Кәсіпкерлік кодексіне сәйкес бұрын тапсырылған нұсқамаларды және келіп түскен өтініштерді орындау бойынша жоспардан тыс тексерулерді қоспағанда, тәуекел дәрежесі жоғары объектілерде жылына 1 рет объектінің тәуекел дәрежесін бағалау негізінде ерекше тәртіп бойынша өрт-техникалық тексерулер жүргізіледі. Сондай-ақ, ТЖД өкілдері бүгінгі таңда кәсіпкерлік субъектілері арасында ақпараттық жұмыс жүргізуге баса назар аударылғанын атап өтті. Олардың айтуынша, шағын бизнес субъектілерінде өрт қауіпсіздігі ережелерін сақтау туралы ақпараттық парақшалар таратылып, алдын алу іс-шаралары ұйымдастырылып, басшыларымен өртке қарсы тақырыпта профилактикалық әңгімелер жүргізіліп келеді.

Алматы облысында қару иелері 300-ден астам құқықбұзушылық жіберген

Алматы облысының полицейлері азаматтық қару иелерінің құжаттарынан 300 астам құқық бұзушылықты анықтады, деп хабарлайды Tinfo.kz Полиция департаментіне сілтеме жасап. 12-18 наурыз аралығында «Қару» жедел алдын алу іс-шарасын өткізген Алматы облысының полицейлері 4900 астам азаматтық қару иелерін тұрғылықты мекенжайы бойынша тексерген. Тексеру барысында 370 шаруа қожалық қамтылып, құжаты бар қарулардың сақталу және тасымалдану тәртібі қаралды. (adsbygoogle = window.adsbygoogle || []).push({}); «Арнайы шара барысында 334 құқық бұзушылық анықталды. Оның ішінде қаруды тіркеуге қою және сақтау тәртібін сақтамау деректері көп кездеседі. Еш құжаты жоқ 23 қару-жарақ тәркіленді. Сондай-ақ, қолдан жасалған қару түрлері мен заңсыз оқ-дәрі сақтаудың 10 дерегі әшкереленіп, қылмыстық істер қозғалды»,- деді облыстық ПД Әкімшілік полиция басқармасының бастығы полиция полковнигі Дәулет Молдаханов. Сонымен қатар, тәртіп сақшылары осы уақытқа дейін мекенжайын анықтау мүмкін болмаған криминалдық есепке алынған 3 қару иесінің тұрғылықты жерін анықтаған.

Автожолдың күтімі

«Жол активтері ұлттық сапа орталығы» жол сапасын тексеретін ұлттық мекеме болғандықтан филиал қызметкерлерінің басты ұстанымы – өз ісіне үлкен жауапкершілікпен қарау.  Жұмыс бабындағы әрбір бақылаудың соңында адам өмірі тұрғанын филиал мамандары жақсы түсінеді. Сондықтан әрқайсысы өз ісін адал, әрі шынайы атқарып келеді.  Олай дейтініміз, «Жол активтері ұлттық сапа орталығы» РМК Алматы облыстық филиалының қызметкерлері үстіміздегі жылдың Ⅰ тоқсанында Алматы облысындағы жалпы ұзындығы 2 922 шақырымға жуық  республикалық жол желісіне қысқы күтім жасау бойынша жұмыстар мен материалдардың сапасына сараптама жүргізді. Жыл басынан бері 49 рет іс-сапарға шығып, жол құрылыс материалдарының 8 үлгісіне сараптама жасады. Нәтижесінде жол құрылыс материалынандарынан 2 ақау анықталып, мердігерлерге дер кезінде ескерту хат жазылып, кемшілік өз уақытында шешімін тапты.  (adsbygoogle = window.adsbygoogle || []).push({}); «Жол активтері ұлттық сапа орталығы» облыстық филиалы ақ қар бораған қыс айларында да, көктемгі қар еру кезінде де өз жұмыстарын тоқтатқан жоқ. Кыс кезінде авто жолдардың қардан тазартылуын, жолға себілетін құм-тұз қоспасының мемлекеттік стандарт талаптарына сәйкес келуін бақылауда ұстап отырды. Мысалы,  жол құрылыс материалдарының қысқы күтімі мен сынамаларын алу кезінде «Кеген-Нарынқол» тас жолында бір кемшілік анықталып, тапсырыс берушіге және мердігер ұйымға хат жолданды. Сонымен қатар жолда техникалық қызмет көрсету, ағымдағы жөндеу мен күрделі жөндеу учаскесіндегі ахуалды назардан тыс қалдырмайды.  Кепілдік мерзімі аяқталмаған  «Алматы-Өскемен» тас жолының 259-273, 283-287 шақырымы аралығындағы  (Талдықорған айналма жолы) жол құрылыс материалдарынан алынған сынамадан бір кемшілік анықталған.  Мұның бәрі жүйелі жұмыстың нәтижесі. Жақсы жолдан – жарқын өмірге! Ақбөпе ЖИЕНҚҰЛОВА

Әкімдік Қапшағайдағы медициналық қалдықтарға қатысты түсініктеме берді

2021 жылғы 25 наурызда Қапшағай қаласының тұрғыны Шамаева Марианна өзінің Instagram әлеуметтік желісіндегі аккаунтынан фото-бейнематериалдарды жариялаған болатын. Бұл Қапшағай қаласының «Восточный» және 12 шағын аудандарының аралығында пайда болған көлшікте медициналық қалдықтардың тасталғаны белгілі болды. Нақты атап айтсақ, мұнда пайдаланылған шприцтер, науқастарға қойылатын системалық заттар, мақта, орама қағаз қораптарын көруге болады. (adsbygoogle = window.adsbygoogle || []).push({}); Осы мәлімет хабарланған сәттен бастап, қаланың тұрғын үй коммуналдық және өңірлік коммуналдық қызметінің қызметкерлері қоқыс тасталған орынға шығып, фото-бейне тіркеу және медициналық қалдықтарды жинау жұмыстарын жүргізді. Содан кейін, аталған медициналық қалдықтар талаптарға сәйкес толықтай жойылды. Қазіргі уақытта, құқық қорғау органдарының қызметкерлері осы Әкімшілік құқық бұзушылықты жасаған белгісіз адамды немесе ұйымды анықтау үшін іс-шаралар жүргізуде.

Ветераны всегда в почете

В честь Наурыз мейрамы депутат Алматинского областного маслихата Римма Салыкова провела благотворительную акцию в поддержку ветеранов Великой отечественной войны в рамках проекта партии «Nur Otan» «Ардагерлерді Ардақтайық». В ходе акции депутат посетила 6 ветеранов Великой отечественной войны, а также многодетных матерей и одиноких пенсионеров в городе Талдыкорган. Им были вручены праздничные продуктовые корзины. В городе осталось всего 6 ветеранов ВОВ, в душе становится грустно от того, что их с каждым годом становится все меньше и меньше. (adsbygoogle = window.adsbygoogle || []).push({}); «Наурыз по настоящему праздник доброты и тепла, уважения и почтения старшим. В «Nur Otan» есть прекрасный и добрый проект «Ардагерлерді Ардақтайық», который дает возможность оказать внимание и заботу нашим старикам. В эти дни мы посетили ветеранов Великой отечественной войны, многодетных матерей и одиноких пенсионеров и еще раз поблагодарили и отметили, что они не одни, их знают, помнят и чтят», - отметила депутат маслихата Римма Салыкова.

Алакөл ауданының азаматтары 75 отбасына көмек көрсетті

Алакөлдік азаматтар Тәуелсіздіктің 30 жылдығы аясында 18 наурыз «Игі істер» күніне орай қайырымдылық акциясын ұйымдастырды. Қолы ашық, жомарт жандар ауданымыздағы әлеуметтік осал топтағы аз қамтылған және көп балалы 75 отбасына көмек көрсетті, деп хабарлайды Tinfo.kz. Артынша, «Алакөл аруы» байқауы өтті. Шара «Аялы алақан», «Асар»  акциялары бойынша жүзеге асады. Жергілікті атқарушы органдардың бөлім басшылары, халық қалаулылары, кәсіпкерлер мен жастар бастаған топ азық – түлік себеттерін үйді – үйге апарып, Ұлыстың Ұлы күні наурыз мейрамымен аудан тұрғындарын құттықтап қайтты. (adsbygoogle = window.adsbygoogle || []).push({}); «Наурыз меркесіне орай ұйымдастырылған «Аялы алақан», «Асар» акцияларына барлық бөлім – мекеме басшылары, мәслихат депутаттары, жеке кәсіпкерлер мен жастар  мүмкіндігі шектеулі азаматтарға, аз қамтылған көп балалы отбасыларға жалпы саны 75 адамға көмек көрсетті. Әр бөлімнің мекеме басшылары азық – түлікке толы себеттерді өз қаражаттарына сатып алды. Жалпы іс – шараға 1.5 млн.теңге қаражат жұмсалынды»,-дейді аудандық жұмыспен қамту және әлеуметтік бағдарламалар бөлімінің басшысы А. Садирбекова. Жалғыз басты зейнеткер Валентина Дегтярева өз кезегінде жомарттық танытып, мереке қарасаңында күтпеген сыйлық жасаған қауымға алғыс айтып, ризашылығын білдірді. Қолға алған игі бастамаларына сәттілік тіледі. Зейнеткеріміздің айтуынша, өңірімізде қайырымды адамдардың көп болғаны көңіл қуантады.                    

Депутаттар мектептердің жөнделу мәселелерін қарады

Алматы облыстық мәслихатындағы  «Nur Otan» партиясының депутаттық фракциясының денсаулық сақтау, білім беру, халықты әлеуметтік қорғау және мәдениет мәселелері жөніндегі тұрақты комиссияның отырысы өтті, деп хабарлайды Tinfo.kz. Күн тәртібінде депутаттық фракция мүшелері ҚР Білім беруді және ғылымды дамытудың 2020-2025 жылдарға арналған мемлекеттік бағдарламасының облыста жүзеге асыру барысы, партияның облыстық сайлауалды бағдарлаамсын іске асыруда Жол картасының 79-80 тармақтарының орындалу барысы және облыстағы кітапханалардың қазіргі таңдағы жағдайы жайында облыстық білім басқармасы басшысының м.м Гүлсара Исағұлова есебін тыңдап, сауалдарын қойды. (adsbygoogle = window.adsbygoogle || []).push({}); Гүлсара Исағұлова өз баяндамасында «2021 жылы 23 білім беру нысандарының күрделі жөндеу жұмыстарына 9,7 млрд.теңге қаржы бөлінді. Оның ішінде 21 мектептің ғимаратын жөндеу (оның 7-уі 2020 жылдан өтпелі), 2020 жылдан өтпелі 1 балабақшаның  жөндеу жұмыстарын аяқтау, 1 зерде бұзылыстары бар мектеп-интернатының кәріз жүйесі мен ауласын абаттандыру жұмыстары. Бүгінгі күнде 2020 жылдан өтпелі 7 мектептің күрделі жөндеу жұмыстары жүргізілуде» деп атап өтіп, қатысушылардың сұрақтарына жауап берді. Денсаулық сақтау, білім беру, халықты әлеуметтік қорғау және мәдениет мәселелері жөніндегі тұрақты комиссияның төрайымы Римма Салықова білім беру нысандарының құрылысын депутаттар жеке қабылдауға алып, алдағы уақытта өңірлерге шығып, жай-күйімен танысып шығатынын атап өтті. Шара соңында фракцияның шешімі қабылданып, берілген ұсынымдар бойынша тиісті басқармаға орындау үшін жіберілді.

Алматы облысында былтыр жер саласы бойынша 65 мыңға жуық қызмет көрсетілді

Қазақстанда Жерге орналастырушы, геодезия және картография мамандарының кәсіби мерекесі наурыздың екінші сенбісінде атап өтіледі. Осыған орай «Азаматтарға арналған үкімет» мемлекеттік корпорациясының  Алматы  облысы бойынша  филиал директорының орынбасары Абдурасул Кулдашовпен арнайы әңгімелесіп,  көңілде жүрген сауалдарға жауап алдық. -  Жер - мемлекеттің ерекше қорғауындағы негізгі ұлттық байлық. Сондықтан бұл салада еңбек ететін мамандарға жүктелетін жауапкершілік жоғары. Мемлекеттік корпорацияда осы кәсіптің қыр-сырын меңгерген мамандардың атқаратын қызметі қандай? (adsbygoogle = window.adsbygoogle || []).push({}); -  Көпшілік мемлекеттік корпорацияның жұмысы тек түрлі анықтамалар мен құжаттарды рәсімдеу және дайын құжатты беру, яғни халыққа қызмет көрсету орталықтарында азаматтарға қызмет көрсетуден ғана тұрады деп ойлайды. Алайда бұл - қате пікір. Азаматтарға арналған үкімет қызметінің төрт негізгі бағыты бар: азаматтарға фронт-офисте қызмет көрсету, әлеуметтік, жылжымайтын мүлікті тіркеу және жер кадастр блоктары. Жер қадастр блогының мамандары жер кадастрлық жұмыстарымен айналысып, топырақ құрамын зерттеп, бонитетін анықтайды, сондай-ақ геоботаникалық сараптама жүргізіп, топырақ картасын жасайды. Облыс бойынша бұл бағыттағы 20 аудандық және қалалық бөлімде 520-ға жуық адам жұмыс істейді. Жалпы, мемлекеттік корпорация жер кадастры бойынша монополиялық қызметтердің 13-ін және жерге орналастыру жұмыстарының 11 түрін көрсетеді. Қазіргі уақытта екі немесе одан да көп қызметті бір өтінішпен алуға болатын композиттік қызметтерді қалыптастыру бойынша ауқымды жұмыстар жүргізілуде. -  ҚР Президенті Қасым-Жомарт Тоқаев өз жолдауында бизнес-процестерді мүмкіндігінше цифрландыруды тапсырған болатын. Бүгінде корпорация жер қатынастары саласындағы мемлекеттік  қызметтерді электрондық форматқа көшіруде. Осы жайтқа тоқталсаңыз. -  Жер қатынастарына қатысты қызметтерді алу қашанда қиындықтарымен ерекшеленіп келген. Бұл салада көрсетілетін қызметтердің көп бөлігі тек қағаз түрінде ұсынылғандықтан, қызмет алушылар мемлекеттік корпорацияның фронт-офисіне тікелей баруы тиіс еді. Бүгінгі таңда  жер қатынастарына байланысты «Мемлекеттік жер кадастрынан ақпарат беру», «Жер учаскесінің кадастрлық (бағалау) құнын анықтау», «МЖК ААЖ графикалық дерегімен жобаланып отырған жер учаскесін келісу», «Жер учаскесіне актілер дайындау және беру», «Жер учаскесінің сапалық жағдайы туралы ақпарат беру» сияқты мемлекеттік қызметтерін egov.kz электронды үкімет порталы  арқылы онлайн алуға болады.  Басты талап – электрондық цифрлық қолтаңбаның болуы. -  Жер қатынастары саласындағы қызметтердің көрсетілу мерзімі қаншалықты қысқарды? -  Цифрлық технологиялар дәуірінде тұрғылықты жерге байланып, қызметтің нәтижесін бірнеше күн, тіпті бірнеше апта күту, әрине, орынсыз. Сондықтан  жер қатынастары саласында ең көп сұранысқа ие қызметтердің көрсетілу мерзімін қайта қарастырып, барынша азайтылды. Мәселен, егер бұрын "Мемлекеттік жер кадастрының автоматтандырылған ақпараттық жүйесінің графикалық мәліметтерімен жобаланатын жер учаскесін келісу» мерзімі 15 күнтізбелік күн болса, қазір ол 7 жұмыс күніне дейін, ал жеке сәйкестендіру құжатын дайындау уақыты 6 жұмыс күнінен 4 күнге дейін қысқарды. Мемлекеттік жер кадастрынан ақпарат беру мерзімі 3 жұмыс күнінен 15 минутқа дейін қысқарды. -  «Цифрлы Қазақстан» бағдарламасына сәйкес елімізде 2021 жылы   «Жылжымайтын мүліктің бірыңғай мемлекеттік  кадастры» жаңа ақпараттық  жүйесі пайда болуы тиіс, осы жүйе туралы толығырақ айтып берсеңіз. -  Қазіргі уақытта Қазақстанда жер және жылжымайтын мүлік саласында екі база бар. Олар «Мемлекеттік жер кадастры» автоматтандырылған ақпараттық жүйесі мен «Жылжымайтын мүлік тіркелімі» мемлекеттік деректер қоры. Екі бөлек база болғанымен, ондағы ақпараттар бір бірін жиі қайталайды. Сондықтан, жер, құқықтық және табтғи ресурстарды қоса алғанда, барлық салалық деректер базалары мен кадастрларды қамтитын «Жылжымайтын мүліктің бірыңғай мемлекеттік  кадастры» жүйесін  құру, бірінші кезекте, ақпараттардың қайталануын және оның қарама-қайшылығын  болдырмауға мүмкіндік береді. Екіншіден, жаңа ақпараттық жүйе қолданыстағы үдерістердің ашықтығын қамтамасыз етеді. Үшіншіден, ЖМБМК жылжымайтын мүлікті және жер учаскелерін рәсімдеумен байланысты бизнес –үдерісті оңтайландырады. Жалпы, жобаның көптеген артықшылықтары бар. Оны іске қосқан соң жылжымайтын мүлікке құқықтарды тіркеу және есепке алу саласындағы мәліметтерді автоматты түрде іріктеуден, өндеуден, өзектілендіруден, сақтаудан және талдаудан, базалық және өңірлік  деңгейдегі жер кадастрынан  жылжымайтын мүлік объектілеріне құқықтарды бірыңғай автоматтандырылған есепке алуды жүргізгенге дейін жұмыстары жеңілдемек. -  «Азаматтарға арналған үкімет» өзін мемлекеттік қызметтерді оңтайландыруда жаңашылдықтың жаршысы ретінде  танытты. Алдағы уақытта қандай жаңалықтармен қуантпақшысыздар? -  Өткен жылдың қараша айынан бастап жылжымайтын мүліктің техникалық паспортын ХҚО-ға бармай-ақ,  онлайн алуға мүмкіндік жасалды.  Құжатты дайындау мерзімі жылжымайтын мүлік түріне байланысты, яғни техникалық тексеру қорытындысы бойынша пәтердің, жатақханалардағы бөлменің техпаспорты үш жұмыс күні, жеке гараждар мен саяжай құрылыстарына бес жұмыс күні өткен соң беріледі. Пәтер, жатақхана бөлмесі, жеке гараждар мен саяжай құрылыстарына рәсімделетін электронды техпаспорт ХҚО-да қолтаңбамен расталып, мөр басылып берілетін құжаттағыдай бірдей деректерді қамтиды. Техпаспорттың электронды баламасы мемлекеттік қызметтерді көрсетуге тартылған қызметкерлердің электрондық-цифрлық қолтаңбасымен расталатын болды. Сонымен қатар елімізде алғаш рет  мемлекет меншігіндегі жер учаскесін беру және оны сауда-саттық аукционы бойынша саудалау немесе жалға беру құқығы қызметтері аясында жер учаскесі онлайн сатылды. Сынақ ретінде іске қосылған жоба аясында электронды үкімет порталы мен бірыңғай мемлекеттік жылжымайтын мүлік кадастры, жергілікті атқарушы органның геопорталы және электронды сауда алаңының ақпараттық базалары өзара ықпалдастырылған болатын. Жер қатынастары және сәулет саласындағы жүргізілетін жұмыстарды цифрландыру аясында аталған пилоттық жоба әзірге Нұр-Сұлтан, Алматы, Атырау қалаларында да жүргізілуде. Осы ретте айта кету керек, кәсіби мереке қарсаңында филиал бойынша  35  қызметкер «Құрметті жерге орналастырушы» төс белгілерімен, «Кәсіподақ қызметінің дамуына қосқан үлесі үшін» медалімен, Кәсіподақтың құрмет грамотасымен, сондай-ақ мемлекеттік корпорация төрағасының алғыс хаттарымен марапатталды. -  Сіздерді кәсіби мерекелеріңізбен шын жүректен құттықтаймын. Кәсіби шеберліктеріңіз бен адал  еңбектеріңіз мемлекеттік қызмет көрсету саласының бұдан әрі дамуы мен өркендеуінің мызғымас кепілі болатынына сенімдіміз. Сұхбатыңызға рахмет!

Алматы облысында «қайырымды істер марафоны» іске қосылды

Ел тәуелсіздігінің 30 жылдығын мерекелеу аясында Мемлекет басшысы Қасым-Жомарт Тоқаевтың бастамасымен  «Қайырымды істер марафоны» жалпы ұлттық жобасы бастау алған еді. Бұл істі алғаш болып қолға алғандардың бірі - Алматы облысы, деп хабарлайды Tinfo.kz. Ұлттық жобаның бастауы басқосудан басталды. Аталмыш дөңгелек үстелге Алматы облысы әкімінің орынбасары Рустам  Али, облыстық жастар саясаты мәселелері жөніндегі басқармасының басшысы Елдар Қайсарұлы, кәсіпкерлер мен ҚМДБ өкілдері қатысты. (adsbygoogle = window.adsbygoogle || []).push({}); Жетісу өлкесі тегеурінді істерді атқарудан тартынған емес. Оның ішінде еріктілер қозғалысының бұл реттегі еңбегі орасан зор екенін атап өткен абзал.  Естеріңізге салайық, былтыр өңірде 434 қайырымдылық шаралары ұйымдастырылды. Соның шеңберінде 26 мың отбасыға көмек қолы созылып, 4 мың ерікті сауапты іске жұмылдырылған болатын. Осы тектес жұмыстар биылғы жылы «Қайырымды істер» жалпы ұлттық марафонының негізінде атқарылатын болады. Бұл бастаманың  аймақта іске қосылуына, облыс әкімінің орынбасары Рустам Али  мұрындық болды.   «Егемендіктің 30 жылдығын игі істерден бастамақпыз.  2020 жыл «еріктілер жылы» деп жарияланды. Сол сәттен бастап, жетісулық жастар өздерінің белсенділіктерін танытты. Демеушілдердің көмегімен баспанасыз қалған отбасына Талғар қаласынан тұрғын үй сатып алынды. «Қайырымды істер марафонында» осы игі істерді жалғасытратын боламыз. Осы орайда, мен «Мейірімді Жетісу» челленджін жариялаймын»,-деді облыс әкімінің орынбасары Рустам Али.  2020 жылы ел аумағын індет жайлағын мезгіл болды. Осы шақта еңбектеген баладан, еңкейген қартқа дейін елге пайда тигізуге ат салысты. Бұл қатарда кәсіпкерлердің жомарттық танытқанын атап өтпеске болмас. Солардың бірі- Шыңғыс Жұмағұлұлы.  Облыс орталығындағы белгілі кәсіпкер, «Талдықорған такси 400-400», «La Flamma» мейрамханасының негізін қалаушы.  Олда өз кезегінде қайырымдылықтан қалыс қалмады. «Шамамыз келгенше үлесімізді қосамыз. Елге пайдамыз тисін деген мақсатта «Асар» атты науқан бастаған едік. Онда белгілі бір мөлшерде тұрғындарды тегін тасымалдадық. Осы сынды атқарған жұмыстарымыз бар. Оның барлығын жарияға жарсалмаймыз. Бірақ, қазір ақпарат ғасыры. Әрі ұрпақты тәрбиелеуші әлеуметтік желі болғандықтан, ара-тұра мұндай қадамдарды көрсетіп тұрғанда дұрыс. Өйткені, осы арқылы жастар үлгі алады. Қоғамға пайдалы болуға ынталанады»,- деп өз ойымен бөлісті Шыңғыс Кенжеғұлов.  Алдағы таңда, «Лидер.кз» еріктілер ұйымының  бастамасымен Талдықорғанда әлеуметтік кәсіпорын ашылмақ. Бұл туралы дөңгелек үстел барысында аталмыш ұйымның жетекшісі Матвей Шведин мәлімдеді. «Біз әлеуметтік кәсіпорын ашқымыз келеді. Ол - столярлық және тігін цехі, жартылай дайын тағам шығаратын өндіріс орны болмақ. Мұнда 1, 2 топ мүгедектері, жазасын өтеп шыққандар мен балалар үйінің түлектері жұмыс жасауға мүмкіндік алады. Осылайша, қоғамға өзіндік пайдамызды тигізбекпіз»,-деді өз сөзінде. Айта кетейік, бұдан бөлек «Ең қайырымды қала», «Ең қайырымды бизнес», «Ең қайырымды әкім» сынды байқаулар өткізу жоспарланған.  Негізінен, ағымдағы жылы жалпы ұлттық марафон аясында 30 мың отбасына көмек көрсету көзделген. Марафон аясында, алғаш болып  алтын алқа иегері, 8 баланың анасы Айнагүл Тоқпанбетованың отбасына қайырымдылық көмек көрсетілді.

Комиссия жұмысын бастады

Наурыз айында облыстық мәслихаттың жанындағы индустриялық-инновациялық, көліктік-логистикалық даму, кіші және орта бизнесті, туризм мен спортты қолдау мәселелері бойынша тұрақты комиссияның отырысы өтті, деп хабарлайды Tinfo.kz. Комиссия төрағасы болып депутат Берік Тынышбаев сайланды. Күні кеше өткен жиында комиссияның жұмыс жоспары талқыланып, бекітілді. Яғни, басым бағыттар мен тақырыптарды, мемлекеттік бағдарламаларды іске асыру бойынша әкімдіктер мен мемлекеттік органдарды тыңдау мерзімін айқындалды. Жұмыс бағыты "Nur Otan" партиясының «Өзгерістер жолы: әркімге лайықты өмір!» сайлауалды бағдарламасын орындау бойынша  Жол картасы аясында жүргізілетін болады. (adsbygoogle = window.adsbygoogle || []).push({}); «Жұмыстың сапалы орындалуына қатаң бақылау жасау үшін әрбір объектіге депутатты жеке бекітіп берді. Себебі, жоспарланған жұмыстар, нысандар мен жобалар көп. Тек кәсіпкерлікте ғана отандық және шетелдік инвесторлардың қатысуымен 51 серпінді инвестициялық жобаны іске асыру жоспарланған. Бес жыл ішінде аудандарда 18 спорт нысанының құрылысы жүргізіледі. Туризм және көлік салаларында жұмыс серпіні осындай», - деп атап өтті комиссия мүшесі, облыстық мәслихат депутаты Руслан Қожасбаев.