Жаңалықтар

Войти через

  • 19:05:19
  • -9°C

Воскресенье, 24 января

 

Жаңалықтар

Карантин кезінде 100 мыңнан астам қазақстандық ХҚО-ның жеңілдік терезесі арқылы мемлекеттік қызмет алды

100 мыңнан астам қазақстандық ХҚО-ның жеңілдік терезесі арқылы мемлекеттік қызмет алды, деп хабарлайды Tinfo.kz. Карантин шектеулері аясында жұмысын қайта бастаған ХҚО-лардағы жеңілдік терезесі арқылы  101,8 мың қазақстандыққа қызмет көрсетілді. Мамыр айының ортасынан бастап вирустың таралу қаупі мен қазақстандықтардың өмірі мен денсаулығына алаңдаушылыққа байланысты еліміздегі  ХҚО-лардың жұмыс тәртібі өзгерген болатын.  Енді ХҚО-да онлайн түрде қолжетімсіз «қағаз» жүзіндегі қызметтер ғана ұсынылады. Алайда азаматтардың үш санаты, атап айтқанда, зейнеткерлер, көп балалы отбасылар мен мүгедектер бұрынғыдай ХҚО-да электронды қызметтерді ала алады. Әр фронт-офисте олар үшін жеңілдік терезелері ұйымдастырылған. Олар «қағаз» қызметтерді де, түрлі анықтамалар мен мемлекеттік қызметтерді де сонда ала алады. Жеңілдік терезесіне міндетті түрде онлайн түрде кезек уақытын алдын ала брондау қажет. Жеңілдік терезелері арқылы қызметтердің көп бөлігі мегаполистердегі ХҚО, атап айтқанда, Нұр-Сұлтан (9941), Алматы (9719) және Шымкент (7753) қалаларында ұсынылды. Тізімнің ең соңында Маңғыстау облысы, онда 1862 азамат жеңілдік терезесінің қызметіне жүгінген.  Азаматтарға арналған үкіметтің басқарма төрайымы Әсемгүл Балташеваның айтуынша, жеңілдік терезелері аталған санаттардағы азаматтарға қызметтерді жылдам әрі сапалы алуға көмектеседі.  «Біз осы үш санатқа кіретін қазақстандықтар үшін электронды қызметтерді өздігінен алу оңай емес екенін түсінеміз, сондықтан олар үшін электронды қызметтерді де ХҚО-дан алу мүмкіндігін жасадық» – деді ол.   Айта кетейік, төтенше жағдай режимі тоқтатылып, халыққа қызмет көрсету орталықтары жаңа форматта жұмыс істей бастағаннан бері қазақстандықтарға 2 миллионнан астам мемлекеттік қызмет көрсетілген.  Азаматтар egov.kz порталы, телеграмдағы egovkzbot2.0 немесе 1414 байланыс орталығы арқылы кезек уақытын алдын ала брондауы тиіс.  Бүгінде брондау сервисінің қызметі жетілдірілген, енді азаматтар брондау барысында бос уақыт аралығын көре алады және уақытын қайта рәсімдей алады. Бүгінгі таңда egov.kz порталында барлық мемлекеттік қызметтердің 80% -дан астамы қолжетімді. Компьютері жоқ азаматтар әкімдіктерде, жұмыспен қамту орталықтарында, білім беру, медицина ұйымдарында және т.б. жерлерде ұйымдастырылған egov бұрыштарының қызметін пайдалана алады.

“Барша қазақтың Жақсылығы еді”. Амандық Баталов Үшкемпіровтың отбасына көңіл айтты

Алматы облысының әкімі Амандық Баталов Жақсылық Үшкемпіровтың қазасына байланысты оның отбасына көңіл айтты, деп хабарлайды Tinfo.kz. “Бүгін халқының ықыласына бөленген Батыры, әйгілі спортшы, Олимпиада чемпионы, Қазақстанның Еңбек Ері Жақсылық Үшкемпіров ағамыз дүниеден озды деген хабарды естіп қатты күйзелдім. Ол Жетісудың ғана емес, барша қазақтың Жақсылығы еді, аты аңызға айналған саңлағы, ірісі еді”, - деп жазды Баталов жеке парақшасында 2 тамыз күні.  “Кездескен сайын «Жақсылық болсын, амандық болсын» деп бір-біріміздің арқамыздан қағысып, арқа-жарқа болып қалушы едік. Қашан көрсең, жүзі жайдары, көзі күлімсіреп, жан-жағына мейіріммен қарайтын. Рухы қандай мықты болса, жүрегі сондай жұмсақ еді. Біз ниеттес, пікірлес едік. Көрген жерде әңгімесі елдің, жердің жағдайы, шаруашылықтардың аяқ алысы, жастарды спортқа баулу жайында болатын. Өмірінің соңына дейін ауыл шаруашылығында шаршамай, талмай еңбек етті, облыстың аграрлық саласының өркендеуіне үлес қосты. Ауылдардың әл-ауқатын көтеруге, инфрақұрылымын дамытуға атсалысты. Ол өзінің қажетін өтеу үшін емес, артындағыларға үлгі болу үшін, еңбегінің жемісін елі көрсе екен деп тыным таппады. Өзінің туған ел, өскен ортасына қолынан келгенше көмектесті, көптің рахметіне бөленді. Сіз біздің мәңгі жадымыздасыз! Жаныңыз жаннатта, топырағыңыз торға болсын, жақсы аға, қазақтың һас Батыры!”, - деді облыс басшысы.

Еңбекшіқазақ ауданында «Абай» оқулары онлайн түрде өтті

Алматы облысының Еңбекшіқазақ ауданында Ұлы Абайдың 175 жылдық мерейтойына байланысты облыстық жалпы орта білім беретін мектеп оқушылары арасында «Абай» оқулары онлайн байқауы өтті, деп хабарлайды Tinfo.kz. Байқау 6 номинация бойынша өткізілді. Байқау қорытындысы бойынша «Өлең сөздің патшасы сөз сарасы» номинациясында жүлделі 1 – орынды Бәйтерек орта мектебінің 9 сынып оқушысы Сембинова Айгерім жеңіп алса, «Жүйріктен жүйрік озар жарысқанда» номинациясында 1 – орынды Бәйтерек орта мектебінің 8 сынып оқушысы Игерді Ақтолқын, «Абайдың қара сөздері» номинациясы бойынша жүлделі 2 – орынды Т.Қабылов атындағы орта мектептің 8 сынып оқушысы Ниязбек Шұғыла иеленді. Байқаудың жеңімпаздары Сембинова Айгерім мен Игерді Ақтолқын тамыз айында өтетін «Абай оқуларының» республикалық онлайн байқауына қатысып Алматы облысының намысын қорғайтын болады.

Амандық Баталов: Карантин сауапты амалдар жасауға кедергі бола алмайды

Алматы облысының әкімі Амандық Баталовтың Жетісу жұртын Құрбан айт мерекесімен құттықтады. Құттықтау мәтіні әкімдік сайтында жарияланған, деп хабарлайды Tinfo.kz. “Құрметті жетісулықтар! Баршаңызды әлем  мұсылмандарының  аса  ұлық мейрамы – Құрбан айт мерекесімен шын жүректен құттықтаймын! Құрбан айт - бейбітшілік пен бірлік, мейірімділік пен бауырластық сияқты мәңгі адами құндылықтарды нығайтатын, жүректерге ізгілік ұялататын жарқын мерекелердің бірі. Бүгінгі күні Құрбан айт қазақстандықтардың рухани өмірінде, қоғамның ауызбіршілігін бекемдеуде маңызды оқиғаға айналды. Мейрам күндері көпшілік Құрбан шалып, бір-біріне қамқорлық көрсетіп, мұқтаж жандарға қолдау танытып, ізгі амалдар жасауға асығады.   Биылғы жылы Құрбан айт мейрамы карантин жағдайында өткізіліп отыр. Алайда бұл сауапты амалдар мен игі шаралар жасауға кедергі бола алмайды. Қайта осындай кезеңде адамдардың қайырымдылық жасауға деген құлшынысы арта түспек. Қадірменді қауым! Ниеттеріңіз бен шалар құрбандарыңыз қабыл болсын. Мемлекеттің салиқалы саясаты мен тұрғындарымыздың бекем бірлігі мен өзара ынтымағының арқасында еліміз індеттен аман-есен шығады деп сенемін. Баршаңызға зор денсаулық, бақ-береке, әр отбасына қуаныш пен жақсылық тілеймін. Құрбан айт құтты болсын!”, - делінген құттықтауда.

Тоқаев Баталовпен телефон арқылы сөйлесті

28 шілде күні Мемлекет басшысы Қасым-Жомарт Тоқаев Алматы облысының әкімі Амандық Баталовпен телефон арқылы сөйлесті. Әңгіме барысында Амандық Баталов президентке өңірдегі эпидемиологиялық жағдай туралы баяндады, деп хабарлайды Tinfo.kz. “Індеттің таралу қарқынының төмендегенін, ауруға шалдыққандар саны 4115 болса, соның 3224-інің емделіп шыққаны, дәрі-дәрмек қоры мен тестілеу зертханасын жеткілікті болуы үшін қолға алынып жатқан шаралар туралы баяндады. Сол сияқты жағдайы ауыр науқастарды емдеуге көп көңіл бөлініп, қазіргі кезде облыстық көпсалалы клиникалық ауруханасының базасында арнайы жағдаяттық орталық жұмыс істеп жатқаны жайлы да хабарлады”, - делінген облыс әкімдігінің хабарламасында. Әңгіме соңында Мемлекет басшысы облыс әкіміне ахуалды қатаң бақылауда ұстап, аталған міндетке басым бағыт ретінде мән беруді тапсырды. Бұл ретте карантин сақтаудың маңызды екені және халыққа түсіндіру жұмыстарын белсенді түрде жүргізе беру керектігін айтты.

Құрбан айт 2020: qurban2020.kz сайты арқылы құрбандық шалуға өтініш беруге болады

Жетісулықтар құрбан шалу рәсімін онлайн режимінде өткізуге өтінім бере алады. Бұл туралы ақпараттық алаңында «JETISÝ MEDIA» Талдықорған өңірі бойынша ҚМДБ бас имамы Ардақ Оразбаев хабарлады. Еліміздегі эпидемиологиялық жағдайды ескере отырып, құрбан айт мерекесі қарсаңында Қазақстан мұсылмандары діни басқармасы qurban2020.kz арнайы сайтын іске қосты Ол арқылы әрбір ниет білдіруші құрбандық шалу рәсімін өткізуге өтініш бере алады. "Енді Алматы облысының тұрғындары да өз борышын үйден шықпай-ақ денсаулығына қауіп төндірмей орындауға мүмкіндігі бар. Ол үшін сізге сайтқа кіріп, "құрбандық шалу қызметіне тапсырыс беру" ұяшығын басу қажет, әрі қарай өңірді, толық атын, телефон нөмірін көрсету қажет, содан кейін құрбандық шалу үшін мал таңдап, қажетті соманы төлеуге болады", - деп түсіндірді Ардақ Оразбаев. Бас Имам сондай-ақ, азаматтардың рәсімге жеке қатыса алмайтынын атап өтті. Өйткені, сойып, етті бөлшектеу үшін арнайы бөлінген орында қасапшылар адамдардың тапсырыстарын орындайтын болады. Ал тапсырыс беруші фото - және бейне есеп сұрай алады. Ол ет мұқтаждар арасында толығымен таратылатынын атап өтті. Ал қызметке тапсырыс берген азаматтар құрбандыққа шалынған малдың етінің үшінші бөлігін өзіне қалдыра алмайды.Құрбандық шалу рәсімін өткізу орнында міндетті түрде барлық қажетті санитарлық шаралар сақталатын болады. Бұл туралы Талдықорған қаласының эпидимиологиялық қадағалау бөлімінің басшысы Айдана Тәттімғалиева мәлімдеді. "Құрбандық шалу қатаң санитарлық талаптарды сақтай отырып жүргізіледі. Ет сақтайтын орындарда қажетті медициналық анықтама және арнайы киім болады. Ал салттың өзі ашық аспан астында өтеді. Сондай– ақ, 4 мобильді топ міндетті санитарлық және карантиндік шаралардың сақталуын қадағалайтын болады", - деді Айдана Тәттімғалиева.

Алматы облысында полицейлер Қапшағай көпірінен секірген бойжеткенді құтқарды

Алматы облысының полицейлері Қапшағай көпірінен суға секірген бойжеткенді құтқарып қалды, деп хабарлайды Tinfo.kz. Белгілі болғандай, көпірден секірмек болған бойжеткен полицейлермен тілдесуге бармады. Бірден суға секіріп кеткен. Дәл сол сәтте полиция қызметкері қыздың артынан суға секірді. «Менің әріптесім лейтенант Нұрмекенов тез арада оған ұмтылды. Ол бір қолымен қызды ұстап, жағаға жүзе бастады. Адам өмірін құтқара алдық. Қыз үнемі жылаумен болды, ол осындай қатал әрекеттінің себебі туралы бізге ештеңе айта алмады»,- деп атап өтті Қапшағай полиция бөлімінің ювеналды полиция инспекторлары полиция капитаны Асхат Дабылдаев пен полиция лейтенанты Айбек Нұрмекенов. Сонымен қатар, полицейлер медицина қызметкерлерін күтпей, қызды алғашқы медициналық көмек көрсету үшін ауруханаға өз беттерінше жеткізген. "Бұл ерлік емес. Өз-өзіне қол жұмсау әрекетінің куәгері болған өзге де полиция қызметкерлері дәл осылай әрекет ететініне сенімдімін»-, дейді Асхат Дабылдаев.

Алматы облысында 78 адамнан коронавирус анықталды

Өткен тәулікте Алматы облысында 78 адамнан коронавирус анықталды. Оның 56-сы симптомсыз жағдай, деп хабарлайды Tinfo.kz.  Осылайша өңірде коронавируспен ауырғандар саны 3880-ге жетті. Жазылғандар саны – 2881. Қазақстан бойынша: өткен тәулікте 1687 адам коронавирус індетімен ауырғаны белгілі болды. Оның ішінде 776 адам клиникалық белгілері жоқ тасымалдаушы тіркелді. Аймақтар бойынша (жалпы/симптомсыз): Нұр-Сұлтан қаласы - 175 / 98 Алматы қаласы - 247 / 113 Шымкент қаласы - 22 / 6 Ақмола облысы - 49 / 23 Ақтөбе облысы - 32 / 11 Алматы облысы - 78 / 56 Атырау облысы - 180 / 119 Шығыс Қазақстан облысы - 216 / 88 Жамбыл облысы - 75 / 53 Батыс Қазақстан облысы - 89 / 47 Қарағанды облысы - 140 / 56 Қостанай облысы - 54 / 20 Қызылорда облысы - 85 / 26 Маңғыстау облысы - 75 / 36 Павлодар облысы - 61 / 11 Солтүстік Қазақстан облысы - 89 / 6 Түркістан облысы - 20 / 7 Жалпы ел бойынша ауырғандар саны 78486.

Алматы облысында 69 адам коронавирус жұқтырды

Өткен тәулікте Алматы облысында 69 адамнан коронавирус инфекциясы табылды, деп хабарлайды Tinfo.kz. Оның 32-сі симптомсыз жағдай. Жалпы өңір бойынша 3802 адам коронавирус жұқтырған. Жазылғандар саны 2808. Қазақстан бойынша: өткен тәулікте 1646 адам коронавирус індетімен ауырғаны белгілі болды. Оның ішінде 778 адам клиникалық белгілері жоқ тасымалдаушы тіркелді. Аймақтар бойынша (жалпы/симптомсыз): Нұр-Сұлтан қаласы - 236 / 166 Алматы қаласы - 216 / 103 Шымкент қаласы - 36 / 20 Ақмола облысы - 53 / 29 Ақтөбе облысы - 39 / 17 Алматы облысы - 69 / 32 Атырау облысы - 138 / 97 Шығыс Қазақстан облысы - 210 / 91 Жамбыл облысы - 48 / 23 Батыс Қазақстан облысы - 99 / 55 Қарағанды   облысы - 140 / 53 Қостанай облысы - 52 / 25 Қызылорда облысы - 77 / 12 Маңғыстау облысы - 47 / 15 Павлодар облысы - 68 / 18 Солтүстік Қазақстан облысы - 99 / 7 Түркістан облысы - 19 / 15 Жалпы ел бойынша ауырғандар саны 76799.

Алматы облысында 54 азамат коронавируспен ауырды

Өткен тәулікте Алматы облысында 54 адамнан коронавирус инфекциясы табылды, деп хабарлайды Tinfo.kz. Оның 27-сі  симптомсыз жағдай. Облыста барлығы 3733 адам коронавирус індетімен ауырған. Жазылғандар саны – 2733. Қазақстан бойынша: өткен тәулікте 1685 адам коронавирус індетімен ауырғаны белгілі болды. Оның ішінде 743 адам клиникалық белгілері жоқ тасымалдаушы тіркелді. Аймақтар бойынша (жалпы/симптомсыз): Нұр-Сұлтан қаласы - 213 / 103 Алматы қаласы - 241 / 134 Шымкент қаласы - 38 / 10 Ақмола облысы - 54 / 28 Ақтөбе облысы - 50 / 30 Алматы облысы - 54 / 27 Атырау облысы - 109 / 65 Шығыс Қазақстан облысы - 238 / 115 Жамбыл облысы - 42 / 23 Батыс Қазақстан облысы - 87 / 44 Қарағанды   облысы - 175 / 79 Қостанай облысы - 54 / 17 Қызылорда облысы - 115 / 34 Маңғыстау облысы - 49 / 18 Павлодар облысы - 68 / 6 Солтүстік Қазақстан облысы - 82 / 4 Түркістан облысы - 16 / 6 Жалпы ел бойынша ауырғандар саны 75 153.

Жерлеуге арналған бір реттік төлемге өтінішті қалай береді

«Жерлеуге арналған бір реттік төлемдерді тағайындау» қызметін онлайн қалай рәсімдеуге болады? Ол үшін: kz порталына кіріңіз «Жерлеуге арналған бір реттік төлемдерді тағайындау» қызметін табыңыз Қызметті онлайн сұратыңыз Қайтыс болған кісінің ЖСН енгізіңіз Ақпаратты тексеру қажет Сұранымды жіберіңіз Екінші қадамда ЭЦҚ арқылы сұранымға қол қою қажет Аталмыш қызметке өтінімді ХҚО-дан да беруге болады. Ол үшін келесі құжаттар қажет: Жерлеуді жүзеге асыратын адамның жеке басын куәландыратын құжат Заңды тұлға үшін мемлекеттік тіркеу туралы анықтама немесе кәсіпкердің патенті Қайтыс болу фактісін растайтын құжат Құжат туралы ақпаратты жеке кабинетіңіздегі қызметтерді алу тарихынан көре аласыз. Қызмет үш жұмыс күні ішінде дайын болады.

Әл-Фараби ізімен: «Адалдық сағаты» жалпыреспубликалық акциясы өтуде

Қазақстан Республикасы Сыбайлас жемқорлыққа қарсы іс-қимыл агенттігінің бастамасымен еліміздің барлық аумағында "Адалдық сағаты" жалпы республикалық бірыңғай акциясы өткізіледі, деп хабарлайды Tinfo.kz. Бұл жолы дәстүрлі тоқсан сайын өткізілетін "Адалдық сағаты" акциясы өз ерекшелігі бар. «Біріншіден, биыл біздің елімізде бүкіл әлемде мойындалған ұлы ойшыл Әл-Фарабидің 1150 жылдық мерейтойы атап өтіледі. Ол өз шығармаларында, соның ішінде "Ізгі қала тұрғындарының көзқарасы туралы Трактат" еңбектерінде тәрбие, мейірімділік, парасаттылық және әділдік туралы ойды қозғады. Екіншіден, карантин жағдайында бұл акция онлайн форматта өтеді», - деп атап өтті ұйымдастырушылар. Білім және ғылым, Ақпарат және қоғамдық даму министрліктерімен алдын ала келісілген "Адалдық сағаты" бейне-сабағы республикалық телеарналардың эфирінен көрсетіледі. Сонымен қатар, бейне-дәрістер Агенттіктің Youtube арнасында, аумақтық департаменттің және "JETISY - ADALDYQ ALANY" жобалық кеңсесінің әлеуметтік желілерінде орналастырылған. Онлайн форматта өткізілген іс-шара қоғамның кең қолдауына ие болды. Бейне-дәрістің Онлайн-трансляциясы өскелең ұрпақ арасында парасаттылық жүйесін қалыптастырудың жаңа тетігі болды. Сондай-ақ, қоғам мен жастарға тек терең білімнің ғана емес, сонымен қатар адам құндылықтарының ұлы тұлғалардың еңбектерінің призмасы арқылы адалдық пен парасаттылық ретінде маңыздылығын сіңіру бойынша қолдау көрсетілді. Ұлы ойшылдардың еңбектерін кеңінен насихаттау – саналы ұрпақты тәрбиелеудің жарқын үлгісі. https://www.youtube.com/watch?v=yS8p6EH5tfg&list=PLvN9UMfEpeunSj5iXGTaI9CFjkGNXE2UN&index=2

Алматы облысы: 54 адамнан коронавирус табылды

Өткен тәулікте Алматы облысында коронавирус инфекциясын жұқтырған 54 жағдай тіркелді. Оның 41-і  клиникалық белгілері жоқ жағдай, деп хабарлайды Tinfo.kz. Жалпы өңірде ауырғандар саны 3679 жетті. Жазылғандар саны – 2733. Ал Қазақстан бойынша өткен тәулікте 1630 адам коронавирус індетімен ауырғаны белгілі болды. Оның ішінде 745 адам клиникалық белгілері жоқ тасымалдаушы тіркелді. Аймақтар бойынша (жалпы/симптомсыз): Нұр-Сұлтан қаласы - 248 / 134 Алматы қаласы - 251 / 113 Шымкент қаласы - 27 / 17 Ақмола облысы - 53 / 27 Ақтөбе облысы - 17 / 10 Алматы облысы - 54 / 41 Атырау облысы - 96 / 53 Шығыс Қазақстан облысы - 163 / 92 Жамбыл облысы - 61 / 37 Батыс Қазақстан облысы - 103 / 47 Қарағанды облысы - 168 / 77 Қостанай облысы - 57 / 26 Қызылорда облысы - 119 / 32 Маңғыстау облысы - 54 / 14 Павлодар облысы - 67 / 12 Солтүстік Қазақстан облысы - 72 / 2 Түркістан облысы - 20 / 11 Жалпы ел бойынша ауырғандар саны 73468.

Алматы-Өскемен автожолында газ тасымалдайтын көлік жарылды

Алматы-Өскемен автожолында газ тасымалдайтын көліктің қатысуымен болған оқиғадан үш адам аман қалып, бір адам қаза тапты, деп хабарлайды Tinfo.kz. Қайғылы оқиға 18 шілдеде сағат 20.05 шамасында Алматы-Өскемен автожолының 548 шақырымында "ЗИЛ-130" маркалы автокөліктің қатысуымен орын алды. ЖКО салдарынан бірнеше адам зардап шегіп, бір адам қайтыс болды. «Солтүстік бағытта қозғалып келе жатқан "ЗИЛ" маркалы автокөлігін басқарған 1982 жылғы азамат рульді басқара алмай жолай келе жатқан "Пежо-307" маркалы автокөлігімен соқтығысқаны анықталды. Патрульдік экипажда екі полиция қызметкері – полиция аға лейтенанты Максим Шевченко мен полиция лейтенанты Руслан Меделханов болған. Инерция салдарынан газ тасымалдайтын көлік тағы екі көлікпен соқтығысқан. Алдымен қарсы бағытта келе жатқан "Мазда-626" маркалы автокөлігімен, ал кейін "Рено" маркалы фурасымен. Осыдан кейін " ЗИЛ" жол жиегіне шығып, аударылып кеткен. Бірнеше минуттан кейін газовоз жарылып, толықтай жанған», - деп атап өтті ПД баспасөз қызметінде. Аталған жол-көлік оқиғасында 1972 жылғы Ж. есімді "Мазда - 626" жүргізушісі ауыр дене жарақаты салдарынан оқиға орнында қаза тапты. Жарылысқа бірнеше секунд қалғанда полиция қызметкерлері жарылыс пен оның зардаптарын алдын ала болжап, газ тасымалдайтын көлік жүргізушісін құтқаруға ұмтылған: олар санаулы секунд ішінде жүргізушіні қауіпті аймақтан сүйреп шығарып алған. Сонымен қатар, полицейлер жол-көлік оқиғасының қалған қатысушыларын құтқарып, оларға алғашқы медициналық көмек көрсеткен. "Зил" автокөлігінің жүргізушісі Үшарал қаласының ауруханасына жеткізілді. Сондай-ақ, осы ЖКО салдарынан патрульдер де зардап шеккен, олар көптеген кесілген дене жарақаттарын алған. Бірақ, тәртіп сақшылары бұған қарамастан, өз қызметтік міндеттерін атқаруды жалғастырған. Жедел жәрдем келгенге дейін зардап шеккендерге алғашқы медициналық көмек көрсетіп, жол-көлік оқиғасы болған жерді қоршап, басқа көліктердің өтуін қамтамасыз еткен. Қазіргі уақытта ҚР ҚК 345-бабы 3-бөлімі "Абайсызда адам өліміне әкеп соққан жол қозғалысы ережелерін бұзу" бойынша сотқа дейінгі тергеу амалдары жүргізілуде.

Алматы облысында 43 адам коронавирус жұқтырды

Өткен тәулікте Алматы облысында 43 адам коронавирус жұқтырды, деп хабарлайды  Tinfo.kz. Оның ішінде 33-і – симптомсыз жағдай. Жалпы облыста ауырғандар саны – 3625, жазылғандар саны – 2429. Ал Қазақстан бойынша  өткен тәулікте 1499 адам коронавирус індетімен ауырғаны белгілі болды. Оның ішінде 706 адам клиникалық белгілері жоқ тасымалдаушы тіркелді. Аймақтар бойынша (жалпы/симптомсыз): Нұр-Сұлтан қаласы - 226 / 100 Алматы қаласы - 221 / 105 Шымкент қаласы - 43 / 22 Ақмола облысы - 52 / 29 Ақтөбе облысы - 13 / 2 Алматы облысы - 43 / 33 Атырау облысы - 130 / 94 Шығыс Қазақстан облысы - 112 / 36 Жамбыл облысы - 104 / 58 Батыс Қазақстан облысы - 95 / 43 Қарағанды облысы - 148 / 62 Қостанай облысы - 56 / 40 Қызылорда облысы - 19 / 9 Маңғыстау облысы - 42 / 36 Павлодар облысы - 106 / 12 Солтүстік Қазақстан облысы - 69 / 19 Түркістан облысы - 20 / 6 Жалпы ел бойынша ауырғандар саны 71838.

Амандық Баталов облыс тұрғындарына үндеу жариялады

Алматы облысының әкімі Амандық Баталов өңір тұрғындарына үндеу жариялады, деп хабарлайды Tinfo.kz. Облыс басшысының пікірінше, кейбір аудан мен қала әкімдерінің әрекетінен, сондай-ақ облыстық бақылаушы құрылымдар басшыларының сырқаттануына байланысты өңірде коронавирус инфекциясын жұқтырғандар саны артқан. «Сонымен қатар белгісіз себептермен оперативті штабтың жұмысы тоқтап қалған, бірақ ең бастысы - инфекциялық және провизорлық бөлімдердің жұмыс алгоритмі бұзылған. Жекелеген жағдайларда коронавируспен ауырған азаматтармен байланыста болған, "қызыл аймақта" саналатын медицина мамандары қоғамдық көлікпен қатынап, отбасы ортасына оралып жүрген. Мұндай жағдайлардың мен аудан, қала әкімдерімен өткізген селектор жиыны барысында Талдықорған, Текелі қалалары мен кейбір аудандарда орын алғанын анықтадым. Бұл ең алдымен жергілікті жерлердегі әкімдердің, денсаулық сақтау басқармасы басшылығының олқылығы, медицина мекемелері бас дәрігерлерінің санитарлық нормаларды өрескел бұзуға жол бергенінің салдары. Осының барлығы және басқа да факторлар, әсіресе, Талдықорған мен Текелі қалаларында індеттің жылдам артуына себеп болды, бұл қалаларда коронавирустың өсімі сəйкесінше 11-12% құрап отыр», - деді Амандық Баталов. Осыған байланысты өңір әкімі барлық аудан, қала әкімдеріне тиісті шараларды қабылдауды тапсырды. «Қысқа мерзім ішінде халық үшін ПЦР талдау жасайтын тағы бірнеше қосымша зертханалар ашу жүктелді. Осы жұмыстардың барлығын тез арада бастауды, оның нәтижелері туралы жедел штабты күнделікті хабардар етіп отыруды тапсырдым. Мұндай шараларды қабылдауға қажетті барлық мәселелер шешілген, облыстық бюджет қайта қаралып, барлық қажетсіз бағдарламалар қысқартылып, мұқтаж адамдарға медициналық көмек көрсетуге және медицина мамандарын қолдауға қажетті көлемде қаржы бөлінді. Жалпы коронавируспен күрес шараларының өзіне ғана жергілікті бюджеттен 5 млрд. теңгеге жуық қаржы бөлінді», - деп жазды Амандық Баталов жеке парақшасында. Сонымен бірге, облыс бойынша қайырымдылық шараларына бастамашы болып жүрген азаматтарға алғысын білдірді. «Осы ретте қазіргі ауыр кезеңде сырқаттарға, медицина мамандарына қайтарымсыз, шын пейілмен азық-түлік, дəрі-дəрмек, құрал-жабдық жəне басқа да қажеттіліктер əкеліп беріп, қолдау көрсеткен барша жандарға шын жүректен алғысымды айтамын. Рахмет сіздерге! Құрметті жерлестер, карантин талаптарын қатаң сақтап, өз денсаулықтарыңыз бен жақындарыңыздың денсаулығына жауапты қараңыздар. Қазіргі кезде көп нәрсе өзіміздің саналы əрекетімізге байланысты. Өздеріңізге, жақындарыңызға жанашыр болыңыздар!», - деді облыс басшысы.

Талдықорған қалалық сотының барлық қызметкері карантинге жіберілді

Талдықорған қалалық сотының ғимаратында шілде айының 17-і мен 31-і аралығында карантиндік шаралар енгізілді, деп хабарлайды Tinfo.kz. Осыған байланысты Талдықорған қалалық сотының барлық қызметкерлері он бес күндік үй карантиніне оқшауланады. «Бұл ретте сот жұмысының қызметі дәл осындай уақыт кезеңіне уақытша тоқтатылады. Істерді қарау неғұрлым кейінгі уақытқа қалдырылды, тараптарға сот жұмысының басталғаны және істерді қарауды қайта бастау туралы қосымша хабарланады. Шектеу іс-шараларының режимі мен мерзімдері COVID-19 короновирусты инфекцияның таралуы жөніндегі жағдайдың өзгеруіне сәйкес өзгертілуі мүмкін», -делінген Алматы облыстық сотының баспасөз қызметінің хабарламасында.

Алматы облысында зейнеткер әже ауруханаға тегін саумал жеткізеді

Панфилов ауданы Шолақай ауылының тұрғыны  Мейрамгүл Мұқаева аудандық аурухананың провизорлық бөлімде ауырып жатқан науқастарға тегін саумал әкелуде, деп хабарлайды Tinfo.kz. Көпбалалы ана күнде таңертең ауруханаға 10-15 литр саумал жеткізеді. Бұдан бөлек сауыншы апаның үйінен саумал ішетіндердің де қарасы көп. «Қазір еліміз қиын кезді бастан өткізіп жатыр. Жерлестерім, жақындарым аурып жатқанда менің қолымнан келетін көмегім осы. Саумал барлық ауруға шипа. Сондықтан ауруханаға көмек етейін деп шештім», - дейді көп балалы ана. Аудандық бас дәрігер Төлеу Сарпеков саумалдың науқастарға пайдасы бар екенін айтады. «Қазір саумал келген бойда емделушілерге нормамен беріп жатырмыз. Осы орайда Мейрамгүл апамызға аурухана ұжымы атынан алғыс білдіремін»,- деді ол. 1964 жылдан бері бие байлап, саумалың емдік қасиетін пайдаланып келе жатқан сауыншы бес бала тәрбиелеп, немерелеріне жылқы малының пайдасын үйретумен келеді.

Талдықорғанда елді алдап, ақшаны казиноға жұмсаған алаяқ сотталды

Алматы облысында 62 жастағы азамат алаяқтық әрекеті үшін үш жылға сотталды. Ол өзін жылу желілерін орнату шебері ретінде таныстырып, оған жүгінген азаматтардың ақшасын иемденіп келген, деп хабарлайды Tinfo.kz. Сот процесі барысында ол өзінің кінәсін толығымен мойындап, шын мәнінде алаяқтық жасағанын жеткізді. Сот тергеуінде алаяқтың ұрланған ақшаны өз қажеттіліктеріне, атап айтқанда казинода ойын ойнауға жұмсағандығы белгілі болды. «Оның құқыққа қайшы іс-әрекеттерінен ондаған азамат зардап шеккен. Күдікті өзін полиция іздеп жүргенін білгеннен кейін қашуға тырысқан. Алайда, криминалдық полиция қызметкерлерінің қажырлы еңбегінің нәтижесінде, ол 2020 жылдың 6 ақпанында Алматы қаласында ұсталып, бірден қамауға алынды. Жуырда Талдықорған қалалық соты ҚР ҚК-нің 190-бабының 3-бөлігі 1-тармағында көзделген қылмыстық әс-ірекеттерді жасағаны үшін кінәлі деп танылған күдікті азаматқа қатысты үкім шығарды. Сот оған қылмыстық-атқару жүйесінің орташа қауіпсіз мекемесінде жазасын өтей отырып, 3 жыл мерзімге бас бостандығынан айыру жазасын тағайындады», - делінген Алматы облысы ПД баспасөз қызметінің хабарламасында.

42 500: кімге төленеді және өтінішті қалай береді

42 500 теңге мөлшерінде біржолғы төлем тағайындау ережесі қабылданды. Бұл туралы ҚР Еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды Tinfo.kz. Жалпы негізгі қағидат, бұл төлем жұмыс жасап, жұмыс істеп жүргене қатысты өзінің табысынан айырылған азаматтарға төленеді. Кімге төленеді? Жалдамалы жұмыскерлер (ақысыз демалысқа жіберілген болса). Өтінішті жұмыс беруші береді. Жұмыстан шығып кеткен болсаңыз, жұмыспен қамту орталығына хабарласқан жөн. Ол электронды түрде жасалынады. Жеке кәсіпкерлер (жеке практикамен айналысатын азаматтар). Тапсырысты өздері береді. Бұл жолы біз оларға зейнетақы жарналарын немесе әлеуметтік жарналардың төленуі/төленбеуі туралы талапты қоймаймыз. Бұл жерде жалғыз шарт - олардың жұмыстарының карантинге байланысты тоқтап қалуы/қалмау туралы аудандағы штаб, салық комитетінің өкілдері белгілейтін болады. Азаматтық-құқықтық сипаттағы келісімдер бойынша жұмыс істеп жүрген азаматтар (фрилансерлер). Өтінішті тікелей өздері береді. Бір шарт - осы 2020 жылда 6 айдың ішінде бір рет болса да зейнетақылық жарналарын аудару туралы талап. Өз бетінше жұмыс істеп жүрген азаматтар. Жұмыстары тоқтап калса, төлем ала алады. ЕСП төлеудің қажеті жоқ, Бейресми жұмыс істеп жүрген азаматтар ТЖ кезінде бір рет ғана ЕСП төлегендерден кім ала алмайды? Мемлекеттік бюджеттің есебінен зейнетақы, мемлекеттік жәрдемақылар, атаулы әлеуметтік көмек немесе сақтандыру қорынан тиісті көлемде көмек алып жүрген азаматтар ала алмайды.