Жаңалықтар

Войти через

  • 02:54:28
  • 13°C

Вторник, 15 июня

 

Жаңалықтар

Алматы облысының прокуроры үндеу жасады

Алматы облысының прокуроры Азамат Жылқыбаев өңір тұрғындарына үндеу жасады, деп хабарлайды Tinfo.kz. Мәтін облыстық прокуратура сайтында жарияланған. (adsbygoogle = window.adsbygoogle || []).push({}); «Прокуратура туралы» Заңның 31-бабының тәртібіндегі Алматы облысының прокуроры А.С. Жылқыбаевтың үндеуі ҚҰРМЕТТІ АЗАМАТТАР! Әлеуметтік желілерде экстремистік ұйымның идеяларын қолдайтын жеке тұлғалар Талдықорған қаласында заңсыз митинг пен шеруге қатысуға шақырулар таратуда. Осыған байланысты, Алматы облысының прокуратурасы митингілерді ұйымдастыру және өткізу тәртібі 2020 жылғы 25 мамырда қабылданған «Қазақстан Республикасында бейбіт жиналыстарды ұйымдастыру және өткізу тәртібі туралы» Заңмен (бұдан әрі - Заң) реттелетінін ескертеді. Нақты айтқанда, жиналыстар, митингілер мен пикеттерді ұйымдастыру және өткізу үшін хабарлама жасау тәртібі қарастырылған. Оларды өткізу туралы хабарлама белгіленген күнге дейін 5 жұмыс күнінен кешіктірілмей жергілікті атқарушы органға жазбаша нысанда беріледі. Онда бейбіт жиналыстың мақсаты мен нысаны, ұйымдастырушылар мен қоғамдық тәртіпті сақтауға жауапты адамдардың деректері көрсетіледі (Заңның 10-бабы). Аталған хабарламаны жергілікті атқарушы орган оны тіркеген күннен бастап 3 жұмыс күні ішінде қарауға тиіс (Заңның 11-бабы). Осы 3 күн өткеннен кейін жауап болмаған жағдайда, ұйымдастырушы берілген хабарламаға сәйкес бейбіт жиналыс өткізуге құқылы. Демонстрациялар мен шерулер келісу тәртібімен өткізіледі. Ол үшін ұйымдастырушы оның өткізілетін күніне дейін 10 жұмыс күн бұрын өтініш беруге, ал жергілікті атқарушы орган ол бойынша 7 жұмыс күні ішінде жауап беруге міндетті (Заңның 12, 13-баптары). Ұйымдастырушы өтініште қатысушылардың жүру бағытын, сондай-ақ қоғамдық тәртіпті сақтауды, медициналық көмекті ұйымдастыруды, өрт қауіпсіздігін қамтамасыз етуге жәрдемдесу шараларын көрсетеді (Заңның 12-бабы). Өтінішті қарау қорытындылары бойынша жергілікті атқарушы орган ұйымдастырушыға демонстрация немесе шеру өткізу келісілгені не оны өткізуден бас тартқаны туралы хабарлайды (Заңның 13-бабы). Заң бойынша бейбіт жиналыстар қатаң түрде арнайы жерлерде және қалалық, аудандық мәслихаттармен белгілеген маршрут бойынша ұйымдастырылуы және өткізілуі тиіс. Алайда ұйымдастырушылар бейбіт жиналыстарды ұйымдастыру және өткізу туралы жергілікті атқарушы органдарға тиісті хабарламалар мен өтініштер бермеген немесе олар бойынша келісуден бас тартылды. Сонымен қатар, қызметі Қазақстан Республикасының заңдарында белгіленген тәртіппен тоқтатыла тұрған немесе тыйым салынған ұйым бейбіт жиналыстарды ұйымдастырушы бола алмайды (Заңның 5-баптың 6-тармағы). Тиісінше, Заңды (3-баптың 3-тармағын) бұза отырып жүргізілетін бейбіт жиналыстарды ұйымдастыру және оған қатысу құқыққа қайшы болып табылады және Әкімшілік құқық бұзушылық туралы кодекстің 488-бабы бойынша әкімшілік жауаптылыққа әкеп соғады (25 тәулікке дейін қамауға алу). Егер бұл әрекеттер азаматтардың, ұйымдардың, қоғамның немесе мемлекеттің құқықтары мен заңды мүдделеріне елеулі зиян келтірумен қатар жүретін болса, Қылмыстық кодекстің 400-бабы бойынша қылмыстық жауаптылық туындайды, ол 200 АЕК-ке дейінгі мөлшерде айыппұл не түзеу жұмыстары немесе 200 сағатқа дейінгі мерзімге қоғамдық жұмыстарға тарту не 50 тәулікке дейінгі мерзімге қамау түріндегі жазаны көздейді. Бұдан басқа, «Сovid-19» коронавирустық инфекциясының пандемиясына байланысты Алматы облысының Бас мемлекеттік санитариялық дәрігерінің 2021 жылғы 24 сәуіріндегі «Шектеу және карантин іс - шараларын қатаңдату шаралары туралы» қаулысымен белгіленген адамдар көп жиналатын іс-шараларды өткізуге салынған тыйым әлі де қолданыста екендігін еске саламыз. Оны сақтамағаны үшін әкімшілік (ӘҚБтК-нің 425-бабы – Халықтың санитариялық-эпидемиологиялық саламаттылығы саласындағы заңнама талаптарын бұзу – 30-дан 200 АЕК-ке дейін айыппұл) және қылмыстық (ҚК-нің 304-бабы – санитариялық қағидаларды немесе гигиеналық нормативтерді абайсызда адамдардың жаппай сырқаттануына, ауру жұқтыруына әкеп соққан бұзу – 2 мың АЕК мөлшеріндегі айыппұлдан бастап 5 жылға дейінгі мерзімге бас бостандығынан айыруға дейін) жауаптылық көзделген. Алматы облысының прокуратурасы азаматтарды қолданыстағы заңнама нормаларын мүлтіксіз сақтауға, арандатушылыққа бой алдырмауға және заңсыз акцияларға қатысудан бас тартуға шақырады. Құқық қорғау органдары белгіленген тәртіпке, қоғамдық қауіпсіздікке қол сұғатын кез келген құқық бұзушылықтың жолын кеседі, сондай-ақ оларға жол бермеу жөнінде заңда көзделген шараларды қолданады.  Облыc прокуроры                                                                        А. Жылқыбаев

Екі оғыздан – Шеңгелдіге дейін!

Ұлы Жібек жолы – Батыс пен Шығысты байланыстырған үлкен керуен. Бұл арқылы әлем елдері бір-бірімен сауда-саттық, мәдени - әдеби байланыс жасап, тығыз қарым-қатынас орнатқаны анық. Ресми деректерге сүйенсек, сонау Римге дейін барғаны айтылады. Осы көштің арқасында біздің эрамызға дейінгі мыңжылдықтарда өмір сүрген тайпалардың барын тарихи жазбалардан білеміз. Яғни, сол кезеңдерде қала болып, ондағы озық өркениеттің үлгілерін әспетеген жазбаларды кездестіресің. Тіпті бұл қалашықтарда құбырлар тартылып орталықтандырылған жүйенің сол кезде-ақ пайдаланғаны деректерде жазылып келеді. Осындай тарихи сырға толы орынның бірі – Қапшағай өңіріне қарасты, Шеңгелді аумағындағы «Екі оғыз қаласы» болмаса «Ілебалық қаласы» депте аталып жүр. Қазіргі Іле өзенінің бойында орын тепкен қалашықты басып өтіп, сол керуен ары қарай Қытайға жол тартқан. Яғни, мұндай сауда жолының пайдасы да сол бойлай жатқан халықтың тұрмыс-тіршілігінің жақсарып, оңтайлы өмір кешуіне септігі де мол болған. Ондағы мәдениет пен діндер, сан тілдердің аралас-құраласуына ықпал еткен. Сол арқылы халықтар арасында байланыс түзілген. Бүгінде аталмыш тарихи жерге байланысты дереккөздер жоқтың қасы деуге болады. Десекте, тамтұмдалған интернет желісіндегі жазбаларда көрсетілгендей, Ұлы Жібек жолы Тәлхизден басталатын теріскей жолы Талғар өзенін қуалай жүріп, Іленің Қапшағай шатқалы маңындағы өткеліне дейін келіп, одан Шеңгелді үстімен Алтын Емелді, Көксу алқабына түсіп, Екіоғыз қаласына жетеді делінген. Вильгельм Рубрук бұл қаланы Эквиус деп атаған екен. Іле алқабының ең үлкен қала жұртының бірі тап осы жерден табылған. Онда 1253 ж. болған В. Рубрук осынау қалада «сарациндер» (иран көпестері) тұрушы еді— деп жазған екен. Сол секілді «Қазыналы Қапшағай» туындысында, 1856 жылы қазақтың маңдайына біткен аяулы перзенті Шоқан Уәлиханов Қапшағай аймағынан өтіп, таңбалы таста бейнеленген суреттерді өзіне сызып, көшірмесін алғанын, ол ата-бабаларымыздың бағзы замандағы қолтаңбасының бейнесі деген. Шеңгелдіден өтіп, осы жерден ежелгі су айдау жүйесін көргенін, сол жерден құбыр тапқанын анық жазады. (adsbygoogle = window.adsbygoogle || []).push({}); Ал, белгілі тарихшы, Жазушылар Одағының мүшесі, өлкентанушы Жұмахан Қожамқұлов: «Тоғыз жолдың торабында орналасқан Шеңгелді ауылының тарихы, Ұлы дария Ілемен тығыз байланыстырады. Бұл аймақта кезінде 200-700 жылдарда үйсін, ғұн, қаңлылардың, қарлұқ қағандығының өмір сүргенін айтады. Ол кісі де Шоқан Уәлихановтың 5 томдық кітабында да белгілі этнограф, ғалым Екі оғыз қалашығының барын нақты жазады дейді. Ендігі бір деректер бойынша түрік ғалымы Нарынқолдағы Хан Тәңірі тауында тоқтап, Нұқ пайғамдар үш баласына 3 кеме жасатқан көрінеді. Соның 3-ші баласының кемесі осы шыңда қалып қойып, сол кемеден Жетісу өлкесіне түрік елі жайылады делінген. Демек, түрік мемлекетінің ордасы осы аумақ болған деседі. Одан басқа, Изучи тайпасы турасында да қызықты деректер бар. Бұл қытайша изучи, қазақша Ұлы жүз деген мағынаны берген. Негізінен изучилер тайпасы – жалайырлар болған екен. Яғни, кезінде көрші елдің территориясында хундармен шайқаста жеңіліс тапқан бұлар, жетісуға ауып, Іленің бойына тұрақтаған.  Бұлардың дәуірі өткенсін, оны үйсіндер басып, оларда осы төңірекке қоныстанып, астанасы Чигу қаласының болғанын  қытай саяхатшысы Джан Санда, тарихшы Иакинф Юэжчи өз жазбасында ситтаған. Бұл біздің бабаларымыздың аталған аймақта өмір кешкенін, жүріп өткен жолдарын байқатады. Жалпы, бертін 1965 жылы Шеңгелді балықшылары екі баланың мүрдесін тауып, онда асыл тостақтар, қымбаттық бұйымдардың бары анықталады. Бұндай жаңалықты естіген белгілі ғалым, академик Карл Байпақов өзінің жұмыс тобымен келіп археологиялық қазбалар жасап, қала орынын зерттейді. Олардың айтуынша, шаһарды 10-12 ғасырға жатқызады. Сондай-ақ, 1852-53 жылдары Ресей елінен арнайы экспедиция келіп Іленің бойынан сонау Құлжаға дейін зерттеу жүргізіп, жаңағы аумақтың тереңдігі, енді, ұзындығына дейін тексереді. Бұл топты генерал Гасфорд басқарып келіп, саралаудан кейін губернатор Горчуковқа хат жолдап, онда аталмыш орынның жүк тасымалдауға, яғни саудаға ең қолайлы екенін, Іленің бойымен, Балқашты басып өтіп Құлжаға дейінгі аралықты зерделеп шыққандарын жазады. Демек, ол Ұлы Жібек Жолы керуенінің жүріп өткен 5 жолың біреуі болғаны анық белгілі болады. Жоғары да атап өткендей Шоқан Уәлиханов Шеңгелді маңайына келгенде құбырлар тапқан. Ол құбырлар бір-біріне киілетіндігі, бұл қаланы жер асты сулармен тіршілік нәрімен қамтамасыз еткендігі тұжырымдалған. Ең қызығы осындай келтірілген деректерден сол заманда өркениеттің дамығанын озықтығын байқауға болады. Мұндағы таңбалы тас петроглифтерінде зерделеген ғалым, оның көшірмесін түсіріп алғандығын да жазған. Негізінен көптеген ғалымдар мен зерттеушілердің айтып, қағаз бетіне түсірген қолтаңбаларынан және қапшағайлық тарихшы Жұмахан Нұрлыбайұлының айтқан осы деректерінен бұрынырақта Шеңгелді ауылының орнында Екі оғыз қалашығының болғаны, толық болмаса да зерттеліп, осындай қортындыға келгендері айқын. Жалпы, Қапшағай өңірінің аумағын да тарихи жәдігерлерге де толы екенін аңғарамыз. Яки, Бесшатыр қорғаны, ел басқарған билеушілердің обаларының, ескерткіштердің, тіпті Жүз тоғайдың бары. Онда аң-құстың әр түрі, суында сан алуан балықтардың мекендегені де Шоқан еңбектерін де көрініс тапқан. Кейін келе Қапшағай ГЭС-ң салынуынан осы ғажайып тарихи дүниелер су түбіне келмеске кеткен деседі.

Алматы облысында «Nur Otan» партиясының есеп беру-сайлау конференциясы өтті

Бүгін Талдықорғанда облыстық партия филиалының XXVIII есеп беру-сайлау конференциясы өтіп, онлайн-офлайн форматындағы шарада Жетісу өңірінің барлық-аудан қалаларынан сайланған 268 делегаттар қатысты, деп хабарлайды Tinfo.kz. Жиын барысында облыс әкімі, облыстық партия филиалының төрағасы Амандық Баталов облыстық Саяси Кеңестің 2 жылда атқарған жұмыстары жайында есебін беріп, негізгі нәтижелермен алдағы міндеттер жайында тоқталып өтті. Атап айтсақ, өңір басшысы өз сөзінде «Қоғамдық қабылдаулар – ол халықпен кері байланыстың негізгі құралы. 2019-2020 жылдары партияның қоғамдық қабылдауларында 26 892 өтініш тіркеліп, 14 314 (53,2%) өтініш оң шешімін тапты», - деп атап өтті. (adsbygoogle = window.adsbygoogle || []).push({}); Сонымен қатар, Амандық Баталов нұротандықтарға алдағы мақсаттарды атап өтті. Олар, өңірдегі мемлекеттік орган басшылары-партия мүшелері Сайлауалды бағдарламаны іске асыру жөніндегі Жол картасында көзделген нысандардың уақытылы және сапалы орындауы, және а.ж. екінші жарты жылдығында ауылдық округ әкімдерінің сайлауын өткізу жоспарланғандықтан, партиядан кандидаттарды іріктеу және оларды ауыл әкімдерінің сайлауына ұсыну бойынша жұмыс жоспарларын әзірлеп, бекіту қажеттігін айтты. Жарыссөзге облыстық мәслихат депутаты Асқар Сүлейменов және облыстық партия филиалы жанындағы сыбайлас жемқорлыққа қарсы іс-қимыл қоғамдық кеңесінің төрайымы Римма Салықова, Президенттік шәкіртақы иегері, «Көшбасшы – 2020» жастар сыйлығының лауреаты Тұрдаш Мадина сөз алып, Саяси Кеңес жұмысына қанағаттанарлық деген бағасын берді. 2019-2020 жж аралығында облыстық партия филиалының бақылау-тексеру комиссиясының атқарған жұмысы жайлы аталған комиссия төрағасы Валерий Сапожников баяндап, тексеру жұмыстарының негізгі нәтижелерімен бөлісті. Конференция жұмысының тәртібіндегі үшінші мәселе - партия Жарғысының 8.4.2 тармағына сәйкес Саяси Кеңес мүшелерінің өкілеттілік мерзімі аяқталуына байланысты облыстық партия филиалы Саяси Кеңесінің мүшелерін сайлау бойынша облыстық партия филиалы төрағасының бірінші орынбасары Гүлнәр Тойлыбаева таныстырып, делегаттардың дауыс беруімен 37 партия мүшесі сайланды. Сонымен қатар, соңғы сұрақ облыстық бақылау-тексеру комиссиясы құрамы 7 адамнан сайлау туралы ұсыныс түсіп, комиссия құрамы бірауыздан сайланды. Шара соңы Алматы облыстық партия филиалы Саяси Кеңесінің бірінші ашық отырысмен жалғасып, күн тәртібінде ұйымдық мәселе қаралады. Атап айтсақ, «Nur Otan» партиясы Жарғысының  9.4.  тармағына сәйкес, Алматы облыстық филиалы Саяси кеңесі Бюросының жаңа құрамын облыстық «Jas Otan» жастар қанатының төрағасы Еркебұлан Ақболатовқа таныстырып өтіп, Саяси Кеңес мүшелерінің дауыс беруімен 13 адам Бюро құрамына сайланды. Конференция жұмысын қорытындылаған облыстық партия филиалының төрағасы Амандық Баталовқа партияның Сайлауалды бағдарламасы аясындағы Жол картасына ерекше мән беру қажеттігін атап өтіп, өңірдегі партиялық бақылау жұмысының рөлін күшейту жайында тапсырма беріп өтті. Конференция жұмысына қолдау білдірген облыстық ардагерлер кеңесінің төрағасы Ермек Келемсейт ел дамуы жолында партиялықтардың атқарған жұмысы ауқымды, нәтижесі көпке үлгі екендігін атады. Сонымен қатар Гүлнәр Тойлыбаева партия филиалы басшылығы тарапынан берілген тапсырмалар орындауда барынша күш жігерлерін салып,  алдағы 5 жылға жоспарланған партия Сайлауалды бағдарламасындағы міндеттер үнемі назарда екендігін жеткізді.

Алматы облысында "Ashyq" жобасының қатысушылар саны 300-ге жетті

Алматы облысында 300 кәсіпкерлік нысаны "Ashyq" жобасы бойынша жұмыс істеуге көшті. Бұл туралы Алматы облысы Кәсіпкерлер палатасының директоры Әсет Шаяхметов мәлімдеді.   (adsbygoogle = window.adsbygoogle || []).push({}); Оның айтуынша, "Ashyq" жобасы алдымен Талдықорғанда енгізіліп, кейін облыстың барлық аудандары мен қалаларында қолданысқа жалғасты. "Ashyq" бойынша жұмыс істейтін 300 нысаннын 207-і жоба қатысушылары болып табылады, 93–і сынақ режимде жұмыс істейді.   «Қазір "Ashyq" жобасы бойынша қоғамдық тамақтану нысандары ғана емес, сонымен қатар мәдениет, қонақ үй бизнесі, сауналар мен моншалар, фитнес-орталықтар, компьютерлік клубтар жұмыс істейді. Жобаға қатысушы нысандар демалыс күндері барлық санитарлық нормаларды сақтай отырып жұмыс істей алады. Оған қатысу ерікті түрде жүргізілетінін атап өту керек. Сұрақтар туындаған жағдайда біздің мамандар кеңес беріп, өтінім беруге көмектесуге дайын, сондай-ақ мессенджерлерде талқылау және техникалық сұрақтарды шешу үшін чаттар мен каналдар құрылған», - деді Алматы облысы Кәсіпкерлер палатасының директоры Әсет Шаяхметов.   Сонымен қатар, бүгінгі күні белгіленген санитарлық нормалардың бұзған бір кәсіпкерлік нысаны "Ashyq" жобасынан шеттетілуі мүмкін.   «Мониторинг жұмыстары барысында кәсіпкерлер арасында барлық талаптарды сақтамағандарда анықталды. "Apriori" мейрамхана кешенінде 15 адамға арналған ауызашар отбасылық іс-шарасын өткізу фактісі анықталды. Нысан "Ashyq "жобасының қатысушысы болып саналады және бүгінде мейрамхана кешенін жобадан 2 аптаға алып тастау туралы мәселе көтерілуде. Бұзушылық қайта анықталған жағдайда нысан 2 айға шеттетіледі», - деді Талдықорған қаласы бойынша санитарлық-эпидемиологиялық бақылау басқармасы басшысының орынбасары Сәкен Мелдебаев.   Алматы облысы бойынша «Ashyq» жобасына қатысушылардың тізімі өңірлік әкімдіктердің сайтында жарияланған.   Алматы облысының кәсіпкерлер палатасы бизнес-қауымдастықпен түсіндіру жұмыстарын жалғастыруда және жобаға қатысуға ниет білдірушілердің тізімін жасақтауда. "Ashyq" қосымшасына қатысты барлық сұрақтар бойынша "Атамекен" ӨКП-ға мына телефон арқылы хабарласуға болады: + 7 775 594 5977 (Жамбулатова Дана Дәулетқызы), +7 775 894 6061 (Дәулетбекова Ақерке Нұрдәулетқызы).

Мәжіліс депутаттары жұмыс сапарымен Алматы облысында болды

Мәжіліс депутаттары Әлия Әбсеметова, Мақпал Тәжмағамбетова жұмыс сапарымен Алматы облысында болды деп хабарлайды Tinfo.kz. Облыстық партия филиалы төрағасының бірінші орынбасары Гүлнәр Тойлыбаевамен бірге Іле  ауданының Өтеген  батыр ауылындағы саябақ пен орталық спорт алаңында болды. Спорт алаңында  жаттықтырушы мен және балалармен тілдесіп,  қазіргі уақытта  қандай өзекті мәселелер бар екендігін сұрап, балалардың жаттығуымен танысты. Ары қарай депутаттар «Қуат» балабақшасында болып, күрделі  жөндеуден кейінгі балабақшаның  жәй-күйімен танысып, балабақша   тәрбиешілерімен  тілдесті. Күрделі  жөндеуден кейінгі балабақшаның кем-кетіктерімен танысып, бөлінетін қаражатты тиімді  пайдалануды ұсынды. (adsbygoogle = window.adsbygoogle || []).push({}); Тілдесу барысында депутаттар балабақша басшылығына  балаларды кішкентай кезінен  патриоттық тәрбиеге баулуға, яғни домбыра, тоғызқұмалақ  т.б. ұлттық аспаптар менен  үйірмелер  ашуға ұсыныс айтты. Келесі кезекте Мәжіліс депутаттарымен партия басшылығы Қараой ауылындағы  партияның сайлауалды бағдарламасында жоспарланып салынып жатқан 900 орындық орта мектептің  құрылысы мен танысты.  Қазіргі таңда  құрылыс басында   жұмысшылар толығымен жұмыс жасап,  нысанның 80% астамын аяқтап  осы жылдың тамыз  айында  жоспарға сай бітіріп, тапсыратындықтарын айтты.

Алматы облысында жас кәсіпкер 5,5 мың басқа арналған құс фермасын салып жатыр

Алматы облысында ерекше қажеттіліктері бар кәсіпкер Айдар Маманов 5,5 мың басқа арналған құс фермасын ашуды жоспарлап отыр. Нысанның құрылысы ағымдағы жылы аяқталады, деп хабарлайды Tinfo.kz. Айдар Маманов 29 жаста. Алакөл ауданының Қызылқайың ауылында дүниеге келген. Жоғары оқу орнын бітіріп, Талдықорғанда әскери қызметте болды. 2016 жылы жазатайым оқиға болып, Айдар бел омыртқасының жарақат алды. Алайда ол ауыр сынаққа төтеп беріп, жігерліне түсті. Отбасылық кәсіпті жалғастырып, одан ары кеңейтуге шешім қабылдады. (adsbygoogle = window.adsbygoogle || []).push({}); «Жанұямыз бұрыннан құс шаруашылығымен айналысып келеді. Үй ауласында тауық, қаз және үйрек ұстап келгенбіз. Үйде бос отырмай, қолғабыс болып, отбасылық кәсіпті дөңгелетуді ойладым. Ата-анаммен ақылдастым. Шешімімді қолдады.  Осылайша «Атамекен» кәсіпкерлер палатасына жүгініп, кәсіпкерлікті қолдау шаралары туралы кеңес алдым. Істің қыр-сырын үйрену үшін «Бастау Бизнес» жобасына оқуға жазылдым», - деді ол. 2019 жылы Айдар Маманов Алакөл ауданында «Еңбек» мемлекеттік бағдарламасы аясындағы «Бастау Бизнес» кәсіпкерлік негіздеріне оқытудан өтті. Онда алғаш рет бизнес туралы білім алып, кәсіпті жүргізу мен дамытудың қыр-сырын үйренді. Қайсарлық пен еңбек өз жемісін берді. Айдардың бизнес-жобасы мемлекеттік бағдарламалар аясында қаржыландыруға қол жеткізді. «Бір жыл бұрын «Даму» қоры бойынша 1 миллион теңге көлеміндегі грантқ, кейін «Бизнестің жол картасы – 2025» бағдарламасы шеңберінде 2,5 млн теңге сомасында қайтарымсыз грантқа ие болдым. Бқл қаражатқа инкубатор, шағын трактор, ұсақтағыш және басқа да қажетті жабдықтар сатып алынды. Қазір шамамен ай сайын 200-400 бас құс сатамыз. Болашақта құстардың саны көп болады. Себебі, құс фермасын ашуды жоспарлап отырмыз», - деп атап өтті жас кәсіпкер. Айтуынша, құс фермасы жеке қаражат есебінен салынуда. Алакөл ауданы Қызылқайың ауылындағы нысанның жалпы аумағы 7 гектар. Ферма 5,5 мың басқа есептелген, оның ішінде 3 мың қаз, 2 мың тауық және 500 үйрек болады. Кәсіпорынның  табысты іске асырылуының нәтижесінде 15 жұмыс орны құрылатын болады.

Алматы облысында 3 мың адам кәсіпкерлік негіздеріне оқытылады

2021 жылы Алматы облысында «Бастау Бизнес» оқыту жобасы аясында кәсіпкерлік негіздері бойынша 3000 адамды оқыту жоспарлануда. Бірінші лекті оқыту 26 сәуірден басталады. Бұл туралы «JETISÝ MEDIA» ақпараттық алаңында өткен брифинг барысында Алматы облысы Кәсіпкерлер палатасының кәсіпкерлікті қаржылай емес қолдау көрсету бөлімінің басшысы Сәния Наурызбаева мәлімдеді, деп хабарлайды Tinfo.kz. Спикердің айтуынша, Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында жүзеге асырылып жатқан «Бастау Бизнес» жобасы азаматтарды кәсіпкерлік дағдыларға үйретуге бағытталған. Өткен жылы жоба бойынша өңірдің 3 022 жұмыссыз және ісін жаңа бастаған кәсіпкері бизнестің қыр-сырын үйреніп, 2039 адам  жалпы сомасы 1,8 млрд теңге қаржыландыруға қол жеткізді. (adsbygoogle = window.adsbygoogle || []).push({}); «Биыл «Бастау Бизнес» жобасы бойынша 3000 адамды оқыту жоспарланған. 19 сәуірден бастап ҰКП жүйесіндегі atameken.co сайтында қатысушыларды тіркеу басталды. 26 сәуірден бастап 1 лек бойынша оқыту басталады. Аудандар мен қалаларда осы жобаны сүйемелдейтін бизнес-жаттықтырушылар мен кеңесшілер анықталған. Оқыту 5 ағын бойынша ұйымдастырылып, ағымдағы жылдың қыркүйек айына дейін жалғасады. Карантиндік шараларға байланысты оқыту онлайн форматта жүргізіліп, 21 күн ішінде өткізіледі», - деді Алматы облысы Кәсіпкерлер палатасының кәсіпкерлікті қаржылай емес қолдау көрсету бөлімінің басшысы Сәния Наурызбаева. Жобаға Халықты жұмыспен қамту орталығында тіркелген жұмыссыздар, сондай-ақ ерекше қажеттіліктері бар адамдар, зейнеткерлікке жетпеген 50 жастан асқан адамдар, NEET санатындағы жастар, аз қамтылған немесе көп балалы отбасы мүшелері, ауыл шаруашылығы кооперативтерінің мүшелері, қоныс аударушылар мен қандастар қатыса алады. Жазылу үшін үміткерлер тұрғылықты жері бойынша Халықты жұмыспен қамту орталықтарына жүгіну керек. Кейін берілген жолдама бойынша «Атамекен» өңірлік палатасына немесе оның филиалына жүгінеді немесе atameken.co сайты арқылы тіркеледі. Ары қарай «Атамекен» қатысушыла арасында оқу жүргізіп, оның қорытындысы бойынша сертификат тапсырылады. Осы сертификатпен жоба түлегі 200 АЕК көлемінде қайтарымсыз грант немесе 6% жеңілдетілген несие алуға мүмкіндігі болады. Еске салсақ, 2017-2020 жылдары аралығында Алматы облысында «Бастау Бизнес» жобасы бойынша 13 505 адам кәсіпкерлік негіздеріне оқып шығып, оның ішінде 5 137 жоба 74,2 млрд теңге сомаға қаржыландырылды. Алматы облысының Жұмыспен қамтуды үйлестіру және әлеуметтік бағдарламалар басқармасының халықты жұмыспен қамту бөлімінің басшысы Әлия Есімжанованың айтуынша, ағымдағы жылы облыс бойынша 49 979 жұмыс орнын, оның ішінде 26 258 тұрақты жұмыс орнын құру жоспарланған. Бүгінде 14 мыңнан астам жұмыс орны ашылған, оның ішінде 11,6 жұмыс орны мемлекеттік бағдарламалар аясында құрылды. 2021 жылы «Еңбек» Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасын іске асыру үшін 17,8 млрд теңге бөлінді. Бұл қаражат кәсіптік оқытуға, шағын несиелендіруге, гранттарға, әлеуметтік жұмыс орындарын құруға бағытталатын болады.

Айтылды-жасалды: Алматы облысында көп балалы аналарға арналған тігін цехы ашылды

  Осы жылдың ақпан айында Алматы облысы әкімінің қабылдауында "Asyl Analar" қоғамдық қорының өкілдері тігін цехын іске қосу үшін жабдықтар сатып алуға көмек көрсетуді сұрады. Бұл бастаманы өңір басшысы Амандық Баталов қолдап, жақын арада көп балалы және аз қамтылған аналарды жұмысқа орналастыру үшін арнайы тігін цехы ашылатынына уәде берді. Уәде ұзаққа созылмады және бүгін оның салтанатты ашылуы болды. (adsbygoogle = window.adsbygoogle || []).push({}); "Жетісу" ӘКК "РИР" АҚ тапсырмасын орындау аясында тігін цехын орналастыру үшін қалада  үй-жай таңдалды. Демеушілік қаражат есебінен тігін кәсіпорнының толыққанды жұмыс істеуі үшін қажетті жабдықтарды толық жабдықтаумен жөндеу жұмыстары жүргізілді. ӘКК "Jack" әлемдік бренді өндірген заманауи өнеркәсіптік тігін жабдығының 12 бірлігін және басқа да қажетті жабдықты сатып алып, қаржылық лизингке берді. Цех "ателье" форматында жұмыс істеп, әйелдер мен ерлердің киімдерін тігумен, кез келген күрделі бұйымдарды қалпына келтірумен және жөндеумен айналысатын болады", - деді "Жетісу" ӘКК "РИР" АҚ ресми өкілі Диас Бейсенбек. Цехта 21 көп балалы ана мен әйелдер жұмыспен қамтылып, одан әрі 30-дан астам жұмыс орны ашылады. Кәсіпорын әлеуметтік осал отбасылардың өмір сүру сапасын арттыруға және олардың экономикалық дербестігін нығайтуға бағытталған. Белгілі болғандай, "Asyl Analar" қоғамдық қоры 2020 жылдың қараша айында көп балалы аналар мен аз қамтылған әйелдерге жұмысқа орналасуға жәрдемдесу мақсатында ашылды. "Бүгінгі таңда біз демеушілік көмектің арқасында мұқтаж отбасыларға көмір, отын, азық-түлік, киім-кешек жағынан көмек көрсетеміз. Біздің көп балалы аналар үшін мүмкін емес ештеңе жоқ, олардың барлығы өте дарынды. Сондықтан біз  қашанғы үнемі көмек сұрап, өмір сүреміз деп ойладық. Ақылдасып,  әр қайсының қолынан келетін іспен айланысайық деп шештік. Нәтижесінде біз тігін цехын аша аламыз деген қорытындыға келдік. Ең алдымен, Мемлекет Басшысы Қасым – Жомарт Тоқаевқа көп балалы отбасылар мен жалғыз басты аналарға қолдау көрсеткені үшін алғысымды білдіремін. Сондай-ақ Амандық Ғаббасұлы, соның арқасында 30 әйелдің жұмысы болады. Әрине, оныі ініде "Жетісу" ӘКК бар. Олар бізге осындай жарық, үлкен бөлмені ұсынды, жабдықтады. Сіздерге алғысымыз шексіз", - деді "Asyl Analar" қоғамдық қорының төрағасы Талшын Түктінова. Жас маман Айгерім Асанова да  өз әсерімен бөлісті: "Бірінші кезекте мен" Asyl Analar " қоғамдық қорын көпбалалы аналарға арналған осы тігін цехының ашылуымен құттықтаймын. Бұрын мен жұмыс істемедім, ұл тәрбиесімен айналыстым.Төрт ұлым бар.  Ең үлкені 12 жаста,ал ең кішісі 2 жаста. Мен жалғызбасты анамын және тұрақты табысым болуы аса маңызды.  Тігін тігуді мектеп бітіргеннен кейін үйрендім, енді өз шеберлігімді тәжірибеде шыңдайтын боламын", - дейді көп балалы жас ана. Айта кету керек, бүгінде жаңа цехтың тігіншілері "Талдықорған көркейту" ЖШС қызметкерлеріне қажетті медициналық маскалар мен формалар тігуге кірісті.

Қапшағайлық жас мемлекеттік бағдарламамен шаштараз ісін ашты

Жастар кәсіпкерлікті нәсіп етуде. Қазіргі кезде Қапшағай қаласының бизнес саласы ілгерілеп келеді. Оның дамуына серпін беріп отырған жастар жағы. Олардың қатары жыл өткен сайын артып келеді десек артық айтқандық емес. Мәселен, солардың қатарында – Санжар Бахытжанұлы. Бұл жолға келе қоймай, басқа мамандық иесі атануды ойлаған ол алдымен «Алматы облыстық білім басқармасы» ММ «Қапшағай Көпсалалық колледжі» мемлекеттік коммуналдық қазыналық кәсіпорнында «Электр және газ дәнекерлеуші» мамандығы бойынша білім алады. Аталмыш таңдалған бағыт ұнағанымен жанына жақын болмай шығады. Дегенімен діттеген мақсатқа жетуде талмай еңбек етіп келе жатқан болашақ бизнес өкілі  - «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасы аясында «Шаштараз» курсын жақсы бағаға тәмамдайды. (adsbygoogle = window.adsbygoogle || []).push({}); Осы саланы дамытуға бел буған Санжар  «Еңбек» мемлекеттік бағдарламасы жаңа бизнес-идеяларды іске асыруға арналған мемлекеттік гранттар беру жобасына қатысып,  «Шаштараз» бизнес жобасын қорғап бағын сынап көреді. Нәтижесінде комиссия мүшелерінің  шешімімен мемлекеттік грант ұтып алып, 200 айлық есептік көрсеткіш яғни 583 400 теңгеге ие болады. Грант иегері ойланбастан алдына қойған арманы саналған шаштараздыққа қажетті жабдықтың бәрін сатып алып, бүгінде өз кәсібін дөңгелетуге кіріскен. Сонымен қатар, әлі де болса шеберлігін шыңдауды жөн көрген ол қаладағы «Maira Aimanova Studioсында» тәжірибиесін жетілдіріп, соның арасында сала мамандарынан біліктілігін арттырып та келеді. Тағы бір қоса кетерлігі, жаңашылдықты жаны сүйетін,  үйренуден жалықпайтын Санжар Меирманов аталған  бағларламаның екінші бағыты шеңберінде «Атамекен» Қазақстан Республикасының Ұлттық кәсіпкерлер палатасының қаржылай емес қолдау операторы ретінде ұйымдастырған «Бастау Бизнес» кәсіпкерлік негіздерін оқыту жобасы бойынша да білім алған. Ендігі көзделген меже шаштараздықтың қыр-сырын меңгеруге ниет еткендер үшін есігінің ашық екенін айтады. Қазіргі таңда 80-ге жуық адам қайта даярлау курсынан өтуді жоспарлауда. Сол секілді жаңа идеясы бар азаматтарға 45 мемлекеттік грант қарастырылып, 25 адамға шағын несие беру көзделген.

Алаяқтар мемлекеттік бағдарламаның атын жамылып ақылы қызмет ұсынған

Алматы облысында алаяқтар «Бастау Бизнес» жобасының қатысушыларына қомақты сомаға сертификаттар ұсынуда, деп хабарлайды Tinfo.kz.Облыс тұрғындары емтихандарды тапсыруға, бизнес-жоспар құруға, сондай-ақ «Бастау Бизнес» бағдарламасы бойынша оқуды тәмамдағаны туралы сертификат алуға көмектесе алатын бір компаниядан месенджерлер арқылы жаппай хабарлама алуда.Хабарламада компанияның 3 жыл бойы осындай қызметтермен айналысатындығы жөнінде айтылған. Хабарлама мазмұны: «Сіздерді «Бастау Бизнес» бағдарламасы бойынша оқуға түсулеріңізбен құттықтаймыз! Егер сіз белгілі бір себептермен Атамекен, «Бастау Бизнес оқуын оқи алмайтын болсаңыз, біз көмектесеміз. Біз жеке компания қызметін ұсынамыз, үш жыл бойы «Бастау Бизнес» оқуын оқытып сертификаттарын алып беріп келеміз. Сіздің орныңызға сабақ оқып, экзамендер тапсырып, бизнес план жасаймыз. Курсты толық бітірген туралы сертификат алып береміз. Орындар шектеулі, тезірек тапсырыс беріңіз».Осыған байланысты, Алматы облысының Кәсіпкерлер палатасы «Еңбек» Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған мемлекеттік бағдарламасы шеңберіндегі «Бастау Бизнес» жобасы бойынша кәсіпкерлік негіздеріне оқытудың барлық қызметтері ӨТЕУСІЗ НЕГІЗДЕ жүзеге асырылатынын хабарлайды.Осындай алаяқтық сипаттағы хабарламаларды жаппай жібермеуді және бөгде адамдардың қызметтерін пайдаланбауды сұраймыз! Оқыту барысында жобаға қатысушыларды тек жоба кеңесшісі және әр топтың бизнес-тренері сүйемелдейтінін естеріңізге саламыз.

Алматы облысының депутаттары тұрғындардың 400-ге жуық мәселесін шешкен

2021 жылдың бірінші тоқсанында Алматы облысында 360 депутат қабылдау өткізіп, 693 адамды қабылдаған. Қабылдауда жолданған сұрақтардан 391 өтініш оң шешімін тауып, қалған 302 мәселе бойынша тиісті түсініктеме жсалады және  бақылауға алынды, деп хабарлайды Tinfo.kz. Бұл туралы «Jetisy Media» ақпарттық алаңында өткен баспасөз мәслихатында Алматы облыстық мәслихатының хатшысы Жанболат Жөргенбаев мәлімдеді. (adsbygoogle = window.adsbygoogle || []).push({}); «Мекеменің алдағы уақытта атқаратын жұмыс жоспары төңірегінде 8 бірдей сессия өткізу жоспарланып отыр. Аталмыш сессиялардың барлығы биылғы жылдың соңына дейін іске асырылмақ. Бүгінгі күнге дейін 3 кезекті, 1 кезектен тыс сессия ойдағыдай өтіп, маңызды деп саналатын 28 шешім шығарылды. Негізінен облыстық мәслихатта 6 тұрақты комиссия тұрғын-үй, ауыл шаруашылығы, жер қатынастары, ветеринария, экономика, индустриялық-инновациялық мәслелелермен, денсулық сақтау және дін істері бойынша қатынастарды ретке келтірумен айналысады»,- деді Алматы облыстық мәслихатының хатшысы Жанболат Жөргенбаев. Облыстық мәслихат депутаттары 44 депутаттық сауал жолдады. Қозғалған тақырыптар аясын шешу жолдарын қарастыру мақсатында қазіргі таңда жергілікті атқарушы органдар жұмылдырылды. Айта кетейік, тікелей байланыс орнату үшін қоғамдық қабылдау ұйымдастырылады. Қазіргі таңда депутаттардың қабылдаулары Алматы облысы бойынша 20 аудан-қалаларында және облыстық «Nur Otan», «Қазақстанның халық партиясы», «Ауыл», «Ақжол», «Адал» партияларымен бірге іске асырылуда.

Алматы облысында 100-ден астам бизнес нысаны «ASHYQ» жобасы бойынша жұмыс істейді

Алматы облысында «ASHYQ» жобасы іске қосылған сәттен бастап 101 бизнес нысаны жаңа цифрлық жұмыс форматына көшті, деп хабарлайды Tinfo.kz. Өңірде жобаға алғашқы болып талдықорғандық кәсіпкерлер қосылды. Алматы облысының Бас мемлекеттік санитарлық дәрігерінің қаулысына сәйкес 26 сәуірден бастап «ASHYQ» облыстың аудандары мен қалаларындағы кәсіпкерлік нысандарында енгізіле бастады. (adsbygoogle = window.adsbygoogle || []).push({}); Облыстық Кәсіпкерлер палатасының директоры Әсет Шаяхметовтың айтуынша, «ASHYQ» жобасына қоғамдық тамақтану нысандары, кинотеатрлар, компьютерлік клубтар, фитнес-клубтар, моншалар мен сауналар қосылған. «Бүгінгі таңда Талдықорғандағы 100 мекеме «ASHYQ» қосымшасын енгізді, оның 90-ы - қоғамдық тамақтану нысандары, үш фитнес-орталық, үш компьютерлік клуб, екі кинотеатр және бір монша мен бір сауна. Сонымен қатар, өзге өңірлер арасында Іле ауданындағы бір қоғамдық тамақтану нысаны жоба бойынша жұмыс істей бастады. Жалпы, infokazakhstan.kz сайтына «ASHYQ» жобасына қатысу үшін кәсіпкерлік субъектілерінен 100-ден астам өтінім келіп түскен», - деді өңірлік кәсіпкерлер палатасының басшысы Әсет Шаяхметов. Еске сала кетейік, Талдықорғанда «ASHYQ» жобасы 14 сәуірден бастап енгізіле бастады. Жоба COVID-19 таралу қаупін азайтуға және келушілер мен қызметкерлерді қауіпсіздендіруге мүмкіндік береді, сондай-ақ бизнес объектісіне шектеу шараларына қарамастан, тіпті локдаун жағдайында да жұмыс істеуге мүмкіндік береді. Жоба QR-код және ПТР дерекқорымен интеграциялану есебінен келушінің мәртебесін - ол вирустың тасымалдаушысы болып табыла ма, жоқ па екенін анықтауға мүмкіндік береді. Кіре берісте адам оның мәртебесін анықтау үшін QR кодын сканерлейді және түсіне байланысты, келушінің мәртебесін белгілейді. Қазіргі уақытта Алматы облысының Кәсіпкерлер палатасында бизнес-қоғамдастықпен «Ashyq» жобасы бойынша түсіндіру жұмысы жүргізілуде және жобаға қатысуға ниет білдірушілердің тізімі қалыптастырылуда. «Ashyq» қосымшасына қатысты барлық сұрақтар бойынша «Атамекен» ӨКП жүгінуге болады. Анықтама тел.: + 7 775 594 5977 (Жамбулатова Дана Дәулетқызы), +7 775 894 6061 (Дәулетбекова Ақерке Нұрдәулетқызы).

Текеліде жер жырту жұмысы аяқталды

Биылғы құбылмалы ауа райы көктемгі егіс жұмыстарына көлеңкесін түсірмей қойған жоқ. Десе де, қаламыздағы шаруа қожалықтарының ұқыпты дайындығының арқасында тұқым сіңірілетін барлық жер толығымен жыртылып болды. Күн ашылысымен, егіс жұмыстары басталады. Қазір қаламызға қарасты 50-ден астам шаруа қожалығы өздеріне тиесілі егіс алқаптарын толығымен жыртып, тұқым егу жұмыстарын пысықтауда. Қалалық ауыл шаруашылығы бөлімінің басшысы Нұрлан Жылқыбаевтың айтуынша, биыл 669 гектар жерді игеру жоспарланған. Оның ішінде, бидай – 200, арпа – 36, соя – 31, қант қызылшасы –15, картоп – 267, көкөніс – 115, жем-шөп дақылдары 5 гектар жерді құрайды. Егілетін тұқымның барлығы – «ҚазАгроЭкс» зертханасында толықтай зерттеуден өткен, сапасы мен өнімділігі жоғары сұрыптар. Тұқымның жерге уақытында сіңірілуі үшін қажетті жанар-жағармай көлемі анықталып, 5 тонна дизель отыны дихандарға жеңілдетілген бағамен беріледі. (adsbygoogle = window.adsbygoogle || []).push({}); Ағымдағы жылдың 1 сәуіріне дейін ауыл шаруашылығы өнімінің жалпы көлемі 472,2 млн.теңге болып, өткен жылғы қаңтар-наурызға қарағанда 101,5 пайызды құрады. Бұл текелілік шаруалардың эпидемиологиялық жағдай тұсында еңсерген еңбегінің нақты нәтижесі. Қауіпті індеттің беті әлі қайтқан жоқ. Осындай күрделі жағдайда халықты азық-түлікпен тұрақты қамтамасыз ету аса маңызды. Бұл тұрғыда текелілік шаруа қожалықтарының да қосар үлесі бар. Жергілікті дихандар өсірген картоп, сәбіз, қырыққабат, сондай-ақ, бал өнімдері қала базарларында, азық-түлік дүкендерінде сатылады. Өткен жылы күз бен қыста Нұр-Сұлтан, Алматы және Талдықорған қалаларында ұйымдастырылған жәрмеңкелерге де біздің ша-руалардың сапасы сенімді, бағасы лайықты жергілікті өнімдерді мол сұранысқа ие болды. Мұның барлығы – көктемгі егіс жұмыстарынан басталып, қара күзге дейін жалғасатын тынымсыз еңбектің жемісі. Текелі қаласы әкімінің баспасөз хатшысы Ұлжан Ұлдаханқызы

Аккредиттеу куәлік белгісі тапсырылды

Жақында ҚР Президенті Қасым-Жомарт Тоқаев: «Еліміздегі республикалық және жергілікті жолдардың жағдайына қатысты азаматтардың айтып жүрген сыны орынды. Сапасыз жасалған жол жыл сайын жөндеуді қажет етеді және бұған мемлекеттің қаржысы тиімсіз жұмсалып жатыр. Үкіметке, әкімдер мен құқық қорғау органдарына жағдайды реттеу үшін жүйелі шаралар қабылдап, оның есебін беруді тапсырамын»,-деген болатын. Осы орайда жолдың сапалы болуының бір тетігі – сапалы құрылыс материалдарында екені ақиқат. Жолға төселетін қажетті заттар жол зертханаларынан тексеруден өтіп, мемлекеттік стандартқа сай болған жағдайда ғана пайдаланылса, әрі барлық талаптар сақталып жұмыс атқарылса – жол неге сапалы болмасқа?! (adsbygoogle = window.adsbygoogle || []).push({}); Уақыт ағымына ілесіп жол зертханалары жабдықталуда, әрі, аккредиттеуден өтуі де жүзеге асырылуда. Зертхананың аккредиттеуден өтуі – тұтынушылар мен тапсырыс берушілер алдында зертхана жұмысының сапасы мен құзыреттілігіне деген сенімін қамтамасыз ететін ең негізгі құжат болып табылады. Жуырда  «Жол активтері ұлттық сапа орталығы» РМК Алматы облыстық филиалының сынақ зертханасына аккредиттеуден өткені туралы құжат табыс етілді.  Нақтылай түссек, аккредиттеу аттестатында «Қазақстан Республикасы акредиттеу жүйесінде «Сынақ және калибрлеу зертханаларының құзыреттілігіне қойылатын жалпы талаптар»  ГОСТ ISO / IEC 17025-2019 талаптарына сәйкес  аккредиттелген» деп жазылған. Зертханалық аккредиттеудің негізгі мақсаты - өлшем бірлігін қамтамасыз ету және өлшеу, сынау және зерттеу нәтижелерін өзара тану. Егер зертхана белгілі бір қызмет саласында аккредиттелген болса, бұл оның жұмысының нәтижелері дәл және сенімді болатындығын білдіреді, - дейді зертхана меңгерушісі Айгерім Лекерқызы. Мемлекеттік стандартқа сәйкес құжатқа қол жеткізген мекеме алдағы бес жылда аккредиттеу саласына сәйкес өнімдерді сынақтан өткізуде сапалы жұмыс жүргізеді деген сенім мол. Ақбөпе ЖИЕНҚҰЛОВА, «Жол активтері ұлттық сапа орталығы» РМК Алматы облыстық филиалының баспасөз хатшысы

Екпе алуға асық

Экономикалық-әлеуметтік өсім халықтың тұрақты өмірімен тікелей байланысты екенін ескерсек, эпидемиологиялық жағдай күр-делене түскен бүгінде жаппай вакцина салдыру – қалыпты өмірге оралудың бірден-бір жолы болып тұр. Мұны бәріміз жете түсінуіміз, індетке қарсы ортақ иммунитет қалыптастыруға атсалысуымыз керек. Қазір вакцинациялау жұмыстары қарқынды жүргізілуде. Елдік мүддеге саятын аса маңызды науқанның қалыпты тіршілігімізге қайта оралудағы рөлін айқындау және көп болып екпе алғанда қалыптасатын әлеуметтік иммунитет арқылы ғана қауіпті вирусқа түбегейлі тосқауыл қоюға болатынан түсіндіру мақсатында қала әкімі Батыр Молдахметов мекеме, кәсіпорын ұжымдарымен кездесулер өткізді. Сондай-ақ, екпе алатын қала тұрғындарына барынша қолайлы жағдай жасау бойынша нақты тапсырмалар берді. Бүгінде қалада тұрғындардың вакцина алуына арналған 5 процедуралық орын жұмыс істеп тұр. Сонымен бірге, арнайы дайындықтан өткен дәрігерлер мемеке, кәсіпорындарға барып, егу жұмыстарын жүргізуде. Өткен аптада «Колоннада», «Текелі-Гранит» ЖШС, «Текелі» шипажайы, кәсіптік колледж және мектеп, балабақша ұжымдары екпе салдырды. Қазірге дейін қаламыз бойынша 2500 адам екпенің бірінші, 200 адам екінші дозасын алып үлгерді. (adsbygoogle = window.adsbygoogle || []).push({}); Еске сала кетсек, білікті дәрігерлер де, ғалымдар да әлемдік сипат алған қауіпті індетті еңсерудің жолы жаппай вакцинациялау екенін алға тартып, адамдарды екпе алуға шақыруда. Олардың пайымынша, қауіпті індет адамнан-адамға жұғу кезінде мутацияға ұшырап, сипатын өзгертеді. Қазірге дейін әлемді дүрліктірген бірнеше штаммы вирустың жұғымдану кезінде пайда болған жаңа түрлері. Егер, індеттің беталысы бақылаудан шығып кетсе, онда оның тіпті қауіпті штаммдары пайда болуы әбден мүмкін. Сондықтан, халықты жаппай індетке қарсы егу арқылы әлеуметтік иммунитет қалыптастыру өте маңызды. Әлеуметтік иммунитет қалыптасқан кезде ғана жұғымдану деңгейі төмендеген індет әуелгі арынан айырылып, әлсірей бастайды. Айталық, Израиль халқының 80 пайызы екпе алғандықтан, елдегі эпидемиологиялық жағдай біртіндеп тұрақтала бастаған. Індет өршіген кезде күніне 100-ге дейін адам өлімі тіркелген болса, қазір бұл көрсеткіш 10-ға азайған.Текелі қаласы әкімінің баспасөз хатшысы Ұлжан Ұлдаханқызы

Облыстық мәслихаттың тұрақты комиссия отырысы өтті

20 сәуір күні Алматы облыстық мәслихатының экономика, бюджет, құқықтық тәртіп, сыбайлас жемқорлыққа қарсы күрес, депутаттық өкілеттіктер мен этика мәселелері бойынша тұрақты комиссияның отырысы өтті, деп хабарлайды Tinfo.kzАлматы облыстық мәслихатының баспасөз қызметіне сілтеем жасап. Күн тәртібінде комиссия мүшелері келесі мәселелерді қарады: (adsbygoogle = window.adsbygoogle || []).push({}); Алматы облыстық мәслихатының 2020 жылғы 15 желтоқсандағы "Алматы облысының 2021-2023 жылдарға арналған облыстық бюджеті туралы"  №64-339 шешіміне өзгерістер мен толықтырулар енгізу туралы.    «Алматы облысы Қарасай ауданы Райымбек ауылдық округінің жерінде дене шынықтыру – сауыктыру кешенінің құрылысы және пайдалану» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» 2019 жылғы 16 шілдедегі №49-249 шешіміне өзгеріс енгізу туралы. «Қарасай ауданының Қырғауылды ауылындағы мектепке дейінгі білім беру қызметін көрсету үшін – жеке меншік нысан – балабақшаны жөндеу және пайдалану» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» 2018 жылғы 7 қарашадағы №36-194 шешіміне өзгеріс енгізу туралы. «2018 жылға мемлекеттік-жекешелік әріптестік жобалары бойынша мемлекеттік міндеттемелерді қабылдау туралы» 2018 жылғы 18 сәуірдегі №30-161 шешіміне өзгеріс енгізу туралы. «Талдықорған қаласындағы жабық жүзу бассейн құрылысы және пайдалануы» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» 2019 жылғы 25 ақпандағы №43-226 шешіміне өзгеріс енгізу туралы. Алматы облысы бойынша тексеру комиссиясының Қазақстан Республикасының «Мемлекеттік аудит және қаржылық бақылау туралы» Заңымен айқындалған қызметтер мен міндеттерді жүзеге асыруы, 2019-2021 жылдар аралығында атқарған қызметі және құзыретті органдар тарапынан айқындалған кемшіліктерді жою бойынша жұмыстары туралы.   Күн тәртібіндегі бірінші мәселе бойынша облыстық экономика және бюджеттік жоспарлау басқармасы басшысы Жомарт Амангелдіұлы Әмірханов Алматы облысының 2021-2023 жылдарға арналған  облыстық   бюджетіне өзгерістер мен толықтырулар енгізу туралы баяндап өтті. Екінші, үшінші, төртінші, бесінші мәселелер бойынша депутаттар шешімдерге ұсынылып отырған өзгерістерді сессия қарауына енгізді. Күн тәртібіндегі соңғы мәселе бойынша облыстық тексеру коммисиясының төрағасы Мейрам Мирзанұлы Мусаев облыстық тексеру комиссиясының ҚР «Мемлекеттік аудит және қаржылық бақылау туралы» Заңымен айқындалған қызметтер мен міндеттерді жүзеге асыруы, 2019-2021 жылдар аралығында атқарған қызметі және құзыретті органдар тарапынан айқындалған кемшіліктерді жою бойынша атқарылып жатқан жұмыстар туралы баяндап өтті. Мейрам Мусаев өз сөзінде, басшылық ететін мекемесі тарапынан мемлекеттік аудит және қаржылық бақылау туралы Заңымен айқындалған өкілеттіліктер шегінде 2019-2020 жылдар аралығында 64 тиімділікке, 34 сәйкестікке аудиторлық іс-шара жүргізіп 776 мемлекеттік аудит объектісін аудитпен қамтылғанын атап өтіп, іс-шаралардың қорытындылары бойынша мемлекеттік аудит объектілеріне 376 тапсырмалар мен ұсынымдар жолданғанын хабарлады. Комиссия отырысында халық қалаулылары тарапынан қаралған сұрақтар бойынша қаулы қабылданып, мәселелер бойынша жергілікті атқарушы өкілдеріне ұсыныс берілді.

Су тасқынын болдырмау

Көктем айларында ұзаққа созылған жауын-шашынның, немесе күн қатты ысып кетіп қар мен мұздың тез еруінің салдарынан табиғаттың тосын мінезінің бірі – су тасқыны болуы мүмкін.  Мұндай қауіпті болдырмаудың бірден-бір шарасы – алдын-ала дайындалу арқылы қамтамасыз етіледі. Сондықтан, «Жол активтері ұлттық сапа орталығы» РМК Алматы облыстық филиалы көктемгі су тасқынын болдырмау бағытында тиісті іс-шара жұмыстарын жүргізуде. Оныншы сәуірде филиал директоры Жасұлан Керімқұлов, филиалдың мамандары,  «Қазавтожол» ҰК »АҚ АОФ өкілі Е.Оспанов  және «Қазақавтожол ЖШС №14 ЖПБ бастығы А.Ақтановтар бірлесе жүріп «Алматы-Бішкек-Ташкент-Термез» республикалык маңызы бар автомобиль жолының жағдайын және су тасқынына қарсы дайындық жұмыстарын қарап шықты. Тасқынға қарсы шараларды жүзеге асыруға арналған жабдықтарды тексеру кезінде нақты жұмыстардың жүргізіліп жатқаны байқалды. Атап айтқанда, арнайы техникалармен жабдықталған, демек, техникалар дайын, су тасқынына бөгет қою үшін құм қапқа салып дайындалған, шұңқырларды толтыруға арнап жиналған темірбетон сынықтары  реттелінген және суағарлар, арықтар  тазаланып жатыр. (adsbygoogle = window.adsbygoogle || []).push({}); Ақбөпе ЖИЕНҚҰЛОВА

Талдықорғанда бизнес өкілдері үшін "Ashyq" қосымшасы іске қосылды

Талдықорғанда эпидемиологиялық ахуалды және коронавирустық инфекцияны бақылауға арналған қосымша енгізілді. Бұл туралы "JETISÝ MEDIA"ақпараттық алаңында өткен баспасөз -мәслихаты барысында белгілі болды. Қосымшаны пайдалану бизнес нысандарына шектеу шараларына қарамастан, тіпті локдаун жағдайында да жұмыс істеуге мүмкіндік береді6 деп хабарлайды Tinfo.kz. "Жоба QR-код және ПТР ортақ базасымен интеграция есебінен келушінің мәртебесін: ол вирустың тасымалдаушысы болып табыла ма, жоқ па, соны анықтауға мүмкіндік береді. Кіре берісте адамның мәртебесін анықтау үшін QR-код сканерленеді және қондырғы көрсеткен  түсіне қарай,  келуші мәртебесі белгіленеді – оны іске қосады немесе мекемеге жібермейді", - деп атап өтті Талдықорған қаласы әкімінің орынбасары Сәуле Арзанбекова. (adsbygoogle = window.adsbygoogle || []).push({}); Айта кету керек, бүгін Талдықорғандағы мекемелердің бірі "Ashyq" жобасына қосылып, QR-код алды. "Бүгін тестілік кездесу жүйені бизнес объектісі үшін де, мекеме келушілері үшін де қолдану өте оңай екенін көрсетті. Қазіргі уақытта қала бойынша "Ashyq"жобасына қатысу үшін бизнес субъектілерінен 17 өтінім келіп түсті. Барлық жаңа қатысушылар үшін қатысуға өтінімдер infokazakhstan.kz сайты арқылы беріледі.  Салалық қауымдастық арқылы өтініш беретін кинотеатрлардан, қоғамдық тамақтану объектілерінен, қосымша білім беру ұйымдарынан басқалары сайтты қолдана алады", - деді Алматы облысы Кәсіпкерлер Палатасы директорының экономикалық мәселелер жөніндегі орынбасары Дәурен Оңалбаев. QR-код тек бизнес субъектілеріне беріледі. Жобаның (ЭҚЖЖ) талаптарына сәйкестігін тексергеннен кейін Жеке кабинетте бір апта бойы оқуға және тестілік режимде жұмыс істеуге мүмкіндік беретін код пайда болады. Келушілерге App Store және Play Market-тен "Ashyq" мобильді қосымшасын жүктеу, телефон нөмірі бойынша тіркелу, ЖСН енгізу және өзінің баруын тіркеу үшін мекеменің QR-кодын сканерлеу қажет. Сондай-ақ, шығу кезінде шығуды бекіту үшін QR кодын сканерлеу керек. Келушіде смартфон болмаған немесе осы мобильді қосымшаны жүктеу кезінде қиындықтар туындаған жағдайда жауапты тұлғаға-мекеме қызметкеріне қосымша мүмкіндік  беріледі, оның көмегімен ол келушінің ЖСН енгізу арқылы кіруін тіркей алады. Сонымен қатар, бизнес иесі  өз келушісініңёц мәртебесін ғана көреді: жасыл, көк, сары немесе қызыл. Ол адам туралы басқа деректерді көрмейді. "Қызыл мәртебе қозғалысты шектеуді, амбулаторлық бақылаудағы адамдар үшін үй жағдайында оқшаулаудың қатаң режимін сақтауды білдіреді. Сары-қозғалысты ішінара шектеу-пайдаланушы ПТР дерекқорында байланыс ретінде көрсетілген: пациент үйден оқшаулау режимін сақтайтын жерден 500 метрден аспайтын азық-түлік және аппараттық дүкендерге, дәріханаларға баруға рұқсат етіледі. Көк-Бұл мәртебе үшін ПТР міндетті болатын жерлерден басқа қозғалыс шектеулері жоқ. Жасыл мәртебе қозғалыста ешқандай шектеулер жоқ екенін білдіреді және бұл Пайдаланушы деректер базасында COVID-19-ға теріс нәтижемен ПТР - тестілеуден өткен адам ретінде белгіленген",-деп бөлісті Талдықорған қалалық санитарлық-эпидемиологиялық бақылау басқармасы басшысының орынбасары Сәкен Мелдебаев. Қазіргі уақытта Алматы облысының Кәсіпкерлер палатасында бизнес-қоғамдастықпен жұмыс жүргізілуде және жобаға қатысуға ниет білдірушілердің тізімі қалыптастырылуда. "Ashyq" қосымшасына қатысты барлық сұрақтар бойынша 87051900000 және 87015872159 телефондары бойынша "Атамекен" ӨКП жүгінуге болады.

Алматы облысында партияның сайлауалды бағдарламасын іске асыру үшін қоғамдық кеңестер құрылды

Бүгін облыс әкімі, «Nur Otan» партиясы Алматы облыстық филиалының төрағасы А.Баталовтың төрағалығымен облыстық Саяси кеңес Бюросының отырысы өтті, деп хабарлайды Tinfo.kz. Күн тәртібіндегі партиялықтар бірқатар сұрақтар бойынша Бюро мүшелерінің дауыс беруімен құжаттар, кестелер бекітілді. (adsbygoogle = window.adsbygoogle || []).push({}); Атап айтсақ, «Nur Otan» партиясы Алматы облыстық филиалының XХVIII есеп беру-сайлау Конференциясын шақыру, күн тәртібін және делегаттарды сайлау жөніндегі квота, сонымен қатар, біздің облыстық Сайлауалды бағдарламасының бағыттары бойынша аймақтық қоғамдық кеңестердің төрағаларын, құрамдарын және ережелерін бекітіп, алдағы мақсаттары анықталды. Назарларыңызға сала кетсек, партияның Саяси кеңес Бюросының шешімімен таратылған партиялық кураторлар институтының орнына «Nur Otan»-ның сайлауалды бағдарламасының нақты бағыттарының іске асырылуын бақылау бойынша 14 республикалық қоғамдық кеңес құрылды. Ал өңірімізде 12 қоғамдық кеңестер құрылды. Облыстық партия филиалы төрағасының бірінші орынбасары Гүлнәр Тойлыбаева өз сөзінде: «Кеңестің міндеттері мен мақсаты партияның Сайлауалды бағдарламасын сапалы іске асыру және әр бағытты уақытылы бақылау. Коғамдық кеңестердің Ережелеріне сәйкес отырыс тоқсанына бір рет өткізіледі. Кеңестердің сапалық құрамдарында әйелдердің 30 % және 35 жасқа дейінгі жастардың 20 %  құрамдары ескерілді. Кеңес құрамдарына басқа ұлт өкілдері және партия жақтастары енгізілді. Жалпы Кеңестердің құрамдарына мәслихат депутаттары, кадрлық резерте тұрған кандидаттар, үкіметтік емес ұйымдар, қоғамдық бірлестіктерінің өкілдері енгізілді» деп атап өтті. Атап айтсақ, қоғамдық кеңес төрағаларына келесі азаматтар бекітілді: өңірлік даму бойынша – Руслан Қожасбаев, аграрлық сектор бойынша – Елдос Үшкемпіров, экономиканы дамыту және кәсіперлікті қолдау бойынша – Гүлмира Ахметова, отбасы, әйелдер және балалардың құқықтарын қорғау мәселелері бойынша – Серік Мұқанов, білім мен ғылымды дамыту бойынша Гүлжан Ерубаева, ұлт денсаулығы мәселелері бойынша Гүлнәр Құраметова, мәдениет пен өнерді дамыту «Мирас» қоғамдық кеңесіне – Нүсіпбай Абдрахим, экология мәселелері бойынша – Мұрат Аубакиров, жұмыспен қамтуды және халықтың әлеуметтік осал топтарын қолдау бойынша – Әсет Қыдырманов, жастарды қолдау бойынша Әсел Төлепбергенова, партияның бақылау комиссиясы бойынша – Қуат Баймырзаев, сыбайлас жемқорлыққа қарсы іс-қимыл қоғамдық кеңесіне – Римма Салыкова жетекшілік етеді. Соңғы қаралған сұрақ, ол облыстық және аудан-қалалық партия филиалдарының Саяси кеңес Бюро отырыстарының және бастауыш партия ұйымдарының есеп беру-сайлау жиналыстарының, есеп беру- сайлау Конференцияларының өткізу кестесі бекітілді.

Алматы облысында үй шаруасындағы әйел тігін цехын ашты

Ұйғыр ауданының Шонжы ауылының тұрғыны Юлдуз Тұраева мемлекеттік қолдаудың арқасында жеке тігін цехын ашты, деп хабарлайды Tinfo.kz. 2019 жылы Юлдуз Тұраев кәсіп бастау ниетімен Алматы облысының Кәсіпкерлер палатасына жүгініп, кәсіпкерлік негіздері бойынша «Бастау Бизнес» оқыту жобасына жазылды. Оқыту барысында Юлдуз тоқыма бұйымдарын шығару жобасын әзірледі. Нәтижесінде жоба «Жас кәсіпкер» бағдарламасы аясында 500 000 теңге көлемінде грантқа ие болды. (adsbygoogle = window.adsbygoogle || []).push({}); «Жастайымнан тігін ісімен айналысуды армандайтынмын. Басында хобби ретінде қарадым. Үй іші мен туыстарыма жиынтықтар жасап жүрдім. Осыдан кейін мен бұл хоббиді жеке кәсіпке айналдыруды шештім. «Атамекеннің» аудандық филиалы тарапынан маған бизнесті ашу және дамыту үшін жан-жақты қолдау көрсетілді. Қазір біз тоқыма өнімдерінің 20-дан астам түрін шығарамыз. Өнімдер тек біздің ауданда ғана емес, көршілес аудан мен қалаларда да үлкен сұранысқа ие», - дейді жас кәсіпкер. Гранттық қаржыландыруға Юлдуз Тураева заманауи тігін жабдықтарын сатып алды. Оның айтуынша, өнімдер «Baby comfort» брендімен «Шонжыда жасалған» маркасымен шығарылады. Тігін цехында жеті адам жұмыс істейді. Олар барлық түрдегі тоқыманың 25 түрін жасайды, оның ішінде қалыңдықтың жасауы, перзентханадан шығару жиынтықтары, әр түрлі жастағы балаларға арналған жиынтықтар, ас үйге арналған жиынтықтар, төсек-орын жиынтықтары, қонақ бөлмеге арналған жиынтықтар, жүк көліктеріне арналған перделер, қыздар мен жаңа туған нәрестелерге арналған киімдер және басқалар. Осы жылы кәсіпкер өндіріс көлемін арттыру мақсатында қосымша жабдықтар сатып алып, жобаны кеңейтуді жоспарлап отыр.