Жаңалықтар

Войти через

  • 04:10:28
  • 12°C

Вторник, 15 июня

 

Жаңалықтар

Спорт саласындағы маңызды мәселелер қаралды

«Nur Otan» партиясынан Алматы облыстық мәслихаты депутаттығының кандидаттар Есболова Ляззат Мұхаметқалиқызы мен Салықова Римма Аждарқызы спорт саласының мамандарымен ZOOM бағдарламасы арқылы кездесті. Кездесу барысында партияның алдағы қойған мақсатты жұмыстары айтылып, жеткен жетістіктері жайлы сөз қозғалды. Алдағы бес жылда партия өз жұмысында ұлт денсаулығын нығайтуға, халықты спортпен жаппай айналысуға тартуға баса назар аударатын болады. Бұл үшін «Nur Otan» партиясы: ➢ еңбек ұжымдарында спорт командаларын құру және спорттық іс-шараларды өткізу; ➢ білім беру мекемелері мен еңбек ұжымдарында дене шынықтыру жаттығуларын өткізу практикасын енгізу; ➢ 18 спорт объектілерін салу, оның ішінде: • 8 дене шынықтыру-сауықтыру кешендері (Алакөл ауданы, Еңбекшіқазақ ауданы Шелек ауылы, Іле ауданы Байсерке ауылы, Қаратал ауданы Үштөбе қаласы және Қапшағай, Текелі қалаларында); • 7 спорт кешені (Алакөл ауданы Бескөл ауылы, Пенжім ауылы, Панфилов ауданы Үлкен Шыған ауылы және Үшарал қаласы., Райымбек ауданы Қызылшекара және Сүмбе ауылдары, Ұйғыр ауданы Кішідихан ауылы). • 3 нысан Талдықорған қаласында: көгалдағы хоккейге арналған жабық спорт кешені; футбол, баскетбол және волейболға арналған әмбебап спорт кешені; құзға өрмелеу және көркем гимнастикаға арналған спорт кешені; Бұл халықты спорттық инфрақұрылыммен қамтамасыз еу көрсеткішін 1000 адамға шаққанда 55% -тен 60,1% - ке дейін жақсартуға мүмкіндік береді. 2025 жылға дейін спортпен шұғылданатын азаматтарды қамту 30% - дан 45% - ға дейін артады.       «Nur Otan» партиясы Алматы  облысының Сайлау қорының қаражатынан төленді      

Ірі өндірістер экономикаға серпін болмақ

«Nur Otan» партиясы Алматы өңірінде экономиканың басым салаларын, оның ішінде өнеркәсіпті, агроөнеркәсіп кешенін, құрылыс пен туризмді дамыту арқылы халықтың өмір сүру деңгейін жақсартпақ. Тұрғындардың жақсы табыс табуы үшін жұмыс орындары ашылуы керек. Жақсы табыс – жайлы өмір кепілі. Ал жұмыссыздық оған кедергі болуда. Партия өңірде алдағы уақытта мемлекеттік бағдарламаларды жүзеге асыру нәтижесінде 69,9 мың адамды жұмыспен қамтуды көздеп отыр. Осы тақырыптарды арқау еткен «Есіктен есікке» акциясы аясында облыстық мәслихат депутаттығына үміткер Дәулет Жарасбаев «Техно Снаб» ЖШС қызметкерлерімен кездесті. - Қоғам дамуына кедергі келтіретін жалғыз ғана мәселе бар. Ол – жұмыссыздық. Партия осы мәселені шешуге білек сыбана кіріспек. Мәселен, сайлауалды бағдарламаға сәйкес, партия алдағы бес жылдықта 51 ілгері инвестициялық жобаны іске асырмақ. Келер жылы Жансүгіров ауылында тәулігіне 500 тонна өнім беретін қант зауытын салады. Одан бөлек, Ақсу ауданында табиғи каучук өндіру зауытын, жылдық қуаты 3,3 млн тонна болатын кен өңдеу зауытын салу жоспарланған. Ірі өндірістердің ашылуы тек экономикаға серпін болмайды, жаңа жұмыс орындарының ашылуына септеспек, - деді Дәулет Жарасбаев. Сайлауалды бағдарламаға сай, алдағы уақытта фармацевтикалық өнім шығаратын зауыт, ет өңдеу зауыты салынбақ. Одан өзге Ұйғыр ауданында жылына 26 мың тонна өнім беретін құс фабрикасы да бой көтермек. Мұнан өзге «Қорғас-Шығыс қақпасы» АЭА аумағына және «Қорғас» шекара маңы ынтымақтастығы халықаралық орталығына инвестор тарту барысында құны 353,4 млрд теңгенің 61 жобасын жүзеге асу жоспарланған. Осындай жүйелі жұмыстардың нәтижесінде алдағы бес жылдықта жалақысы 200 мың теңгеге жететін 134 мыңнан астам жұмыс орны ашылмақ. «Nur Otan» партиясы Алматы  облысының Сайлау қорының қаражатынан төленді.

Есіктен есікке

  Дәл осындай тақырыппен Іле ауданы аумағында акция өтті. Шара аясында «Nur Otan» партиясы тізіміндегі аудандық мәслихат депуттағына үміткерлер ауыл тұрғындарымен кездесті. Яғни, бұл тізімдегі Гүлмира Ақжолтаева мен Қайыр Қажи үй-үйді аралап, партияның сайлауалды бағдарламасымен кеңінен таныстырды. Алдағы маңызды саяси науқанға атсалысуға, «Nur Otan» партиясына дауыс беруге шақырды. Үгіт-насихат жұмыстары барысында аймаққа қарасты 10 отбасы қамтып, үміткерлер партияның үгіт-насихаттық парақшаларын да таратты.

Үш ауысымды оқытуды жою

«Nur Otan» партиясынан облыстық мәслихаттың депутаттығына үміткер Секенбай Шеңгелбаев «ZOOM» бағдарламасы арқылы білім беру саласының қызметкерлерімен пікір алмасты. Онлайн жиынға білім беру саласының қызметкерлерінен өзге аудан мен ауыл тұрғындары да қатысты. Партияның сайлауалды бағдарлдамасын жан-жақты түсіндірген үміткер білім беру, денсаулық сақтау және әлеуметтік саладағы сапалы қызметтерге қол жеткізу арқылы облыс тұрғындарының өмір сүру жағдайларын арттыруға күш салуға болатыны сөз етті. (adsbygoogle = window.adsbygoogle || []).push({}); – Сайлауалды бағдарламада көрсетілгендей 3 жастан 6 жасқа дейінгі балаларды мектепке дейінгі тәрбиемен және оқытумен 100 пайыз қамту көзделген. Одан бөлек 1 жастан 6 жасқа дейінгі балаларды қамтуды 85 пайызға дейін ұлғайту жоғары және бірінші санаты бар педагог кадрлардың үлесін 60 пайызға дейін арттыру жоспарланған. Облыста үш ауысымды оқытуды жою үшін 24 680 орындық 39 жаңа мектеп салынбақшы, – деген Секенбай Сейтжанұлы облыс мектептерін 50,5 пайызға дейін химия, биология, жаңа буын физикасы пәндік кабинеттерімен және IT кабинеттерімен жарақтандыру туралы жоспармен бөлісті. Кездесу барысында қатысушылар балабақшы кезегіне тұру, білім сапасын арттыру, жалақының көтерілуі сынды сауалдарын жолдап, өз ұсыныстарын да жеткізді.«Nur Otan» партиясы Алматы облысының Сайлау қорының қаражатынан төленді.

Белгілі ақын шаңырағында болды

«Nur Otan» партиясынан ҚР Парламенті Мәжілісіне үміткерлер үлкен қалалардан шалғай ауылдарға дейінгі үгіт-насихаттық жұмыстары жалғасуда. ⠀Канвассинг, яғни белгілі тұлғалармен кездесу шарасы аясында үміткер Әлия Әбсеметова белгілі ақын Үмбетәлі Кәрібаевтың немересі Искаков Әуелбек Мұсаханұлының үйінде болып қайтты. ⠀ Әлия Маратқызы ақынның немересімен кездесу барысында «Nur Otan» партиясының сайлауалды бағдарламасымен таныстырып, түсіндіріп берді. Әуелбек Мұсаханұлы өз кезегінде салиқалы әңгімесін айтып өтіп, еліміздің жетекші партиясына сенімі мол екендігін жеткізіп, сәттілігін тіледі, жылы лебізімен ізгі ниетін білдірді. ⠀ Назарларыңызға сала кетсек, асылдың тұяғы Әуелбек Мұсаханұлы Суретшілер одағының мүшесі, ҚР еңбек сіңірген өлкетанушысы, өнер қайраткері, Айтыс ақындары мен жыршы-термеші мектебінің халықаралық мүшесі, көптеген кітаптары жарық көріп, бірнеше жеке көрме ұйымдастырған. ⠀ Жастайынан Әуелбек аға өз ауылының, Жамбыл ауданының дамуына үлес қосып, осы өлке игілігі үшін жұмыс істеп келеді. Оның жастарды патриоттыққа, отансүйгіштікке тәрбиелеу жолындағы еңбегі зор. Ал оның туған атасы Үмбетәлі Кәрібаев бүкіл Қазақстанға танымал, белгілі тұлға. Шара соңында ақынның немересі батасын беріп, ақ жол тіледі       «Nur Otan» партиясы Алматы  облысының Сайлау қорының қаражатынан төленді                            

Кәсіпкерлерге қолдау көрсетіледі

«Nur Otan» партиясынан облыстық мәслихат депутаттығына үміткер Сағи Бейсенбек Балқаш ауданы Бақанас ауылындағы «Мұхтар» сауда орталығында тұтынушылармен кездесті. Кездесуде партияның сайлауалды бағдарламсының негізгі басымдықтарын атап өтті. Үміткер кәсіпкерлерге көрсетілетін қолдауды айта келе: (adsbygoogle = window.adsbygoogle || []).push({}); – Алдағы бес жылда аймақта «Бизнестің жол картасы – 2020» бағдарламасы шеңберінде кредит беру тетіктерін жыл сайын пайдалану, оның ішінде жылына кемінде 115 жобаны субсидиялау, 70 жобаға кепілдік беру және кемінде 80 грант ұсыну жоспарланған. «Еңбек» бағдарламасы шеңберіндежыл сайын 1200 мемлекеттік грант, 1100 микрокредит бөлу қарастырған. Қарапайым заттар экономикасы бағдарламасы бойынша жыл сайын кемінде 25 басым жобаны қаржыландыруға мүмкіндік тумақ, – деп шағын және орта бизнесте жұмыспен қамтылғандар санын 300 мың адамға дейін ұлғайту көзделгеніне тоқталды. Үміткерге жылы лебіздерін арнаған «Мұхтар» сауда орталығының тұтұнушылары партияның саяси науқанда басым түсуіне тілеулестік білдірді.«Nur Otan» партиясы Алматы облысының Сайлау қорының қаражатынан төленді.

Штаб жұмысын бастады

Бүгін «Nur Otan» партиясынан ҚР Парламент Мәжілісіне үміткерлер Д.Әлімбаев, Ж.Телпекбаев, М.Тәжмағамбетова облыстық сайлауалды штабтың ашылуынан «Есіктен есікке» шарасының аясында тұрғындармен кездесті. Шараның аты айтып тұрғандай, үміткерлер өңір тұрғындарының есігін қағып, олардың жағдай-жайын білді. Оларға «Nur Otan» партиясының атқарып жатқан ауқымды жұмыстарын баяндап, алдағы бес жылдыққа негізделген сайлауалды бағдарламасын түсіндірді. Мұнан бөлек, тұрғындарды алаңдатқан сауалдарына жауап беріп, өздерінің ел үшін, Қазақстан деген алып Отан үшін жасамақ ниеттегі жоспарларын баяндады. - Штабтың ашылуынан кейін, “есіктен есікке” кіріп, тұрғындармен әңгіме дүкен құрдық. Бұл жұмыс бұрынғы істен өзгерек, әрине. Жауапкершілік мығым. Тұрғындардың басым бөлігі қаланың іргетасының қалануына еңбек еткен жандар, қарт адамдар. Қоғамдық әлеуметтік өмірден тысқары қалып, жай ғана дидарласуға зәру зейнет жасындағы қариялар әңгімесін кезекпен келіп, үйін тазалап беретін, азық-түлік, дәрі-дәрмегін әкеліп, қолғабыс жасайтын ерікті жастарға алғыс айтудан бастады. Ұсыныс-тілектер де айтылды. Көбісі тұрғын үйдің жөндеу жұмыстарына қатысты. Келді-кетті демесін, бұрын-соңды журналистикадағы жұмысымнан еш өзгешелігі жоқ. Бірақ бұл жолы мәселенің шешілуін басты назарда, - деп пікір білдірді М.Тәжмағамбетова өзінің әлеуметтік желідегі парақшасында (adsbygoogle = window.adsbygoogle || []).push({}); «Nur Otan» партиясы Алматы облысының Сайлау қорының қаражатынан төленді

Алматы облысында "парасатты отбасыны" анықтады

Сыбайлас жемқорлыққа қарсы іс-қимыл агенттігінің Алматы облысы бойынша  департаменті облыстық Білім басқармасымен бірлесіп ұйымдастырылған «Парасатты отбасы» онлайн байқауы қорытындыланды, деп хабарлайды Tinfo.kz. Қазақстан Республикасының 2015–2025 жылдарға арналған сыбайлас жемқорлыққа қарсы стратегиясын басшылыққа ала отырып, парасатты отбасы құндылықтарын насихаттау, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, заманауи талаптарды, парасатты тұлғаны дамыту мақсатында Республика көлемінде «Азаматтық бақылау» жобасымен қолдау тауып өткізілуде. (adsbygoogle = window.adsbygoogle || []).push({}); Бейнероликтер Instagram, Facebook және Vkontakte әлеуметтік желілерінде #parasattyotbasy05 хэштегтермен орналастырылу арқылы сайысқа қатысты. Жалпы, Алматы облысы көлемінде аталған байқауды облыс тұрғындарынан 234 өтінім түсті.  Әр отбасының бейнероликтері жеке-дара сарапқа салынып, бүгін ең көп дауыс алғандары марапатталды. 234 өтінім арасында 20 отбасылар таңдалып «Зейінді отбасы», «Өнерлі отбасы», «Жомарт отбасы» және «Дәстүрге берік отбасы»  номинациялары бойынша алғыс хаттар мен бағалы сыйлықтарға ие болды. Байқау нәтижесінде бірінші орынды Текелі қаласы Байжановтар отбасы иеленсе, екінші орынды Ескелді ауданы Медеуовтер отбасы, ал үшінші орынды Кербұлақ ауданынан келген Әділхан ата әулиеті иеленді.          Номинациялар бойынша: Төрениязовтар (Қапшагай қ-сы) номинация - «Өнерлі отбасы» Әміровтер (Райымбек ауданы) номинация - «Дәстүрге берік отбасы» Өміралиевтер (Жамбыл ауданы) номинация - «Дәстүрге берік отбасы» Жиденовтер (Панфилов ауданы) номинация - «Дәстүрге берік отбасы». Тұрысбековтар (Ақсу ауданы) номинация - «Өнерлі отбасы» Өзекбаевтер (Кеген ауданы) номинация «Дәстүрге берік отбасы» 7. Жаңабаевтар (Талдықорған қ-сы) номинация - «Жомарт отбасы» Бекбатыровтар (Іле ауданы) номинация - «Дәстүрге берік отбасы 9. Шарипхановтар (Талдықорған қ-сы) номинация - «Зейінді отбасы» Мансуровтар (Ескелді ауданы) номинация - «Зейінді отбасы» Абденовтар (Ақсу ауданы) номинация - «Зейінді отбасы» Умиртаевтар (Қарасай ауданы) номинация - «Дәстүрге берік отбасы» Қылышхановтар (Талдықорған қ-сы) номинация - «Жомарт отбасы» Брик (Талдыкорган қ-сы) номинация - «Жомарт отбасы» Тұрғанбековтар (Ескелді ауданы) номинация - «Жомарт отбасы» Мусановтар (Текелі қ-сы) номинация - «Зейінді отбасы» Серікбектер (Талдықорған қ-сы) номинация - «Өнерлі отбасы» Нұрсұлтановтар (Ақсу ауданы) номинация - «Өнерлі отбасы» Қасымжановтар (Талғар ауданы) номинация - «Дәстүрге берік отбасы» Садиевтар (Талдықорған қ-сы) номинация - «Жомарт отбасы».  ҚР Сыбайлас жемқорлыққа қарсы іс-қимыл агенттігінің Алматы облысы облысы Департаменті басшысының бірінші орынбасары Жандос Сағындықұлы байқауға қатысқан барша отбасын шын жүректен құттықтап, ең ізгі тілегін арнады.  

Панфилов ауданында сервистік әкімдік ашылды

Жаркент қаласында Панфилов ауданының сервистік әкімдігі ашылды, деп хабарлайды Tinfo.kz. Орталық Сыбайлас жемқорлыққа қарсы іс-қимыл Агенттігінің Алматы облысы бойынша Департаменті және Алматы облысы әкімдігінің ұсынысымен ашылып отыр. (adsbygoogle = window.adsbygoogle || []).push({}); Енді тұрғындар әр бөлімдерді іздемей-ақ қажетті қызметтерді бір ғимаратта ала алады. Мемлекеттік орган жұмысының жаңа моделі халыққа «бір терезе қағидаты» бойынша әлеуметтік маңызды мәселелер  мен мемлекеттік қызметтер туралы кеңес беру және көмек алуға мүмкіндік береді. Сонымен қатар, ғимарттағы «Өз-өзіне қызмет көрсету» бұрышы мен «Жетісу – адалдық алаңының» Панфилов аудандық жобалық кеңсе өкілі тұрғындарға тиімді қызметтер ұсынады. «Open space» қағидаты бойынша жұмыс істейтін орталықта 6 мекеме тұрғындарға 37 мемлекеттік қызмет түрін көрсетеді. Бұнда күту залы мен балаларға арналған шағын ойын алаңы бар. Электронды түрде кезек көрсететін сервистік әкімдікте барлық қолайлы жағдай жасалған. Қазірдің өзінде қызу жұмысын бастаған орталыққа келуші тұрғындар дән риза.

"Ұстаз деген ұлы тұлға ардақты, тәрбиелер шәкірттерді жан-жақты"

Адамды тәрбиелеу – оның ертеңгі  қуанышқа ие болатын келешек жолын тәрбиелеу -деп  А.С. Макаренко айтқан болатын.  Соның  дәлелін Талдықорған  қаласының № 14 орта мектеп-гимназиясының  7 В кадет сыныбының  сынып жетекшісі Игисинова Жанар Майлыбайқызының  атқарып жүрген сынып жетекшілік қызметінен көреміз. 2019-2020 оқу жылында мектепте ашылған кадет сыныбына сынып жетекшілік қызметін жауапкершілікпен  атқарып келеді.  Оқушыларының бойында адамгершілік және патриоттық сезімдерін қалыптастыруда,   шығармашылық қабілетін дамытуға аянбай еңбек етуде.  Осы міндеттерді шешуде сынып оқушыларының тәрбие ісін бағыттауы және ұйымдастыруы жолдарын шеберлікпен ұйымдастыра біледі. Оқушыларды мектепішілік, қалалық, облыстық байқауларға қатыстырып үнемі қанаттарын қатайтып отырады. Жанар Майлыбайқызы    әр оқушының дамуына,   ерекшеліктерін сақтауға, оның потенциалды қабілеттерін ашуына, интелектісінің дұрыс дамып, жетілуіне үнемі қолдау көрсетеді. Сонымен қатар   тәрбие жұмысының неғұрлым тиімді үлгілері мен тәсілдерін шығармашылықпен таңдап алып, оның нәтижелерін  бағалап, оқушыларға жеке-жеке қарау үшін оқушыларды жан-жақты зерттеп, жан дүниесіне үңіле білетін жан. Ата-аналарды да бала тәрбиесіне маңызды іс-шараларға ұйымдастырып   қатыстарады. Тәрбие жолы – қиын жол. Өмірді өрнектейтін адам ол - ұстаз. Сондай ұстазымыздың шәкірт алдындағы парызын жауапкершілікпен атқарып келе жатқанына ата-аналар атынан алғысымызды білдіреміз. Сынып жетекшіміздің жалықпай ізденіп, білім беруді, тәрбиелеуді, шығармашылықпен еңбек етуді басты міндетім деуі, бала алдындағы жауапкершілігі ата-аналарды қуантады. (adsbygoogle = window.adsbygoogle || []).push({}); Тәуелсіз еліміздің ұрпақтарын елін сүюге тәрбиелейтін, патриоттық тәрбие беретін ұстаздардың барына қашан да алғысымыз шексіз. Білім саласындағы ұрпақ тәрбиесі жолындағы ұстаздарымыздың  еңбек жолына  шығармашылық табыс, дендеріне саулық тілейміз. Талдықорған  қаласының 14 орта мектеп -гимназиясының ата-аналары

Талдықорғанда этномәдени бірлестік өкілдері дөңгелек үстел өткізді

Бүгін Достық үйінде партия филиалының Саяси Кеңес мүшелерінің қатысуымен «Этникалық келісім – Қазақстан қоғамының тұрақтылық негізі» атты тақырыпта дөңгелек үстел өтті, деп хабарлайды Tinfo.kz.  Шара аясында этномәдени бірлестік өкілдері өңірдегі этносаралық татулық сұрақтары жайлы ой бөлісіп, еврей, кәріс, татар, славян орталықтарының мамандары ұсыныстарын атап өтті (adsbygoogle = window.adsbygoogle || []).push({}); «Достық» БПҰ-ның төрайымы А.Тәңірбергенова өз сөзінде:  «Достық үйі біздің бастауыш партия ұйымымен бірлескен жұмыстарын нәтижелі атқаруда. Пандемияға қарамастан, біз жыл басынан бері этносаралық татулықты сақтау бағытында маңызды семинарлармен кездесулер, акциялар өзінің маңыздылығын көрсетті» - деп атап өтті. Жиын соңында қатысушылар ұсыныстары бойынша шешім қабылдап, іс-шаралар жоспарына өзгерістер енгізілетін болды.

Алматы облысында мекемелер жұмысшылар алдында 42,7 млн теңге қарыз

“Nur Otan” партиясы Алматы облыстық филиалының мәжіліс залында Алматы облыстық мәслихатындағы «Nur Otan» партиясы депутаттық фракциясының отырысы өтті. Жиынның күн тәртібінде еңбек құқығын қорғау және азаматтардың әлеуметтік кепілдемелері бойынша кәсіподақ мүшелерімен талқылау мәселесі қаралды, деп хабарлайды Tinfo.kz. Басқосуды Алматы облыстық мәслихаттағы «Nur Otan» партиясы депутаттық фракциясының жетекшісі Жанболат Жөргенбаев ашып, жүргізді. Фракция жиналысына облыстық мәслихат депутаттары қатысты. Әрмен қарай  Алматы облысының еңбек инспекциясы бойынша басқарма басшысының орынбасары - партия мүшесі Әділбек Далбағаев еңбек заңнамасының сақталуын бақылау бойынша баяндама жасады. (adsbygoogle = window.adsbygoogle || []).push({}); Белгілі болғандай, 2020 жылдың басынан мемлекеттік еңбек инспекторлары жалақыға қарыздары бар мекемелер мен кәсіпорындардың 509 қызметкерлері алдында 42,7 млн. теңге жалақы қарыздары барын анықтады.  “Аталған мекемелердің басшыларына еңбек заңнамасы талаптарының бұзушылықтарын  жою мақсатында нұсқама беріліп, 1,7 млн. теңге мөлшерінде айыппұл салды. Нәтижесінде 509 қызметкерлердің құқығы қорғалды. Ағымдағы жылы басқармаға 600 ден астам арыз-шағымдар түсіп, тиісті жауаптар жолданды, - деді ол.  Әділбек Егеубекұлы еңбек дауларын, жалақы бойынша берешекті, сондай-ақ, қауіпсіздік пен еңбекті қорғаудың алдын алу бойынша жұмыстар тұрақты түрде жүргізілетінін айтты. Келесі кезекте Алматы облысының Кәсіподақ орталығы аумақтық кәсіподақтар бірлестігінің төрағасы Әсет Қыдырманов мекемелердегі еңбек ұжымдарын кәсіподақ қозғалысына тарту, жаңадан бастауыш кәсіподақ ұйымдарын құру, жұмыс жасап жатқан кәсіптік одақтардың қызметтерін ретке келтіру бойынша жұмыстары назарға ұсынды. «Алматы облысының кәсіподақтар орталығы» аумақтық кәсіподақтар бірлестігінің құрамына салалық кәсіподақтардың 12 облыстық филиалы кіреді. Мұнда 69 мыңнан астам адам мүшелікке өтіп, 673 бастауыш кәсіподақ ұйымдары бар. Орталық құрылғаннан бері 29 рет үйлестіру кеңестері өткізілді. Бұл отырыстарда кәсіподақ мүшелерінің еңбек және әлеуметтік-экономикаға байланысты маңызды сұрақтары қаралып, шешімдер қабылданды. Алматы облысы әкімдігі, «Атамекен» Алматы облысының кәсіпкерлер палатасы, Алматы облысының кәсіподақтар арасындағы 2018-2020 жылдарға арналған «Үшжақты келісімге» сәйкес бекітілген іс-шаралар жоспары бойынша жұмыстар өз жалғасын табуда, - деген Әсет Серікқалиұлы Білім және ғылым қызметкерлері кәсіподағының Алматы облыстық ұйымы көп балалы және әлеуметтік жағынан осал отбасыларды, барлығы 800 мыңнан астам қаржыға 110 отбасыға азық-түлік себеттерімен қамтамасыз еткенін айтты. Сондай-ақ, өңір бойынша 25 мың медициналық маскалар таратып, Алматы облысында қабылданған төтенше жағдайға байланысты құрылған "Birgemiz Jetisy" қоғамдық қордың есеп шотына бір күндік еңбекақының 242 мың теңгеден астамы аударылғанына ерекше тоқталды.  Жиынды қорытындылаған Жанболат Әкебайұлы еңбек құқығын қорғау бойынша жұмыстар әрмен қарай жалғаса беретінін жеткізді.

Талдықорғанда 55 отандық жаңа автобус сатып алынды

Талдықорған қаласының автопарктері жаңартылып, қала тұрғындарына ақпан айынан бастап отандық жаңа автобустар қызмет көрсетеді. Бұл туралы бүгін облыс әкімі Амандық Баталовтың қатысуымен автобустарды тестілеуден өткізу барысында айтылды, деп хабарлайды Tinfo.kz Алматы облысы әкімінің баспасөз қызметіне сілтеме жасап. Облыс әкімінің тапсырмасына сәйкес «СарыарқаАвтоПром» ЖШС-мен келісім жасалып, жергілікті бюджеттен «Жетісу» ӘКК арқылы 55 жаңа автобус сатып алынбақ. Олар қаржылық, заңдық тұрғыдан барлық талаптарға сай келетін қаланың бірнеше автопарктеріне 7 жылға лизингіге беріледі. (adsbygoogle = window.adsbygoogle || []).push({}); Жаңа автобусты «СарыарқаАвтоПром» зауытының өкілі Александр Цой таныстырды. Автобустың кіреберіс баспалдағында мүмкіндігі шектеулі жандар үшін пандус қарастырылған, ал автобус ішінде қоларбаға арналған орын бар. Автобустың орындықтары жайлы, іші кең, арнайы бейнекамералар орнатылған. Экологиялық жағынан таза, яғни автобус газбен жүреді.  Көліктің барлық мүмкіндіктерімен танысқан облыс басшысы А.Баталов ұзындығы 10,3 м болатын үлкен автобустарды қаланың негізгі көшелеріне жүргізу керектігін айтты, себебі індет кезінде адамдар бір-бірінен алшақ тұрғаны жөн. Ал ондай мүмкіндік жасау үшін автобустардың іші осындай кең болуы тиіс. Ал одан кіші автобустар қосалқы көшелердің бағытында жүреді. Тасымалдаушыларға қарата облыс әкімі: - Біз сіздерге осындай жаңа автобустарды 7 жылға лизингіге алып береміз. Бұл игілікті сіздер үшін емес, бірінші кезекте қала тұрғындары үшін жасап жатырмыз. Ал автопаркке көліктердің ішін таза қалпында сақтап, күтіп ұстау міндеті жүктеледі. Жүргізушінің жауаптылығынан бастап кондукторлардың киіміне дейін бірыңғай, жоғары талапқа сай болуы керек. Біздің Талдықорған басқа қалалардан кем емес, сондықтан біз қызмет көрсетудің жаңа деңгейіне шығуымыз керек, - деді А. Баталов. Атап өтсек, Талдықорғанда қазір 26 бағытта 196 автобус қатынайды. Олардың көпшілігінің базасы ескірген. Сондықтан «Ақнар», «Жан ел», «Сайман», «Таксопарк», «Транстал» сияқты жолаушы тасымалымен айналысатын мекемелердің автопарктері үшін сатып алынатын «СарыарқаАвтоПром» ЖШС-ның 55 жайлы жаңа автобусы қоғамдық көлік қатынасын жақсартуға мүмкіндік береді деп күтілуде.  Бұл мемекелерге қоғамдық көліктер 7 жылға лизингіге беріледі. Алынатын автобустардың 25-і – Yutong маркалы, 27-сі – ПАЗ маркалы автобус.

Атақты «Тақиялы періште» 85 жаста

1 желтоқсан күні белгілі қоғам қайраткері, “Тақиялы періште” фильмінде басты рөлді сомадаған актер Әлімғазы Райымбеков 85 жасқа толды, деп хабарлайды Tinfo.kz. Әлімғазы Райымбековті мерейтойымен облыс басшысы Амандық Баталов құттықтады.  Баспасөз қызметінің хабарлауынша Амандық Баталов Әлімғазы ақсақалдың өмірі мен шығармашылық жолының өнегелі екенін айта келе: (adsbygoogle = window.adsbygoogle || []).push({}); “Індетке байланысты мерейтойыңызбен құттықтауды осындай шағын ортада өткізуге тура келді. Ең бастысы, біздің өзіңізге деген құрметіміз ерекше. «Тақиялы періште» фильміндегі рөліңіз арқылы бүкіл халық сізді жақсы біледі. Өзіңіздей азаматтың біздің Жетісу өлкесінің тұрғыны болғаны – біз үшін мақтаныш. Қашанда ақ жүрегіңізбен, қарапайым үлгіңізбен үлкендік қасиетіңізді көрсетіп, елге шынайы тілекші болып, батаңызды беріп жүресіз. Осындай еңселі қалпыңызда жүзге жетіңіз. Ұрпақтарыңыздың қызығын көріп, аман-есен жүріңіз. 85 жасқа толуыңызбен жұртшылықтың атынан құттықтаймын”, - деп ізгі тілегін білдірген облыс әкімі ақсақалға құттықтау хатын беріп, иығына шапан жапты. Сол сияқты ардагердің зайыбы Гүлжауар апаға сый-сияпат көрсетті. Әлімғазы ақсақал өзіне көрсетілген ыстық ықыласқа ризашылығын білдірді. “Күні кеше Тұңғыш Президент күні мерекесін атап өттік. Осы мерейлі мерекемен тұспа тұс келген мерейтойымды елеп, арнайы шақырып, сый-құрмет көрсетіп жатқандарыңа көп рахмет. Ел басындағы азаматтардың еселі еңбегіне халық риза. Көптің ішінде жүргенде естіп жүреміз. Осы бағытымыздан таймай,  еліміз тыныш, жұртымыз бірлікте болып, осылай өсіп-өркендей берейік. Ең бастысы дендерің сау болып, биіктен биікке жете беріңдер”, - деді Ә. Райымбеков. Мұнан соң облыстық ардагерлер кеңесінің төрағасы Ермек Келемсейіт және басқа да бірқатар ардагерлер сөз алып, мерейтой иесіне тілек білдірді. Кездесуді қорытындылаған облыс әкімі: “Тұңғыш Президент күні мерекесі қарсаңында Елбасымен сөйлестім, елдің жайын сұрап, өздеріңізге сәлем айтты. Облыстағы атқарылып жатқан игі істердің барлығына Елбасымыз бен Мемлекет басшысы қолдау көрсетіп отыр. Жетісу жерінің табиғаты да, климаты да жайлы, жерұйық мекен ғой. Бірақ біздің ең басты байлығымыз – өздеріңіз секілді азаматтарымыз. Сондықтан елдің, сіздердей үлкендердің алғысына бөленіп, батасын алайық. Алдымызда ақылшы болып ардагерлер аман жүрсін”, - деді Амандық Баталов.

Алматы облысында нұротандықтар Тұңғыш Президент күнін атап өтті

Тұңғыш Президент күні қарсаңында «Jas Otan» ЖҚ Алматы облысындағы өкілдері «Skype» желісінде кездесу өткізді. «Елбасының көшбасшылық жолы» тақырыбында өткен жиынға «Nur Otan» партиясы Алматы облыстық филиалы төрағасының орынбасары Гүлнар Тойлыбаева қатысып, бұл күннің маңыздылығына тоқталып өтті. “2011 жылы Қазақстан Республикасы Парламенті Сенатының қабылдаған Заңына сәйкес, 2012 жылдан бастап Қазақстан Республикасының Тұңғыш Президенті күні 1 желтоқсан мерекеленуде. «Қазақстан Республикасының Тұңғыш Президенті – Елбасы туралы» Конституциялық Заңға өзгерістердің дәл осы күні қабылдануы жай ғана сәйкестік емес. Бұл – еліміздің жаңа тарихындағы ерекше күн. Ел егемендігін алғаннан бері Елбасының басшылығымен ауқымды экономикалық, саяси және әлеуметтік реформалар жүзеге асырылды. Бүгінгі Қазақстан әлемнің төріне озған, барша адамзаттық мәселелерге төрелік айтқан, дүниенің ең азулы елдерінің басшыларын аузына қаратқан мерейлі мемлекет. Міне, сондықтан да әлем¬нің маңдайалды саясаткерлері Тұңғыш Президентіміз Нұрсұлтан Әбішұлы Назарбаевты Қазақстан мемлекеттілігінің негізін қалаушы және жаһандық, өңірлік бейбіт бастамалардың авторы ретінде таниды”, - деді.  (adsbygoogle = window.adsbygoogle || []).push({}); Мұнан соң сөз алған Ақсу ауданына қарасты Қапал ауылдық округі әкімінің бас маманы В.Чепель Елбасының арқасында Қазақстан достық пен татулықтың мекеніне айналғанын айтты. Бүгінде сол достығымен еліміз әлемге үлгі болып отырғанын жеткізді. Шарадан жастар шабыттанып қайтты. Сонымен бірге «Nur Otan» партиясы Алакөл аудандық партия филиалының партиялық бақылау комиссиясының өкілдері Е.Жұбанышбаев пен К.Нүсіпхан аудан халқы мен партия өкілдерін онлайн режимде Тұңғыш Президент күнімен құттықтады. “Тәуелсіз қазақ елінің тағдыры – Елбасы тағдыры. Елбасы тағдыры – қазақ елінің тағдыры. Абылайхан дүниеден өтер сәтінде «Елімді бейбіт өмірге жеткізе алмадым, халқым жер игілігін көре алмады, қала, кент сала алмады, елдің басын біріктіре алмадым» деп орындалмаған арманын айтып кеткен. Ұлы Абылайдың осы армандарын тәуелсіз еліміздің Тұңғыш Президенті Нұрсұлтан Әбішұлы Назарбаевтың толығымен жүзеге асырғаны баршамызға аян. Бүгінде Қазақстан, қарышты дамуымен дүниежүзін таңғалдырған, өзіндік айқын бағыты бар егемен ел ретінде қалыптасқан мемлекет. Елбасының жүргізіп отырған салиқалы саясатының арқасында еліміз әлеуметтік-экономикалық, рухани-мәдени дамуда зор жетістіктерге жетті. Аз ғана мерзімде қос құрлықтың арасындағы ұлан-байтақ кеңістікте бабадан қалған қонысты түгел иемденіп, атадан қалған аруақты туды асқақ ұстап, өз алдына ел болып, еңсе көтеріп кету үшін тынымсыз еңбек, қайтпас күрес, қажымас күш-жігер керек екеніне куә болдық. Бізді бір Отан, бір тағдыр, бірінші Елбасы біріктіріп отыр, - деді Е.Жұбанышбаев. Нұрсұлтан Әбішұлы Назарбаев – әлемнің қазіргі тарихындағы кемеңгер тұлға. Елбасы жер-жаһанға мемлекеттің бейбіт және ядролық қарусыз саясатын паш етіп, Қазақстанды жоғары халықаралық деңгейге шығарды. Елбасының бастамасымен тәуелсіздік жылдарында экономикалық, саяси, әлеуметтік реформалар жүзеге асырылды. Нұрсұлтан Назарбаевтың стратегиялық бастамалары, болашақты болжай білетін көрегенділігі, сарабдал саясаткерлігі арқасында көпұлтты мемлекетіміз дамудың даңғыл жолына түсті. Бүгінде Қазақстан бірлік пен қоғамдық келісімнің алтын бесігіне айналды. Еліміздегі татулық пен ынтымақтың бірегей үлгісін жаһан жұртшылығы зерделеп, «Қазақстандық жол» және «Назарбаев моделі» деп баға береді.

Қарасай ауданының жастары Елбасы "жолымен" танысты

Тұңғыш президент күні қарсаңында «Nur Otan» партиясы Қарасай аудандық филиалының ұйымдастыруымен ауданның белсенді жастары «Атамекен» тарихи-өлкетану мұражайына экскурсия жасады. Мұндағы мақсат - қазақстандықтар арасында Елбасының жүріп өткен шығармашылық және саяси жолын кеңінен насихаттау, сондай-ақ Президенттің өмірі мен қызметінің айшықты үлгілері негізінде жастардың патриоттық тәрбиесін күшейту. «Атамекен» тарихи-өлкетану мұражайы Н.Назарбаевтың бастамасымен жүзеге асып жатқан «Рухани жаңғыру» бағдарламасы аясында бой көтерді. Мұнда Н.Ә.Назарбаевтың өмірі мен қызметінің, Қазақстан Республикасының қалыптасуы мен дамуының негізгі кезеңдеріне сәйкес хронологиялық ретпен орналастырылған жәдігерлер бар. Бұл Орталыққа келушілер мемлекеттіліктің қайта жаңғыруы процесіндегі, экономикадағы және әлеуметтік саладағы, тарихи дамудағы түбегейлі терең өзгерістерді жүзеге асырудағы саяси оқиғалар мен Қазақстанның ХХ және ХХІ ғасырлар шеңберінде халықаралық беделінің нығаюындағы Елбасының ауқымды үлесін, рөлі мен еңбегін айғақтайтын құжаттармен, айғақтық заттармен танысады.  (adsbygoogle = window.adsbygoogle || []).push({}); Жастар мұражайды аралау барысында түрліше әсер алды. Елдіктің, егемендіктің нышаны іспетті жәдігерлерді тамашалады. Елбасының тұтынған бұйымдарын көріп, азат елдің тәуелсіздік жолындағы еселі еңбегін дәріптейтін мол мұрамен танысты. Олар экскурция соңында өзара әсерімен бөлісіп, шараны ұйымдастырушыларға алғысын білдірді.

Талдықорғанда газ баллоны жарылып 8 адам ауруханаға түсті (ВИДЕО)

26 қараша күні кешкі сағат 20.00 шамасында Талдықорған қаласының Еркін ауылындағы тұрғын үйлердің бірінде  шағын газ баллоны жарылды. Оның салдарынан  8 адам жарақат алып, үйдің қабырғалары мен шатыры қираған, деп хабарлайды Tinfo.kz. ТЖД хабарлауынша, жарылыс салдарынан 8 адам, оның ішінде 3 бала зардап шекті. Олардың барлығы медициналық мекемелерге жеткізілді. (adsbygoogle = window.adsbygoogle || []).push({}); Алдын ала болжам бойынша, тұрмыстық газ баллонын жылыту үшін пештің жанына қою жарылысқа себеп болған. “Оқиға орнында Алматы облысы ТЖД 28 қызметкері, 8 техникасы, 8 жедел жәрдем бригадасы, полиция, газ қызметі және жергілікті атқарушы органдардың қызметкерлері жұмыс істеді. Сондай-ақ зардап шегушілердің туыстарына психологиялық көмек көрсету үшін Алматы облысы ТЖД-ның екі психолог маманы жұмылдырылды”, - делінген департаменттің баспасөз қызметінің хабарламасында. Алматы облысы ТЖД азаматтардан газ баллондарын пайдалану және қолдану кезінде сақтық шараларын қатаң сақтауды сұрайды.

Елбасы сыныптастарымен кездесу

Қазақстан Республикасының Тұңғыш Президенті күніне орай 25 қарашада Қарасай аудандық кітапханасы мен Қарасай аудандық тарихи- өлкетану мұражайының ұйымдастыруымен «Ел сенімін ақтаған Елбасы» атты тақырыпта облыстық конференция өтті, деп хабарлайды Tinfo.kz. Шара Ұлт басшысы, Елбасымыздың еңбек жолын өскелең ұрпаққа кеңінен насихаттау, Отанын сүюге, елжандылыққа, елі сүйген Елбасынан үлгі алуға тәрбиелеуге бағытталды. Ұйымдастырылған іс-шараға Елбасының сыныптастары, қоғам қайраткерлері шақырылды. (adsbygoogle = window.adsbygoogle || []).push({}); Қарасай аудандық тарихи-өлкетану мұражайының директоры Серік Мақұлбекұлы модераторлық етуімен басталған конференция Қазақстан Республикасының Мемлекеттік гимнімен бастау алды. Іс-шара барысында Тұңғыш Президент Н.Ә.Назарбавтың сыныптастары Едіген Исатұлы мен Жомарт Исабекұлы сөз алып, мектеп кезіндегі жақсы естеліктерімен бөлісті.  Тұңғыш Президентіміздің еңбек жолы- жас қазақстандықтар үшін үлгі мен өнеге тағылымның мектебі екенін айшықтайтын бейне ролик көрсетіліп, С.Сейфуллин атындағы Алматы облыстық әмбебап кітапханасының қызметкерлері дайындаған «Елбасы - кемеңгер көшбасшы» атты кітап көрмесі ZOOM платформасы арқылы онлайн таныстырылды.  Сонымен қатар, «Коворкинг» орталығы жанынан ашылған «Өлең сөздің патшасы...» атты клуб мүшелері Елбасына арналған өлең шумақтарын тарту етсе, Қарасай аудандық мәдениет үйінің әншілері өз әндерімен кешке патриоттық рух сыйлады.

Алматы облысында оқушыларға компьютер жеткілікті ме?

Алматы облысында мектеп оқушыларын қажетті компьютерлік жабдықтармен қамту мәселесі қаралды. Осы мақсат үшін жергілікті бюджеттен 4 млрд теңге, республикалық бюджеттен 8,6 млрд теңге қарастырылған, деп хабарлайды Tinfo.kz. 2020-2021 оқу жылында Алматы облысында 760 мектепте 429 мыңнан аса оқушы білім алуда. Оның ішінде 564 мектептің 351 мыңға тарта оқушысы қашықтықтан білім алуда. 16 мыңдай оқушы білім алатын 196 мектеп штаттық режимде жұмыс істейді. Ал ата-аналардың өтініші негізінде 62 347 оқушы білім алуы үшін 5025 кезекші сынып ұйымдастырылған. (adsbygoogle = window.adsbygoogle || []).push({}); “Мәселен, бүгінде оқушыларды компьютермен қамту үшін жергілікті бюджеттен 4 млрд. теңге, республикалық бюджеттен 8,6 млрд теңге қарастырылған. Аталған қаржыға 55 017 компьютерлік техника сатып алынған. Мұнан бөлек демеушілердің қолдауымен 2110 компьютер алынған. Бүгінде компьютерлік техникамен 22 932 оқушы қамтылмаған. Осы оқушыларды тиісті құралмен ай соңына дейін қамтамасыз етілмек.  Штаттық режимде жұмыс істейтін және кезекші сыныптар ұйымдастырылған мектептер санитарлық талаптарды толықтай сақтап білім беруде. Бұл мақсат үшін 226,9 млн. теңге қаржы қаралған. Бұл қаржыға 5877 дезинфекциялық тоннель, 1003 тепловизор, 1741 дезинфекциялық  кілемше, 1724 бактерицидті лампа, 6240 санитайзер сынды жабдықтар алынған. Мұнан бөлек аталған мектептерден тыс қосымша 371 тепловизор, 50 тоннель, 716 дезинфекциялық кілемше, 304 бактерицидті лампа, 498 санитайзер алуға жергілікті бюджеттен қаржы қаралған. Бүгінде аталған құралдар толықтай сатып алынған, - деді «Nur Otan» партиясы Алматы облыстық филиалының спикері Жамал Құлахметова. Мұнан өзге жиынға қатысушылар білім саласындағы оң өзгерістер жайын талқылады.

Жас мамандар ардагер дәрігелерге алғыс білдірді

«Nur Otan» партиясы Алматы облыстық филиалында «Ардагерлердің ардақтайық» партиялық жобасы аясында медицина саласының ардагерлерімен онлайн жиын өтті, деп хабарлайды Tinfo.kz. “Әлемді жаулаған пандемия кезінде халық дәрігерлердің шынайы қамқорлығын сезінді. Ел Президенті Қасым-Жомарт Тоқаев биылғы дәстүрлі Жолдауын дәрігерлерге алғыс айтумен бастаған еді. Медицина сонша жерден заманауи жабдықтармен қамтылып, дами түскенмен, білікті маман болмайынша бұл саланың өрісі кең деп айта алмаймыз. «Науқасты жазатын ең үлкен ем – жақсы сөз» деген бар батыстың медицинасында. Бұл ретте адами қасиеттерді кейінгі буынға сіңіріп, тәлім-тәрбие беруде аға буын қалыс қалып жатқан жоқ. Олар әрдайым құрметке лайық. Әдетте дәрігерлерге «ақ халатты абзал жан» деген тіркес қолданылады. Абзалдық – жанның мейірбандығы, қызметке адалдығы мен адамгершілігі. Міне, осындай қасиеттер ел дәрігерлерінің бойынан табылады. Себебі, аға буын, ардагер дәрігерлеріміз соған тәрбиеп еді”, - деді Ескелді аудандық орталық аурухананың бас дәрігері, «Nur Otan» партиясы Саяси кеңесінің мүшесі Сәуле Құсмолданова.  (adsbygoogle = window.adsbygoogle || []).push({}); Соңғы жылдарда медицина саласы білікті һәм білікті жас мамандарға толығуда. «Жиын барысында Қаратал ауданына қарасты Көпбірлік дәрігерлік амбулаториясының жалпы тәжірибелік дәрігері, жас маман Мақпал Сұлтан сөз сөйлеп, аға буынға алғысын білдірді. “Арбаның алдыңғы дөңгелегі қайда жүрсе, артқы дөңгелегі сонда бағыт алмақ» деген бар. Сала ардагерлерінен біліммен қатар, имандылықты, адамгершілікті, адамилықты үйрендік. Олар өмір тәжірибесінде алған мол білігін бізге үйретті. Бүгінде саланың майталманына айналған білікті жастар жетерлік. Сол жастар әр дайым медицина саласының ардагерлеріне алғысын білдіреді”, - деді ол.  Жиын барысында аға буын мен жастар жан-жақты пікір алмасты. Сала ардагерлері жастарға сәттілік тілесе, жастар оларға алғысын білдірді.