Ақсулықтарға мемлекеттік тіл саясатының бағыттары түсіндірілді
Қазанның 10-13 аралығында «Ақсу ауданының ішкі саясат,мәдениет,тілдерді дамыту және спорт бөлімі» ММ және «YERKIN» Өнер Академиясы» жастар қоғамдық бірлестігінің әлеуметтік маңызы бар жобаларды жүзеге асыру негізінде Ақсу ауданы деңгейінде бірқатар маңызды іс-шаралар өткізілді, tinfo.kz хабарлайды
Оның ішінде Қазақстан Республикасындағы тіл саясатын іске асырудың 2020-2025 жылдарға арналған мемлекеттік бағдарламасын ақпараттық – түсіндіру бағытында «Тіл ғұмыры – Ұлт ғұмыры», «Тіл мәртебесі» тақырыбында кездесу, «Тіл – халық жанын танудың кілті» атты дөңгелек үстел, «Өмір өзегі – тіл тағдыры, ұлт мұраты» атты семинар өткізілді.
«YERKIN» Өнер Академиясы» жастар қоғамдық бірлестігінің төрағасы Даулет Ауданбаев аталған іс-шаралар мемлекеттік тіл саясатының негізгі бағыттары және оны іске асыру мақсатында ұйымдастырылып жатқанын ескере отырып, спикерлер мемлекеттік бағдарламаның мақсатын түсіндіріп, тіл саясатындағы мәселелер бойынша пікір алмасып, сауалдарына жауап берілді.