Алматы облысында 83 азамат «Nur Otan» праймеризіне қатыспақшы
Алматы облысында 83 адам «Nur Otan» партиясының праймеризіне қатысуға өтініш берді, деп хабарлайды Tinfo.kz.
«83 азамат «Праймериз» веб-порталымен мобильді қосымшасы арқылы немесе партия филиалына келіп, өз өтініштерін қалдырды. Ел ішіндегі әлеуметтің мәселесін, мұң-мұқтажын көтеріп жүрген жетісулық белсенді азаматтар праймериз арқылы өңірдің дамуына өз үлестерін қосуға ниеттерін білдіріп отыр. Осы орайда, партияның түрлі алаңдарын пайдаланып, билікпен бұқара арасында алтын көпірге айналған партияның мүмкіндіктерін пайдаланбақ», - деп атап өтті партияның обылстық филиалында.
Атап өтейік, саяси ұйымның праймеризіне қатысуға тіркеу жұмыстары 28 тамызға дейін жалғасады.