Мамандардың мәліметінше, аталған өндіріс ошағы аймақтағы керамикалық плита шығаратын ірі кәсіпорындардың бірі. Қазір зауыт керамикалық плитаның 10-нан астам түрін шығарып, жыл санап өнім көлемін ұлғайтып келеді. Бұл ондағы жуырда ғана іске қосылған үшінші жаңа желі. Бүгінде кәсіпорында 300-ге жуық қала тұрғыны тұрақты жұмыспен қамтылған. Зауыт – жергілікті еңбек нарығы мен өңірлік дамуға елеулі үлес қосып отыр. Жылдық  өндіріс қуаты – 3,5 млн шаршы метр.

– Өңірлерді өркендетіп, халықтың әл-ауқатын көтеру – Мемлекет басшысы жүктеген басты міндеттердің бірі. Сондықтан жергілікті кәсіпорындарды қолдау – жаңа жұмыс орындарының көбеюі мен қаланың экономикалық әлеуетін арттыруға тың жол ашады. Сонымен бірге мұндай өндіріс ошағы шаһардың әлеуметтік-экономикалық өсіміне оң әсер етеді. Сол үшін өндірістік қуаттылықты арттырудың маңызы зор», – деді қала әкімі Ернат Дүйсенбекұлы.