Белгілі қазақстандық әнші Алтынай Жорабаева екінші рет тұрмыс құрды, деп хабарлайды Tinfo.kz.

Бұл туралы әнші Instagram парақшасында мәлімдеді.

«Жалғыздық Құдайға ғана жарасқан. Рамазан айында керемет жаңалығым бар.  Адамның емес, Алланың қалауы болады.  Маған және төрт қызғалдағыма қорған, қамқоршы болатын бағбан берген Аллаға сансыз шүкір.  Әрине, мен әуелі ата-анамның ақ батасын, қыздарымның келісімін алдым. Енді осы қадамыма сіздердің, аяулы оқырмандарымның да ақ тілегін алсам деймін. Бақытты адам басқаға да бақ тілейді. Бізге де жақсы тілектеріңізді арнасаңыздар екен», - деп жазды ол.

Алайда әнші жұбайының аты-жөнін жарияламады.

https://www.instagram.com/p/CAaKGi6gOL_/

Айта кетейік, осыған дейін Алтынай Жорабаева актер, продюсер Сәбит Әбдіхалықовпен отау құрып, кейін ажырасып кетті.

_{Фото: https://www.instagram.com/altynaizhorabayeva/}