"Бастау Бизнес" түлектеріне жеңілдікпен несие беріледі
Несие кез-келген бизнес мақсатқа беріледі. Кепілзат ретінде барлық жылжымайтын мүлік жарамды.
Несие сомасы ауылдық жерлер үшін - 7,6 млн теңге, қалалар мен моноқалалар үшін — 19,9 млн теңге. Қаражат көлемі жобаңыздың іске асырылу орнына байланысты. Егер сіз Қарабұлақта тұрсаңыз, бірақ кәсібіңіз Талдықорғанда болса, онда жоба үшін қаражат қала тұрғындарына көрсетілген сомада беріледі.
Несиелеу мерзімі 5 жылға дейін, мал шаруашылығы саласында 7 жылға дейін. Ақшаны алғаннан кейін 12 айға дейінгі несиелік демалыс беріледі.
Сұрақтар бойынша, өтінім беру үшін аудандар мен қалалардағы жергілікті Кәсіпкерлер палатасының филиалына жүгіну қажет.