«Бастау Бизнеске» 5 жыл: Алматы облысында 5,6 мың адам кәсібін ашты
Елбасы «Бастау Бизнес» бағдарламасына жоғары баға берді. Нұрсұлтан Назарбаев бейнеүндеу жолдап, жобаны Қазақстан бойынша жалғастыру қажеттігін атап өтті.
Алматы облыстық Кәсіпкерлер палатасының директоры Лаззат Чинкисбаева жоба аясында бес жылда Жетісу жерінде 16 464 азамат «Бастау Бизнес» жобасы бойынша оқып, 5648 жоба мемлекет тарапынан қаржыландырылғанын жеткізді.
Бастаулықтарды несиелендіру мақсатында Палата «Жетісу» ӘКК бірлесе «Аtameken Zhetysu» микроқаржы ұйымын құрды. Биыл аталған микроқаржы ұйымы арқылы 400-ден астам жобаны қаржыландыру жоспарлануда.