Войти через

  • 13°C

Пятница, 29 марта

Өңірде 890 га бақ өсіріледі

TINFO
TINFO
Служба новостей
Бүгін ҚР Парламенті Мәжілісі депутаттығына үміткер Дамир Дигай Іле ауданы, Өтеген батыр ауылындағы «Биля» базарында болып, базар ішіндегілерге «Nur Otan» партиясының атқарған жүйелі жұмысы мен саулауалды бағдарламасында қарастырылған келелі жоспарларды таныстырды.
Үміткердің айтуынша, алдағы бес жылда өңірдегі азық-түлік қауіпсіздігін қамтамасыз ету мақсатында 59 жоба іске аспақ. Мәселен, жылына 27 мың бас ірі қараны бордақылайтын 30 алаң салынбақ. Нәтижесінде 162 жұмыс орны ашылады. Сондай-ақ, 8,7 мың басқа арналған 22 сүт-тауар фермасы іске қосылады. Ұйғыр ауданында 300 адамды жұмыспен қамтуға мүмкіндігі бар құс фабрикасы салынады.
- Партияның сайлауалды бағдарламасында өңір тұрғындарының өмір сүруіне қолайлы орта түзу басты назарға алынған. Осы бағытта келелі жоспарларымыз бар. Мәселен, қолайлы аймақ түзу үшін ондағы қауіпсіздікті де қамтамасыз етуіміз тиіс. Ішкі нарықтағы азық-түлік қауіпсіздігін қамтамасыз ету арқылы қолайлы орта түземіз. Сол бағытта өңірде 890 га жеміс бағы тұрғызылады. Сондай-ақ, азық-түлік қауіпсіздігін қамтамасыз ету үшін жылыжайлардың да рөлі басым. Қыс бойы көгөністі өзге өңірлерден, шетелден тасуға мәжбүр болмас үшін 34 гектар жер көлемін алатын 2 жылыжай салынады. Одан өзге жеміс-көкөніс сақтайтын заманауи қоймалар да салынады, - деді Дамир Дигай.
Осындай келелі жұмыстар нәтижесінде 2025 жылға қарай 10 мыңнан астам тұрақты жұмыс орны ашылады. Ал еңбек өнімділігін 2,5 есеге, яңни 6 млн. теңгеге дейін арттыруға мүмкіндік бар.

«Nur Otan» партиясы Алматы  облысының Сайлау қорының қаражатынан  төленді.


Это может Вас заинтересовать