Войти через

  • 14°C

Пятница, 19 августа

Паспорт жасату үшін не істеу керек

TINFO
TINFO
Служба новостей

TINFO.KZ  Қазақстан Республикасы азаматының паспортын қалайша рәсімдеуге болады деген сауалға жауап береді.

Бұл құжатты алу үшін ХҚО-дағы миграция қызметінің мамандарына келесі құжаттардың бірін ұсынасыз:

- туу туралы куәлiк (16 жасқа толған соң жеке куәлiк);

- ҚР азаматының паспорты (паспорт ауыстыратын кезде);

- жеке куәлiк;

- iшкi iстер органдары беретiн белгiленген нысандағы ҚР азаматтығына қабылданғаны туралы анықтама;

- Қазақстан Республикасының шетелдiк мекемелерi берген қайтып оралу куәлiгi;

- еркін түрдегі жазбаша өтініш (азаматтың хал актісіне туу туралы, туған жері, ұлты туралы өзгерістерді енгізе отырып айқындамалық деректерді өзгерткен, жоғалған жеке куәлік және (немесе) паспортты қалпына келтіру мәселесі бойынша жүгінген кезде).

Егер балаға паспорт рәсімдейтін болсаңыз:

- туу туралы куәлік;

- ата-анасының бірінің жеке куәлігі.

8 АЕК мөлшеріндегі баж салығын төлеп, өтініш бергеннен кейін құжат 15 жұмыс күні ішінде дайын болады. Қажет жағдайда қосымша ақы төлеп, оның мерзімін жеделдетуге болады.

Паспорт 10 жылға жарамды.

Это может Вас заинтересовать