Ескелді және Қаратал аудандарының әкімдері ауысты
ҚР Президенті әкімшілігінің келісімімен және аудандық мәслихаттың қолдауымен Ескелді және Қаратал аудандарына жаңа басшы тағайындалды, деп хабарлайды TINFO желілік агенттігі.
Бұл туралы Алматы облысы әкімінің баспасөз хатшысы Ғалымұрат Жүкел Facebook-тегі жеке парақшасында жазды.
Қаратал ауданының әкімі болған Рауан Рақымбеков (суреттің сол жағында) Ескелді ауданының басшысы болып тағайындалды. Бұрынғы аудан әкімі Бағлан Тәнекенов басқа қызметке ауысуына байланысты жұмысынан босатылды.
Өз кезегінде Қаратал ауданының әкімі болып Талдықорған қалалық мәслихатының хатшысы қызметін атқарған Қайрат Бұлдыбаев (суреттің оң жағында) атанды.
Фото: www.facebook.com/zhukel.galymurat